प्रेरित 21:3 - पुर्वीय मगर

³ जब साइप्रस खेरेप टाहा, टब कान होसकी डेबेर्‌या पट्‍टी पार्‌यार सीरीयुङ क्षेत्र नुङा। र टुरोस सहराङ झाला हीजैडेनाङ होला जहाजुङ सामानको झालाक्‍की पर्च लेया।

प्रेरित 21:3 ပူးပေါင်းရင်းမြစ်များ

मत्ती 11:21

होसकै डेया, “धिक्‍कार नाङ्‍की, ए खोराजीन! धिक्‍कार नाङ्‍की, ए बेथसेदा! इडीक नाखुरीक लेठाङ जाट्‍च शक्‍तिशाली कामको टुरोस र सीदोनाङ जाट्‍च लेनाङ होखुरीकै पहीला न भाङ्‍गरा बील्‍हार र बाडाप मोल्‍हार पश्‍चात्ताप जाट्‍च लेया।

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

लुका 10:13

“खोराजीन र बेथसेदुङ ए भर्मीको, नाखुरीककी ढीक्‍कार! नाखुरीकुङ मीघ्‍याङ जाट्‍च बाड्‍को कामको टुरोस र सीदोन सहराङ जाट्‍च लेनाङ होलुङ भर्मीकै पहीला न भाङ्‍गरा बील्‍हार बाडाप मोल्‍न्‍ह लाहा-लहो पापको डासार परमेश्‍वर पट्‍टी ल्‍हेस्‍च लेया।

लुका 2:2

इटजाट्‌न होसे ठावाङ जनगननौ लागी म्‍यार्‌मीन रीकाक्‍की डेम पहीलो खेप हुकुम राम्‍हन्‍या। होस बेला सीरीया डेच ठावाङ कुरेनीयस हाकीम लेया।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 12:20

हेरोद राजा टुरोस र सीडोनुङ भर्मीकोखाटा सार्‍है मीरीस ख्‍योम्‍हन्‍या। होसे नीस सहरुङ भर्मीकै ज्‍याच अन्‍न हेरोदौ देशीङ राक्‍की परन्‍या। होटबाटै होखुरीक काट मीमनुङ छानार हेरोद लेठाङ खाट्‍की डेम राहा। होच्‍यौ काम जाट्‍च भर्मी बलस्‍तसखाटा साहयटा ङेहार राजाकी डुप्‍की बिन्‍ती जाटा।

प्रेरित 13:4

इटजाट्‍न पवित्र आत्‍मै बीर्‌न्‍हकाचबाटै बारनाबास र साउल सीलुकीयाङ नुङा। होटै जहाजाङ काल्‍हार साइप्रस नुङा।

प्रेरित 15:23

अनी होसे बुली जनौ मीहुटाङ होखुरीकै इट डेच चीठी याम्‍हका एन्‍टीओखीया, सीरीया र कीलीकीयाङ लेच अन्‍यजाति विश्‍वासी डाजे-भाइकोलाक, प्रेरितको र अगुवाकुङ अभिवादान।

प्रेरित 15:39

होखुरीक मीघ्‍याङ काट हीर सल्‍लाह माखाट्‍चबाटै होखुरीक भा। बारनाबासै मर्कूसकी लार जहाजाङ काल्‍हार साइप्रसलाक नुङा।

प्रेरित 15:41

कुटजाट्‍न होखुरीक सीरीया र कीलीकीया छान्‍चै नुङा होखुरीकै होला लेच मण्‍डलीयुङ विश्‍वासीकोलाक प्रभुवाङ बलीयो खासा।

प्रेरित 18:18

पावल वास्‍टै डीन सम्‍म विश्‍वासी डाजे-भाइकोखाटा कोरिन्‍थी सहराङ ङुवा। होस न्‍हुइङ डाजे-भाइकोखाटा बिदा छानार होसे प्रिस्‍किला र अकीलासखाटा कीङ्‍कीरीया डेच सहराङ नुङा। हीर समय अगाडी जाट्‍च भाकल पुरा जाट्कीयो लागी सीरीया नुङ्‍की जहाजाङ काल्‍खी डेनाङ अगाडी पावलै लहो मीछाम हुला।

प्रेरित 21:16

कान खाटा कैसरीयुङ कुडीक जना विश्‍वासीको र नुङा। होखुरीकै कानकी साइप्रसुङ काट जना पुरानो विश्‍वासी मनासोन डेचओ इमाङ आल्‍हा। होसे खाटा न कान बास ङुकी पर्च लेया।

प्रेरित 21:2

होला कानै फोनीकेयाङ नुङ्‍च जहाज डुपा र कान होसे जाहाजाङ काल्‍हार नुङा।

प्रेरित 21:7

टुरोसलकीङ जहाजाङ काल्‍हार कान टोलेमाइसाङ टाराहा। होटै होलुङ विश्‍वासी डाजे-भाइकोखाटा भेटघाट जाटार होखुरीक खाटा होला कायाक ङुवा।

प्रेरित 27:4

होटै कानुङ जहाज फेरी लाम लक्‍डीसा। जहाजौ अगाडी लकीङ नाम्‍सु क्‍योस्‍चबाटै कानै साइप्रस टापुओ आड लार नाम्‍सु छेलीचै नुङ्‍की पर्‌या।

प्रेरित 4:36

साइप्रस देशुङ लेवी कुलुङ योसेफ डेच भर्मी लेया। होसकी प्रेरितकै बारनाबास डेयार म्‍यार्‌मीन डामन्‍या (होच्‍यो अर्थ चहीँ उत्‍साह याछ भर्मी हो)।