प्रेरित 21:11 - पुर्वीय मगर

¹¹ अनी होचे कानलेठाङ राहार पावलौ पटुका लार मेन मीहुट-मीखुट्‍या छ्‍याकार डेया, “पवित्र आत्‍मा इट डेले, ‘इसे पटुका कुसे भर्मीयो हो, होसकी यरूशलेमाङ यहूदीकै इटजाट्‍न न छ्‍याक्‍ले र अन्‍यजातिकुङ मीहुटाङ जीम्‍मा याल्‍हे।’”

प्रेरित 21:11 ပူးပေါင်းရင်းမြစ်များ

युहन्‍ना 18:1

येशूये इटजाट्‍न प्रार्थना जाट्‍न भ्‍याच न्‍हुइङ लहो चेलाकोखाटा कीडोरोन खोल्‍सा पारीयुङ जैटुनौ बगैँचा भीत्री नुङा।

प्रेरित 13:2

होखुरीक प्रभुओ आराधना जाट्‍चै उपवास ङुच बेलाङ पवित्र आत्‍मै डेया, “ङौ लागी बारनाबास र साउलकी भाक्‍नी हीजैडेनाङ जुन कामौ लागी ङै होखुरीककी आर्‌घामने।”

प्रेरित 16:6

होसबेला पवित्र आत्‍मै एसीयाङ बचन प्रचार जाट्‍की रोकडीचबाटै पावल र मेन लाफाको फ्रिगिया र गलाटीयुङ क्षेत्र लकीङ छानार नुङा।

प्रेरित 20:23

इडीक मट्‍टै वार्‌ल्‍हे, की सहर पीच्‍छी कैड र कष्‍ट ङामीटाक पर्न राल्‍हे डेच कुरा पवित्र आत्‍मै ङाकी डेमने।

प्रेरित 21:33

अनी होसे सेनापटी खेरेप राहार पावलकी घोवा र नीस साङ्‍लै होसकी छ्‍याक्‍की डेम हुकुम याहा। “इसे सु हो? र इचे ही जाटा?” डेयार होचे गीना।

प्रेरित 21:4

होटै कान होला ङुच विश्‍वासीकोलाक डुप्‍की नुङा र होखुरीक खाटा होला काट हप्‍ता सम्‍म ङुवा। अनी पवित्र आत्‍मा लकीङ अगुवाइ छानार होखुरीकै पावलकी यरूशलेमाङ मानुङ्‍की डेया।

प्रेरित 22:25

जब सीपाहीकै पावलकी डुङ्‍की डेम छालौ डोरीये छ्‍याका, टब पावलै लाहा छीनी टोङ्‍छ कप्‍तानकी गीना, “ही काट रोमी नागरीककी, हीर दोषी माठहरीस्‍च भर्मीकी कोर्‌रा ङाप्‍की कानुनै याल्‍हे?”

प्रेरित 24:27

टर नीस वर्ष न्‍हुइङ फेलीक्‍सौ बडलाङ पर्‌कीअस फेस्‍तस बडा-हाकीम छानार राहा। अनी फेलीक्‍सै यहूदीकोलाक खुसी पार्‌की डेम पावलकी झ्‍यालखानाङ न डार नुङा।

प्रेरित 26:29

पावलै जवाफ याहा, “ठोरै समय लेख्‍यो की वास्‍टै, ङा परमेश्‍वर खाटा प्रार्थना जाट्‍ले, नाको मट्‍टै होइन टर छीनी ङौ कुरा सेच जटी पट्‍ट न इसे साङ्‍लीको बाहेक ङा ल्‍याक्‍च न छान्‍ख्‍यो।”

प्रेरित 28:17

सोम याक न्‍हुइङ पावलै यहूदीकुङ नेटाकोलाक आर्‌घा। होखुरीक भेला छान्‍रखीङ पावलै डेया, “डाजेभाइको, ङै काल्‍हौ जाति र काल्‍हौ बोइ-बाज्‍युको लकीङ क्‍योस्‍चै राछ रीटीरीवाजकुङ विरोधाङ हीर माजाट्‍नाङ र यहूदी डाजेभाइकै ङाकी यरूशलेमाङ घोवार रोमीकोलाक जीम्‍मा याहा।

प्रेरित 28:20

होटबाटै ङै नाखुरीक खाटा डुपार गफ जाट्‍की डेम नाखुरीककी आर्‌घाच हो। ङा इसे साङ्‍लीयाङ छ्‍याम्‍हने हीजैडेनाङ ङा विश्‍वास जाट्‍ले इस्राएलौ आशा, मुक्‍ति याछ ख्रीष्‍ट राम्‍ह भ्‍यामने।”

प्रेरित 28:25

होखुरीक लाहा लहाङ न माखाटार भाकी पाच बेलाङ पावलै डेया, “नाखुरीकुङ बोइ बाज्‍युकोलाक यशैया अगमवक्‍तालकीङ पवित्र आत्‍मै डेच बचन ठीक न लेया। आसकै डेया,

प्रेरित 8:29

अनी पवित्र आत्‍मै फीलीपकी डेया, “उ होसे रठ खाट-खाट नुङ्‍ना।”

प्रेरित 9:16

र ङौ म्‍यार्‌मीनौ लागी होचे कुडीक कष्‍ट भोग्‍डीकी पर्‌ले, डेम ङा होसकी टान्‍हाक्‍ले।”

१ टीमोठी 4:1

पवित्र आत्‍मै बुझडीस्‍च जाट्‍न डेमने, पीहीन राछ समयाङ वास्‍टै भर्मीकै विश्‍वासकी ट्‍याक्‍डीले। अनी होखुरीक बहकडीच आत्‍माको र भूतकुङ झुटो शिक्षा पट्‍टी नुङ्‍ले।

२ टीमोठी 2:9

होसे न सेछ समाचार सेटाक्‍च बाटै ङै डुख भोक्‍डीमन ले। होडीक मट्‍टै होइन, अपराढीकी लेखा न साङ्‍लीये छ्‍याकार ठुन्‍नने। टर परमेश्‍वरौ बचनकी च सेन्‍र साङ्‍लीये छ्‍याकार डाकी माय्‍होक्‍ले।

१ पट्‍रुस 1:12

होसे समयाङ परमेश्‍वरै अगमवक्‍ताकोलाक टान्‍हाक्‍च र होखुरीकै जाट्‍च होसे सेवा होखुरीकुङ फाइडौ लागी मालेया टर नाखुरीकुङ फाइडौ लागी लेया। अगमवक्‍ताकै प्रचार जाट्‍च सेछ समाचार स्‍वर्ग लकीङ बीर्‌न्‍हकाच पवित्र आत्‍मौ शक्‍तिलकीङ जाट्‍नन्‍या। स्‍वर्गदूतको र इसे कुरा डाङ्‍की खुब मीमन जाट्‍नने।