प्रेरित 2:47 - पुर्वीय मगर

⁴⁷ होखुरीकै सधैँ परमेश्‍वरौ प्रशंसा जाट्न्‍या र अरु भर्मीकै र होखुरीककी जाक्‍ङन्‍या। उड्‍डार डुप्‍चकोलाक प्रभुये डीन-डीनै होखुरीकुङ सङ्‍ख्‍याङ ठप्‍डीम याम्‍हनन्‍या।

प्रेरित 2:47 ပူးပေါင်းရင်းမြစ်များ

लुका 19:48

टर होखुरीकै हीर मौका माडुपा। हीजैडेनाङ होला लेच पट्‍ट न भर्मीको होसकुङ शिक्षा सेकीयाङ मग्‍न लेया।

लुका 2:52

होटै येशू बुद्धियाङ, शरिराङ र परमेश्‍वर र भर्मीकुङ अनुग्रहाङ ल्‍होङ्‍चै नुङा।

प्रेरित 11:21

होखुरीक खाटा प्रभुओ शक्‍ति लेचबाटै वास्‍टै भर्मीकै विश्‍वास जाटा र बाड्‍को सङ्‍ख्‍याङ प्रभुपट्‍टी ल्‍हेसा।

प्रेरित 11:24

बारनाबास पवित्र आत्‍मा र विश्‍वासै न्‍हेप्‍च असल भर्मी लेया। होचे जाट्‍न वास्‍टै भर्मीकै प्रभुकी विश्‍वास जाटा।

प्रेरित 13:48

इसे कुरा सेयार अन्‍यजातिको मार्‍हाङ्‍छै प्रभुओ बचनौ प्रशंसा जाटा र सेन्‍र मासीच जीवनौ लागी चुन्‍डीचको जटीये बचनकी विश्‍वास जाटा।

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 14:21

पावल र बारनाबासै डर्बी सहराङ सेछ समाचार सेटाकार वास्‍टै चेलाको खासा। होटै होखुरीक लुस्‍त्रा, आइकोनीयन र एन्‍टीओखीयुङ पीसीडीया ल्‍हेसा।

प्रेरित 16:5

अनी इटजाट्‍न मण्‍डलीयुङ भर्मीको विश्‍वासाङ बलीयो छान्‍चै र सङ्‍ख्‍याङ डीन-डीनै बड्‍डीस्‍चै नुङा।

प्रेरित 17:12

होटबाटै होखुरीक मढ्‍याङ वास्‍टै जनै विश्‍वास जाटा र म्‍यार्‌मीन क्‍योस्‍च कुडीक जना ग्रीक मास्‍टोको र लेन्‍जा भर्मीकै समेट विश्‍वास जाटा।

प्रेरित 2:39

हीजैडेनाङ इसे प्रतिज्ञा नाखुरीक र नाखुरीकुङ सन्‍टानकुङ लागी र लो-लोस लेच पट्‍टकुङ लागी हो। इसे चहीँ पट्‍टकुङ लागी हो, सु-सुकी प्रभु कानुङ परमेश्‍वरै मेखोलै न आर्‌घाले।”

प्रेरित 2:41

होटै सु-सुये पत्रुसौ शिक्षा विश्‍वास जाटा होखुरीकै चहीँ बप्‍तिस्‍मा ला र होस्‍नीक लगभग सोम हजार भर्मीको विश्‍वासीकुङ सङ्‍ख्‍याङ ठप्‍डीसा।

प्रेरित 4:21

महासभुङ भर्मीकै पत्रुस र युहन्‍नाकी सजाय याखी हीर उपाय माडुप्‍चबाटै होखुरीककी झन साप्फी ढम्की याहार डास्‍न याहा। हीजैडेनाङ ही घटना छानन्‍या होच्‍यौ लागी पट्‍ट न भर्मीकै परमेश्‍वरौ प्रशंसा जाट्‍न न लेया।

प्रेरित 4:33

होसे प्रेरितकै बाड्‍को शक्‍तियाङ प्रभु येशू सीच लकीङ जीवाम सोचओ बारेयाङ गबाही याम्‍हन्‍या र होखुरीक पट्‍टको मीटाक बाड्‍को अनुग्रह लेया।

प्रेरित 4:4

टर बचन सेचको मढ्‍याङ वास्‍टै जनै विश्‍वास जाटा र विश्‍वास जाट्‍च लेन्‍जा भर्मीकुङ सङ्‍ख्‍या बाङा हजार टडीक लेया।

प्रेरित 6:1

अनी होसे डीनाङ विश्‍वासीकुङ सङ्‍ख्‍या बट्‍डीस्‍चै राम्‍हन्‍या। होटै हिब्रु ङाक्‍च विश्‍वासीकुङ विरोधाङ ग्रीक ङाक्‍च विश्‍वासीकै गन-गन जाट्‌की ठाला। हीजैडेनाङ डीन-डीनै ज्‍याच-गाच ठोकको पुङ्‍ङ यान्‍हाङ होखुरीकुङ बीढुवाकै सेम्‍ह माडुप्‍मन्‍या।

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

प्रेरित 9:31

यहूदिया, गालील र सामरीयुङ पट्‍ट न मण्‍डलीकोवाङ शान्‍ति छानार मण्‍डलीको बलीयो छाना। होखुरीक प्रभुखाटा बीर्‍हीमन्‍या र होखुरीककी पवित्र आत्‍मै उत्‍साह याहा होटबाटै मण्‍डलीयाङ भर्मीको ठप्‍डीस्‍चै नुङा।

प्रेरित 9:35

होसे गेप्‍च डाङार लुड्‍डा र सारोनाङ ङुच पट्‍ट न भर्मीकै प्रभु मीटाक विश्‍वास जाटा।