प्रेरित 19:8 - पुर्वीय मगर

⁸ पावल सभा ङुच इमाङ नुङार सोम महीनासम्‍म परमेश्‍वरौ राज्‍यौ बारेयाङ होखुरीक खाटा साहास जाटार बहस जाट्‍चै भर्मीकोलाक बुझडीम याखी पा।

प्रेरित 19:8 ပူးပေါင်းရင်းမြစ်များ

प्रेरित 1:3

लहो डुख भोग्‍डीम भ्‍यारखीङ वास्‍टै सत्‍य प्रमाणको लकीङ येशूये लाहाकी जीउँडै ले डेम टान्‍हाका। चालीस डीनसम्‍म होसको घरी-घरी होखुरीकुङ म्‍याहासाङ डाङा र परमेश्‍वरौ राज्‍यौ बारेयाङ होखुरीककी सेटाका।

प्रेरित 13:14

टर पावल र बारनाबास चहीँ पर्‌गा लकीङ ख्‍योव्‍हार पीसीडीयुङ एन्‍टीओखीयाङ नुङा र होखुरीक म्‍हुङ बाट्‍च डीननीक सभा ङुच-इम भीत्री नुङार ङुवा।

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 17:17

होटबाटै पावल यहूदीको र परमेश्‍वर खाटा बीर्‍हीछ अन्‍यजातिको खाटा सभा ङुच इमाङ येशूओ बारेयाङ छलफल जाट्‍नन्‍या। होटजाट्‍न न बजाराङ डुप्‍चकोखाटा र डीनडीनै छलफल जाट्‍नन्‍या।

प्रेरित 18:19

होखुरीक एफीससाङ टाहा। अनी प्रिस्‍किला र अकीलासकी चहीँ होला न डास्‍न डा र पावल चहीँ होलुङ सभा ङुच इमाङ पर्‌यार यहूदीकोखाटा बहस जाट्‍की ठाला।

प्रेरित 18:26

होटै होचे सभा ङुच इमाङ साहास खाटा ङाक्‍की ठाला। टर होचे ङाक्‍च कुरा सेयार प्रिस्‍किला र अकीलासै होसकी लहो इमाङ आल्‍हार परमेश्‍वरौ लामौ अर्थ होसकी अझै सेम्‍ह बुझडीम याहा।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 19:10

इसे काम नीस वर्ष सम्‍म छान्‍न न ङुवा होटबाटै एसीयाङ ङुच पट्‍ट न भर्मीकै यहूदी र ग्रीक नीसै न प्रभुओ बचन सेया।

प्रेरित 19:7

होखुरीक जम्‍मा बार्‍ह जना लेया।

प्रेरित 19:9

टर कुडीक जनै चहीँ मीमन कठोर खासार विश्‍वास माजाटा। होखुरीकै प्रभुओ लामौ बारेयाङ अरुकुङ अगाडी न विरोध जाट्‍चै मासेछ कुराको ङाक्‍की ठाला। होटबाटै पावल होखुरीककी डासार नुङा। विश्‍वासी कोलाक आल्‍हार टुरान्‍नस डेठुङ काट स्‍कुलाङ डीन-डीनै बहस जाट्‍चै डुप्‍म न ङुवा।

प्रेरित 20:31

इटबाटै होसीयार छान्‍नी र इसे कुरा आर्मीट्‍नी, सोम वर्षसम्‍म नाबीक नामसीन मीराप्‍डी जोकाक्‍चै पट्‍ट भर्मीकोलाक ङै चेटावनी याम्‍ह न ङुवा।

प्रेरित 28:23

होखुरीकै पावलौ कुरा सेकी डीन टोक्‍डीया। टोक्‍डीच डीनाङ पहीला डेनाङ वास्‍टै यहूदीको भेला छानार पावल लेठाङ राहा। होसनीक पावलै गोराक लकीङ नाबीलाङसम्‍म परमेश्‍वरौ राज्‍यौ बारेयाङ शिक्षा याहा। मोशौ व्‍यवस्‍थाङ र अगमवक्‍ताकै रीक्‍च कुरा लार होचे येशूओ बारेयाङ पाहाक्‍चै होखुरीककी विश्‍वासाङ राक्‍की पा।

यहुडा 1:3

ङौ विश्‍वासी डाजेभाइ र डै बहीनीको, काल्‍हा पट्‍टकै डुप्‍च मुक्‍तियो बारेयाङ नाखुरीककी रीक्‍की सार्‍है मीमन सेया, टर अब परमेश्‍वरै लहौ पवित्र भर्मीकोलाक काखेपाङ न सढैंभरीयो लागी याछ विश्‍वासकी सेम्‍ह जोगडीयार डाकी डेच बारेयाङ र नाखुरीककी उत्‍साह याहार रीक्‍की न पर्‌ले डेम ङाकी आवस्‍यक सेया।