प्रेरित 2:45 - पुर्वीय मगर

⁴⁵ होखुरीकै लहो सम्‍पत्ति र चीजबीजको आर्‌लार मेखुरीक मीघ्‍याङ सु-सुकी हीयो खाँचो पर्‌या होसे पट्‌ट कोलाक पुङ्‌ङ याम्‍हन्‍या।

प्रेरित 2:45 ပူးပေါင်းရင်းမြစ်များ

मत्ती 19:21

येशूये होसे रेन्‍जा भर्मीकी डेया, “नाको सिद्ध छान्‍की मीमन जाट्‍ले डेनाङ, नुङार नाकोखाटा लेच पट्‍ट न आर्लार गरीबकोलाक यान्‍ही र नाकै स्‍वर्गाङ धन डुप्‍ले। होटै राहार ङाकी डुट्‍नी।”

लुका 16:9

ङा नाखुरीककी डेले, लहो लागी संसारुङ धनै लाफाको खास्‍नी। जब होसे धन र कायाक भ्‍याले। होटै होखुरीकै नाखुरीककी स्‍वर्गाङ मान जाट्‍ले।”

लुका 18:22

याङ्‍च कुरा सेरखीङ येशूये होसकी डेया, “नाकै अझै काट काम जाट्‍की बाँकी ले। नाको खाटा लेच पट्‍ट न ठोक आर्‌लाम गरीबकोलाक पुङ्‍ङ यान्‍ही। नाकुङ स्‍वर्गाङ धन छान्‍ले। होटै रान्‍ही र ङाकी डुट्‍नी।”

लुका 19:8

टर जखायस प्रभुओ अगाडी टोङ्‌हार डेया, “सेनी न हजुर, अब ङा लहो सम्‍पत्तियो आढा भाग गरीबकोलाक पुङ्‍ङ याल्‍हे। होटै सुकीर कर लैडीयार हीर लामे डेनाङ ङा होच्‍यौ बुली गुना ल्‍हेट्‍न याल्‍हे।”

प्रेरित 11:29

होटै याङ्‍च कुरा सेयार पट्‍ट न विश्‍वासीकै लाहा-लहे य्‍होक्‍ठर यहूदियाङ ङुच डाजे-भाइकुङ सहायटौ लागी भेटी याम्‍हकाच नीस्‍चय जाटा।

प्रेरित 4:34

होखुरीक मढ्‍याङ सुकीर ही कुरौ र खाँचो मापर्‌न्‍या। कुडीक जना बारी र इमौ मीमुरुङ्‍को लेया, होखुरीकै होसे आर्‌लार होसे लकीङ राछ पैसा राक्‍ङन्‍या

प्रेरित 4:35

होटै प्रेरितकोलाक जीम्‍मा याम्‍हन्‍या। अनी सु-सुकी ही-ही कुरौ खाँचो पर्‌ने होसे अनुसार पट्‍ट कोलाक होखुरीकै पुङ्‍ङ याम्‍हन्‍या।

१ युहन्‍ना 3:17

इडीक सुर खाटा संसारुङ धन-सम्‍पत्ति लेनाङ र होचे लहो विश्‍वासी डाजेभाइको र डै बहीनीकुङ खाँचो डाङ्‍नाङ र मीमन कठोर जाट्‍ले डेनाङ, परमेश्‍वरौ प्रेम होसेखाटा कुटजाट्‍न ङुले?