प्रेरित 2:38 - पुर्वीय मगर

³⁸ टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 2:38 ပူးပေါင်းရင်းမြစ်များ

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 3:6

होटै लाहा-लहो पापको स्‍वीकार जाट्‍चै यर्दन नदियाङ युहन्‍ना लकीङ बप्‍तिस्‍मा ला।

मत्ती 4:17

होसबेला लकीङ न प्रचार जाट्‍चै येशूये डेकी ठाला, “लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप टार्‍हामने।”

मर्कूस 1:15

अनी होसकै डेया, “अब समय पुरा छान्‍न ने र परमेश्‍वरौ राज्‍य खेरेप टार्‍हामने। पापको डासार परमेश्‍वर पट्‌टी ल्‍हेस्‍नी र सेछ समचाराङ विश्‍वास जाट्‍नी।”

मर्कूस 16:16

विश्‍वास जाटार बप्‍तिस्‍मा लाचये उडार डुप्‍ले, टर विश्‍वास माजाट्‍च चहीँ दोषी ठहरीस्‍ले।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

लुका 3:10

होटै भर्मीकै युहन्‍नाकी गीना, “होट डेनाङ कानकै ही जाट्‍की पर्‌ले?”

प्रेरित 10:43

पट्‍ट अगमवक्‍ताकै र होसकुङ बारेयाङ इट डेयार गबाही याम्‍हने होसको मीटाक विश्‍वास जाट्‍चको पट्‍टये होसकुङ म्‍यार्‌मीनाङ पाप-क्षमा डुप्‍ले।”

प्रेरित 10:48

होटबाटै पत्रुसै होखुरीककी येशू ख्रीष्‍टौ म्‍यार्‌मीनाङ बप्‍तिस्‍मा लाकी डेम आज्ञा याहा। होटै होखुरीकै पत्रुसकी कालाप डीन सम्‍म मेखुरीक खाटा ङुकी डेयार बिन्‍ती जाटा।

प्रेरित 13:38

होटबाटै डाजे-भाइको, नाखुरीककी थाहा छान्‍ख्‍यौ, इसे न भर्मी येशूलकीङ पाप-क्षमा छान्‍ले डेच घोसना नाखुरीककी जाट्‍नने।

प्रेरित 16:15

होटै लीडीया र मेन पट्‍ट न इमुङ जहानकै विश्‍वास जाटा र बप्‍तिस्‍मा ला। अनी होचे कानकी इट डेयार बिन्‍ती जाटा, “इडीक नाखुरीकै ङाकी प्रभुओ विश्‍वासीनी डेले डेनाङ ङौ इमाङ राहार ङुम यान्‍ही” डेम कर लैडीया।

प्रेरित 17:30

पहीला माव्‍हार्‌न न जाट्‍च कामकी परमेश्‍वरै माङोस्‍ले। टर अब पट्‍ट न ठावाङ पट्‍ट भर्मीकोलाक पश्‍चात्ताप जाट्‍की आज्ञा याम्‍हने।

प्रेरित 20:21

यहूदीकोलाक र ग्रीककोलाक पाप डासार परमेश्‍वर पट्‍टी ल्‍हेस्‍की र काल्‍हौ प्रभु येशू ख्रीष्‍ट मीटाक विश्‍वास जाट्‍की डेच कुरौ गबाही ङै याम्‍हने।

प्रेरित 22:16

होटबाटै अब हीजै लेन्‍की? सोनी र बप्‍तिस्‍मा लानी, अनी होसकुङ म्‍यार्‌मीन लार लहो पाप हुर्‌नी।’

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

प्रेरित 8:12

टर फीलीपै परमेश्‍वरौ राज्‍यौ बारेयाङ प्रचार जाटा र येशू न मुक्‍ति याछ राजा हो डेम सेछ समाचार सेटाका, टब वास्‍टै भर्मीकै फीलीपौ कुराङ विश्‍वास जाटा। अनी होसे विश्‍वास जाट्‍च लेन्‍जा भर्मी र मास्‍टो भर्मी पट्‍टये बप्‍तिस्‍मा ला।

प्रेरित 8:20

टर पत्रुसै डेया, “नुओ पैसा नाङखाटा न नस्‍ट छान्‍ख्‍यौ, हीजैडेनाङ परमेश्‍वरौ वरदान पैसै लोकी य्‍होक्‍ले डेच नीये बीचार जाटा।

टीटस 3:5

होसकै कानकी जीवाटाका। कानै लहे न जाट्‍च सेछ कामै जाट्‍न होइन, टर होसकै कानकी जाट्‍च कृपौ कारनै जीवाटाक्‍च हो। होसकै पवित्र आत्‍मा लकीङ कानुङ पापकोलाक हुरार नयाँ जीवन याहा।

१ पट्‍रुस 3:21

इसे डी बप्‍तिस्‍मा लाच काट चीन्‍ह हो, इचे नाखुरीककी जीवाटाक्‍ले। इसे जीवाङ पर्च री हुर्‌च लेखा होइन टर इसे शुद्ध बीबेकै परमेश्‍वरखाटा जाट्‍च बिन्‍ती हो। हीजैडेनाङ येशू ख्रीष्‍ट सीच लकीङ जीवाचबाटै बप्‍तिस्‍मै नाखुरीककी र जीवाटाक्‍ले।