प्रेरित 2:42 - पुर्वीय मगर

⁴² होखुरीक प्रेरितकुङ शिक्षा, सङ्‍गटी, भोजाङ र प्रार्थनाङ लगाटार लक्‍डीस्‍न न ङुमन्‍या।

प्रेरित 2:42 ပူးပေါင်းရင်းမြစ်များ

लुका 24:30

येशू होखुरीक खाटा ज्‍याकी ङुनाङ रोटो लार धन्‍यावाद याम्‍ह रोटो ग्‍याका होटै होखुरीककी पुङ्‍ङ याहा।

लुका 24:35

होटै होसे नीस चेलाकै लामाङ छान्‍च पट्‍ट न कुराको र येशूये रोटो ग्‍याकार यान्‍हाङ कुटजाट्‍न होसकोकी चीन्‍डीया डेच बारेयाङ होखुरीककी सेटाका।

प्रेरित 1:14

कुडीक जना मास्‍टो भर्मीको र येशूओ मोइ मरीयम र होसकुङ भाइको खाटा इखुरीक पट्‍ट न काट मीमनौ छानार सधैँ प्रार्थना जाट्‍नन्‍या।

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 2:46

र डीन-डीनै होखुरीक परमेश्‍वरौ मन्‍दिराङ काठोव्‍हाङ जम्‍मा छानन्‍या, र मार्‍हाङ्‍छै खाटार इम-इमाङ भोज ज्‍यामन्‍या गामन्‍या।

प्रेरित 20:11

टब पावल ढेनाम कोठाङ काल्‍हा र रोटो ग्‍याकार प्रभुभोज ज्‍या अनी ज्‍याम भ्‍यारखीङ माट्‍याङ्‍ठर होसे गफ जाट्‍चै ङुवा। होटै होखुरीक लकीङ बिदा छानार व्‍हा।

प्रेरित 20:7

हप्‍टौ पहीलो डीन जब कान र अरु विश्‍वासीको प्रभुभोज ज्‍याकी भेला छाना, टब पावलै चहीँ पीउर्‍हाक लेखो नुङ्‍च मीमन जाट्‍च बाटै, होखुरीक खाटा आढाराट सम्‍म गफ जाट्‍न ङुवा।

प्रेरित 4:23

होटै डास्‍न याछ बीट्‍टीकै पत्रुस र युहन्‍ना लाफाको लेठाङ राहा। अनी मुख्‍य पुजाहारीकै र अगुवाकै डेच पट्‍ट न कुराको होखुरीककी सेटाका।

प्रेरित 4:31

अनी होखुरीकै प्रार्थना जाट्‍न भ्‍यारखीङ होखुरीक भेला छान्‍च ठाउँ होयोवा। होटै होखुरीक पट्‍ट जना पवित्र आत्‍मै न्‍हेपा र होखुरीकै साहासखाटा परमेश्‍वरौ बचन ङाका।

प्रेरित 6:4

टर काल्‍हाको चहीँ प्रार्थना र बचन प्रचार जाट्‍च कामाङ पुरा समय लग्‍डीसीङ।”

२ टीमोठी 3:14

टर नाको चहीँ लहे शिक्षा डुपार विश्‍वास जाट्‍च सत्‍य कुराङ लक्‍डीस्‍न ङुकी। होसे शिक्षाको नाकै सु-सुलकीङ डुप्‍मन्‍या, होसे च नाङ लाहाकी न ठाहा ले।

१ युहन्‍ना 1:3

नाखुरीक र कान खाटा सङ्‍गटी जाट्‍नी डेयार कानै ही डाङने र सेमने, होसे नाखुरीककी सेटाक्‍ले। कानुङ सङ्‍गटी चहीँ परमेश्‍वर बोइ र होसकुङ मीजा येशू ख्रीष्‍ट खाटा ले।

१ युहन्‍ना 1:7

टर कुटजाट्‍न परमेश्‍वर ज्‍योतियाङ ले, होटजाट्‍न न कान र ज्‍योतियाङ व्‍हाले डेनाङ कानुङ र अरु विश्‍वासीको खाटा सङ्‍गटी छान्‍ले। अनी होसकुङ मीजा येशूओ य्‍हुये कानुङ पट्‍ट न पापको लकीङ कानकी शुद्ध खास्‍ले।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।

यहुडा 1:20

टर ङौ विश्‍वासी डाजेभाइको र डै बहीनीको, नाखुरीक चहीँ अटी पवित्र विश्‍वासाङ बलीयो छानार ल्‍होङ्‍चै नुङ्‍नी र पवित्र आत्‍मौ शक्‍तियाङ प्रार्थना जाट्‍नी।