प्रेरित 20:7 - पुर्वीय मगर

⁷ हप्‍टौ पहीलो डीन जब कान र अरु विश्‍वासीको प्रभुभोज ज्‍याकी भेला छाना, टब पावलै चहीँ पीउर्‍हाक लेखो नुङ्‍च मीमन जाट्‍च बाटै, होखुरीक खाटा आढाराट सम्‍म गफ जाट्‍न ङुवा।

प्रेरित 20:7 ပူးပေါင်းရင်းမြစ်များ

मर्कूस 16:9

[होटै हप्‍टौ पहीलो डीनौ गोराक न येशू सीच लकीङ जीवाम सोरखीङ होसको पहीला मरीयम मग्‍डलीनी लेठाङ डाङा। होसे लकीङ येशूये साट वटा भूत्‍को छ्‍युक्‍ङन्या।

लुका 22:19

होटै होसकै रोटो लाम धन्‍यवाद याम्‍ह भ्‍याच न्‍हुइङ ग्‍याकार होखुरीककी इट डेचै याहा, नाखुरीकुङ लागी याछ इसे ङौ जीउ हो। ङौ सम्‍झनाङ जाट्‍च जाट्‍नी।

लुका 24:35

होटै होसे नीस चेलाकै लामाङ छान्‍च पट्‍ट न कुराको र येशूये रोटो ग्‍याकार यान्‍हाङ कुटजाट्‍न होसकोकी चीन्‍डीया डेच बारेयाङ होखुरीककी सेटाका।

युहन्‍ना 20:1

हप्‍टौ पहीलो डीन आइतबार गोराक न झीसमीसाङ मरीयम मग्‍डलीनी येशूओ लास डाच चीहानाङ नुङा। होला टान्‍हाङ चीहानौ मेङेर हुप्‍च ल्‍हुङ चीहानीङ सारीम डाच डाङा।

युहन्‍ना 20:19

होसनीक हप्‍तौ पहीलो डीन आइतबार लेया। चेलाको होसे नाबीलाङ काठोव्‍हाङ जम्‍मा छानन्‍या। होखुरीक यहूदी अगुवाकोखाटा बीर्‍हीयार इम भीत्री गालामाङ आग्‍ला कार ङुमङुम्‍या। होडीक न बेला येशू मोसोमायाङ राहार होखुरीकुङ मीघ्‍याङ टोङ्‍हार डेया, “नाखुरीककी शान्‍ति!”

युहन्‍ना 20:26

काट हप्‍ता न्‍हुइङ चेलाको फेरी काट इमाङ जम्‍मा छाना। इडीक बेला चहीँ थोमा र होखुरीक खाटा न लेया। पट्‍ट न गालामाङ आग्‍ला कामन्‍या टर येशू होखुरीकुङ मीघ्‍याङ राहार डेया, “नाखुरीककी शान्‍ति!”

प्रेरित 16:10

पावलै इसे दर्शन डुप्‍रखीङ तुरुन्‍तै कान माकेडोनीया नुङ्‍की टयार छाना। हीजैडेनाङ कानै इसे नीढो जाटा की होखुरीककी होला सेछ समाचार सेटाक्‍की डेम परमेश्‍वरै कानकी आर्‌घाच लेसा।

प्रेरित 2:42

होखुरीक प्रेरितकुङ शिक्षा, सङ्‍गटी, भोजाङ र प्रार्थनाङ लगाटार लक्‍डीस्‍न न ङुमन्‍या।

प्रेरित 2:46

र डीन-डीनै होखुरीक परमेश्‍वरौ मन्‍दिराङ काठोव्‍हाङ जम्‍मा छानन्‍या, र मार्‍हाङ्‍छै खाटार इम-इमाङ भोज ज्‍यामन्‍या गामन्‍या।

प्रेरित 20:11

टब पावल ढेनाम कोठाङ काल्‍हा र रोटो ग्‍याकार प्रभुभोज ज्‍या अनी ज्‍याम भ्‍यारखीङ माट्‍याङ्‍ठर होसे गफ जाट्‍चै ङुवा। होटै होखुरीक लकीङ बिदा छानार व्‍हा।

प्रेरित 20:31

इटबाटै होसीयार छान्‍नी र इसे कुरा आर्मीट्‍नी, सोम वर्षसम्‍म नाबीक नामसीन मीराप्‍डी जोकाक्‍चै पट्‍ट भर्मीकोलाक ङै चेटावनी याम्‍ह न ङुवा।

प्रेरित 20:5

होखुरीक चहीँ कान डेनाङ अगाडी न टाहार त्रोआस सहराङ कानकी लेन्‍न ङुमन्‍या।

प्रेरित 20:9

युटीकस म्‍यार्‌मीनुङ काट रेन्‍जा जजा चहीँ झ्‍यालाङ ङुम ङुमन्‍या। पावलै धेरै बेर सम्‍म ङाक्‍ङ ङुनाङ होसकी साफ्‍फी मीमीक झुका र मीमीक झुक्‍चबाटै होसे सोम टला लकीङ म्‍हाका झाङ झाला। जब भर्मीको होसकी सोट्‍की टान्‍हाङ सीम भ्‍याच डुपाना।

प्रेरित 28:23

होखुरीकै पावलौ कुरा सेकी डीन टोक्‍डीया। टोक्‍डीच डीनाङ पहीला डेनाङ वास्‍टै यहूदीको भेला छानार पावल लेठाङ राहा। होसनीक पावलै गोराक लकीङ नाबीलाङसम्‍म परमेश्‍वरौ राज्‍यौ बारेयाङ शिक्षा याहा। मोशौ व्‍यवस्‍थाङ र अगमवक्‍ताकै रीक्‍च कुरा लार होचे येशूओ बारेयाङ पाहाक्‍चै होखुरीककी विश्‍वासाङ राक्‍की पा।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।