प्रेरित 21:34 - पुर्वीय मगर

³⁴ टर होसे भीडुङ भर्मीकै काटै काट कुरा र अर्‌कोये काट कुरा डेयार च्‍याका। होटबाटै होसे होहल्‍लै जाट्‍नाङ झगडौ खास कुरा थाहा डीन्‍खी माय्‍होक्‍चबाटै पावलकी ब्‍यारेकाङ आल्‍खी डेम सेनापटीये आज्ञा याहा।

प्रेरित 21:34 ပူးပေါင်းရင်းမြစ်များ

प्रेरित 19:32

टब होखुरीक भीन्‍डा-भीन्‍डै कुरा जाट्‍चै च्‍याक्‍की ठाला। होसे भीडाङ हल्‍ल-खल्‍ल छानन्‍या र वास्‍टै जसो भर्मीकै च होखुरीक हीजै भेला छान्‍च हो, होसे र थाहा मालेया।

प्रेरित 21:37

ब्‍यारेक भीत्री टाखी पानाङ पावलै सेनापटीकी डेया, “ए हजुर, छान्‍ले डेनाङ, ङा नाखुरीककी हीर कुरा डेकी मीमन ले।” होचे डेया, “नीये ग्रीक भासा ङाक्‍की वार्‌ल्‍हे?

प्रेरित 22:24

होटै सेनापटीये आज्ञा जाटा, “होसकी ब्‍यारेक भीत्री राकार कोर्‌रा ङापार जाच्‍डीनी, ही कारनै होच्‍यौ विरोधाङ होखुरीक इटजाट्‍न च्‍याक्‍ङने ङा र वार्‌खी य्‍होकीङ।”

प्रेरित 22:30

अनी पीउर्‍हाक लेखो यहूदीकै पावलकी खास कुसे कारनै दोष लैडीमेसा डेच कुरा बुझडीस्‍की, सेनापटीये पट्‍ट न मुख्‍य पुजाहारीको र महासभुङ भर्मीकोलाक जम्‍मा छान्‍की आज्ञा जाटा। अनी होसे सेनापटीये पावलकी झ्‍यालखाना लकीङ डोनार होसकी म्‍हाका राका र होखुरीकुङ म्‍याहासाङ टोङ्‍हाका।

प्रेरित 23:10

होला बाड्‍को मतभेद छान्‍रखीङ होखुरीकुङ मीहुट लकीङ पावलकी च्‍याट्‍चुट पार्‌यार साट्‍ले औँला डेम बीर्‍हीयार सेनापटीये पावलकी होखुरीकुङ मीघीङ जबर जस्‍टी डोनार ब्‍यारेक भीत्री आल्‍खी डेम सेपाहीकोलाक आज्ञा याहा।

प्रेरित 23:16

टर पावलौ भान्‍जै इसे कुरा थाहा डीन्‍हा। होटै होचे ब्‍यारेक भीत्री नुङार पावलकी सेटाका।

प्रेरित 23:32

पीउर्‍हाक लेखो पैडल नुङ्‍च सीपाहीकै चहीँ पावलकी घोडाङ काल्‍हार नुङ्‍ङ न लेच सीपाहीकोलाक जीम्‍मा याहार यरूशलेमाङ ल्‍हेसा।

प्रेरित 25:26

टर इच्‍यौ बारेयाङ ङै रोमी सम्राट्‌की ही रीक्‍की पर्च हो होसे ङाकी थाहा माछाना। होटबाटै ङै होसकी नाखुरीकुङ म्‍याहासाङ अनी खास जाट्‍न राजा अग्रिपास, नाकुङ म्‍याहासाङ राक्‍की मीमन जाट्‍च हो। नाखुरीकै इसकी जाँचबुज जाट्‍रखीङ ङै हीर कुरा रीक्‍की डुप्‍ले डेच आशा डामने।