प्रेरित 2:4 - पुर्वीय मगर

⁴ होखुरीक पट्‍ट जना पवित्र आत्‍मै न्‍हेपा र पवित्र आत्‍मै याछ बोली अनुसार होखुरीक अन्‍य भासाकोवाङ ङाक्‍की ठाला।

प्रेरित 2:4 ပူးပေါင်းရင်းမြစ်များ

मत्ती 10:19

जब होखुरीकै नाखुरीककी घोले, टब होडीक बेला ही डेकी र कुटजाट्‍न ङाक्‍की डेयार सुर्‌टा माजाट्‍नी। हीजैडेनाङ नाखुरीकै ही ङाक्‍की पर्च हो, होडीक न बेला नाखुरीककी याल्‍हे।

मर्कूस 16:17

अनी विश्‍वास जाट्‍चको खाटा इसे चीन्‍हको छान्‍ले: ङौ म्‍यार्‌मीनाङ होखुरीकै भूत्‍को खेट्‍डीले र नयाँ भासाको ङाक्‍ले।

लुका 1:15

हीजैडेनाङ आसको परमप्रभुओ म्‍याहासाङ कर्‍हाङ्‍छ काम जाट्‍च छान्‍ले। आसकै डाखमड्‌य र मागाले। मोयो मीटुकाङ लेनाङ न आसको पवित्र आत्‍मै न्‍हेप्‍ले।

लुका 1:41

मरीयमै झोरा डेच सोर सेच बीट्‍टीकै एलीशिबौ मीटुकाङ लेच मीजा फोर्‌झोहा। होडीक बेला न एलीशिबा पवित्र आत्‍मै न्‍हेपा।

लुका 1:67

बालखौ बोइ जकरीया पवित्र आत्‍मै न्‍हेपार अगमवाणी ङाक्‍की ठाला,

लुका 12:12

हीजैडेनाङ नाखुरीकै ही डेकी पर्च हो, होडीक न बेला पवित्र आत्‍मै पाहाक्‍ले।”

लुका 21:15

हीजैडेनाङ ङा नाखुरीककी ही ङाक्‍की पर्च शब्‍दको र बुद्धि याल्‍हे। होटबाटै नाखुरीकै डेच कुरौ जबाफ नाखुरीकुङ विरोधीकै याखी माय्‍होक्‍ले।

लुका 4:1

बप्‍तिस्‍मा लाच न्‍हुइङ येशू पवित्र आत्‍मै न्‍हेपार यर्दन नदि लकीङ ल्‍हेसा। होटै पवित्र आत्‍मै होसकोकी उजाड-ठाँवाङ आल्‍हा।

युहन्‍ना 14:26

टर बोये ङौ म्‍यार्‌मीनाङ बीर्‌न्‍हकाच सल्‍हाकार पवित्र आत्‍मै नाखुरीककी पट्‍ट न कुरा पाहाक्‍ले र ङै नाखुरीककी डेच पट्‍ट न कुराको आर्‌मीटाक्‍ङ याल्‍हे।

युहन्‍ना 20:22

होटै होसकै होखुरीक मीटाक सास म्‍हुटार डेया, “पवित्र आत्‍मा लानी।

प्रेरित 1:5

युहन्‍नै च डीये बप्‍तिस्‍मा याहा टर अब कालाप डीनाङ पवित्र आत्‍माङ नाखुरीकुङ बप्‍तिस्‍मा छान्‍ले।”

प्रेरित 1:8

टर पवित्र आत्‍मा नाखुरीक लेठाङ रार्‍हखीङ नाखुरीकै शक्‍ति डुप्‍ले। होटै नाखुरीक यरूशलेमाङ, पट्‍ट यहूदियाङ, सामरीयाङ र पृथ्‍वीयुङ अन्‍टीम छेउसम्‍म ङौ साक्षी छान्‍ले।”

प्रेरित 10:46

हीजैडेनाङ अन्‍य भासाकोवाङ ङाकार होखुरीकै परमेश्‍वरौ प्रशंसा जाट्‍च होखुरीकै सेया। अनी पत्रुसै डेया,

प्रेरित 10:47

“कानै लेखा न इखुरीकै र पवित्र आत्‍मा डुप्‍मने। अब इखुरीककी डीयो बप्‍तिस्‍मा लाकी सुये ठुन्‍की य्‍होक्‍ले र?”

प्रेरित 11:15

“होटै ङा ङाक्‍की ठाला, टब सुरुवाङ काल्‍हा मीटाक पवित्र आत्‍मा रान्‍हाङ लेखा न होखुरीक मीटाक र राहा।

प्रेरित 11:24

बारनाबास पवित्र आत्‍मा र विश्‍वासै न्‍हेप्‍च असल भर्मी लेया। होचे जाट्‍न वास्‍टै भर्मीकै प्रभुकी विश्‍वास जाटा।

