प्रेरित 21:16 - पुर्वीय मगर

¹⁶ कान खाटा कैसरीयुङ कुडीक जना विश्‍वासीको र नुङा। होखुरीकै कानकी साइप्रसुङ काट जना पुरानो विश्‍वासी मनासोन डेचओ इमाङ आल्‍हा। होसे खाटा न कान बास ङुकी पर्च लेया।

प्रेरित 21:16 ပူးပေါင်းရင်းမြစ်များ

प्रेरित 10:24

आपर्‌हीन लेखो होखुरीक कैसरीयाङ टाहा। कर्नेलियसै लहो कुटुम्‍बको र खाट्‍च लाफाकोलाक आर्‌घार होखुरीककी लेन्‍न ङुमन्‍या।

प्रेरित 10:48

होटबाटै पत्रुसै होखुरीककी येशू ख्रीष्‍टौ म्‍यार्‌मीनाङ बप्‍तिस्‍मा लाकी डेम आज्ञा याहा। होटै होखुरीकै पत्रुसकी कालाप डीन सम्‍म मेखुरीक खाटा ङुकी डेयार बिन्‍ती जाटा।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 15:39

होखुरीक मीघ्‍याङ काट हीर सल्‍लाह माखाट्‍चबाटै होखुरीक भा। बारनाबासै मर्कूसकी लार जहाजाङ काल्‍हार साइप्रसलाक नुङा।

प्रेरित 15:7

अनी नीकै बेर सम्‍म वाद-विवाद छान्‍रखीङ पत्रुसै सोवार होखुरीककी डेया, “ए डाजे-भाइको, नाखुरीककी थाहा न ले, वास्‍टै समय अगाडी कुटजाट्‍न परमेश्‍वरै ङा लकीङ अन्‍यजातिकै सेछ समाचारौ बचन सेख्‍यो र विश्‍वास जाट्‍ख्‍यौ डेम नाखुरीकुङ मीघीङ ङाकी चुन्‍डीया।

प्रेरित 21:8

होटै पीउर्‍हाक लेखो कान बिदा छानार कैसरीयाङ टाहा, र प्रचार जाट्‍च फीलीपौ इमाङ ङुवा। फीलीप चहीँ यरूशलेमाङ बीढुवाकोलाक सेवा जाट्‍च साट जना मढ्‍याङ काट जना लेया।

प्रेरित 4:36

साइप्रस देशुङ लेवी कुलुङ योसेफ डेच भर्मी लेया। होसकी प्रेरितकै बारनाबास डेयार म्‍यार्‌मीन डामन्‍या (होच्‍यो अर्थ चहीँ उत्‍साह याछ भर्मी हो)।

प्रेरित 8:40

होटै फीलीपै लाहाकी अश्‍दोदाङ टार्‍हाछ डुपा र कैसरीया माटार्‍हाठर वास्‍टै सहरकोवाङ सेछ-समचार सेटाक्‍चै नुङा।