प्रेरित 13:52

एन्‍टीओखीया सहराङ डास्‍न डाच बीस्वासीको पवित्र आत्‍मा र आनन्‍दै न्‍हेपा।

प्रेरित 13:9

टर साउलै (होसकी पावल र डेले) पवित्र आत्‍मै न्‍हेपार एलुमासकी एकोहोरो ङोसार डेया,

प्रेरित 15:8

र भर्मीकुङ मीमनुङ कुरा वार्‌छ परमेश्‍वरै होखुरीककी र काल्‍हाकी लेखा न पवित्र आत्‍मा याहार होखुरीककी ग्रहण जाट्‍च कुरा टान्‍हाका।

प्रेरित 19:6

जब पावलै होखुरीक मीटाक नीस न मीहुट डा र पवित्र आत्‍मा होखुरीक मीटाक राहा। अनी होखुरीक अन्‍य भासाङ ङाका र अगमवाणी जाटा।

प्रेरित 2:11

यहूदी र यहूदी मत मन्‍डीचको नीस न ले, केरेटुङ बासीन्‍डाको र अरबीको र ले। अनी होखुरीकै काल्‍हौ भासाकोवाङ परमेश्‍वरौ महान कामकुङ चर्‌चा जाट्‍च काल्‍है सेमन ले।”

प्रेरित 2:3

होटै न्‍हुइङ म्‍हेओ मेलेट ल्‍याक्‍चको होखुरीक लेठाङ डाङा र होसे पट्‍ट मीटाक राहा।

प्रेरित 4:31

अनी होखुरीकै प्रार्थना जाट्‍न भ्‍यारखीङ होखुरीक भेला छान्‍च ठाउँ होयोवा। होटै होखुरीक पट्‍ट जना पवित्र आत्‍मै न्‍हेपा र होखुरीकै साहासखाटा परमेश्‍वरौ बचन ङाका।

प्रेरित 4:8

टब पवित्र आत्‍मै न्‍हेपार पत्रुसै होखुरीककी डेया, “भर्मीकुङ शासकको र अगुवाको,

प्रेरित 6:3

होटबाटै भाइको, नाखुरीक लकीङ पवित्र आत्‍मा र बुद्धिये न्‍हेप्‍च र पट्‍ट लकीङ आदर डुप्‍च साट जना लेन्‍जा भर्मी भाक्‍नी अनी होखुरीककी न कानै इसे कामौ जीम्‍मा येहीङ।

प्रेरित 6:5

होटै प्रेरितकुङ इसे कुरा समुहुङ पट्‍ट कोलाक जाक्‍ङ सेया। होखुरीकै पवित्र आत्‍मै र विश्‍वासै न्‍हेप्‍च स्‍तिफनसकी भाका। होटै होखुरीकै फीलीप, प्रखरस, नीकनोर, तीमोन, पर्मिनास र एन्‍टीओखीयुङ पहीला अन्‍यजाति लेच चाहाँ यहूदी धर्म मन्‍डीच नीकोलाउसकी र भाका।

प्रेरित 6:8

स्‍तिफनसै परमेश्‍वरौ अनुग्रह र शक्‍तिये न्‍हेपार भर्मीकुङ मीघ्‍याङ चीन्‍हको र बा-बाड्‍सो अचम्‍मौ कामको जाटा।

प्रेरित 7:55

टर होसे चहीँ पवित्र आत्‍मै न्‍हेपार स्‍वर्ग पट्‍टी एकोहोरो छानार ङोसा। अनी होचे परमेश्‍वरौ महीमा र येशूकी परमेश्‍वरौ डोर पट्‍टी टोङ्‍ह ङुच डाङा।

प्रेरित 8:17

होटै न्‍हुइङ पत्रुस र युहन्‍नै होखुरीक मीटाक लहो मीहुट डा अनी होखुरीकै पवित्र आत्‍मा डुपा।

प्रेरित 9:17

हननीया नुङार होसे इम भीत्री पर्‌या र साउल मीटाक लहो मीहुट डार डेया, “साउल भाइ, जुन प्रभु येशू नाङ राम्‍हन लेच लामाङ नीये डाङ्‍ङन्‍या, होसकै नुओ मीमीक डाङ्‍ख्‍यौ र नाङ पवित्र आत्‍मै न्‍हेप्‍ख्‍यौ डेम ङाकी बीर्‌न्‍हकाच हो।”

१ पट्‍रुस 1:12

होसे समयाङ परमेश्‍वरै अगमवक्‍ताकोलाक टान्‍हाक्‍च र होखुरीकै जाट्‍च होसे सेवा होखुरीकुङ फाइडौ लागी मालेया टर नाखुरीकुङ फाइडौ लागी लेया। अगमवक्‍ताकै प्रचार जाट्‍च सेछ समाचार स्‍वर्ग लकीङ बीर्‌न्‍हकाच पवित्र आत्‍मौ शक्‍तिलकीङ जाट्‍नन्‍या। स्‍वर्गदूतको र इसे कुरा डाङ्‍की खुब मीमन जाट्‍नने।

२ पट्‍रुस 1:21

हीजैडेनाङ भर्मीयो इच्‍छालकीङ कुसेर अगमवाणी माराहा, टर पवित्र आत्‍मालकीङ अगुवाइ डुपार भर्मीकै परमेश्‍वरौ टर्‌फ लकीङ ङाक्‍च हो।