प्रेरित 18:6 - पुर्वीय मगर

⁶ टर होखुरीकै पावलौ विरोध जाटार मासेम्‍हखाटा च्‍याका। टब पावलै लहो बढीन खाराहार होखुरीककी चेटावनी छान्‍ख्‍यो डेम डेया, “नाखुरीकुङ य्‍हु नाखुरीक मीटाक न पर्‌ख्‍यौ, ङा निर्दोष ले। अब इटौ आलाक ङा अन्‍यजातिको लेठाङ सेछ समाचार सेटाक्‍की नुङ्‍ले।”

प्रेरित 18:6 ပူးပေါင်းရင်းမြစ်များ

मत्ती 10:14

इडीक सुयेर नाखुरीककी स्‍वीकार माजाटा डेनाङ र नाखुरीकुङ वचन मासेया डेनाङ र, होसे इम र सहरीङ ख्‍योन्‍हाङ लहो मीखुट्‍यौ झाबुल होला न खार्‍हाम यान्‍ही।

मत्ती 21:41

होखुरीकै येशूकी जवाफ याहा, “होचे होसे दुष्‍ट मोहीकोलाक साट्‍ले, अनी अङ्‍गुर बारी अरु मोहीकोलाक ठेक्‍काङ याल्‍हे, सुये होसकी लहो अङ्‍गुरौ भाग समयाङ न याल्‍हे।”

मत्ती 21:43

“होटबाटै ङा नाखुरीककी डेले, परमेश्‍वरौ राज्‍य अब नाखुरीकलकीङ स्‍याट्‍ले, अनी याङ्‍च काट जाटीकी याल्‍हे, होचे होच्‍यौ मीस्‍या स्‍याटाक्‍ले।

मत्ती 22:10

होटै नोकरको चोकाङ नुङार डुप्‍च जटीकी, सेछ र मासेछ नीसकी न आर्‌घार राका र ब्‍याहौ इम पाहुनाकै न्‍हेपा।

मत्ती 27:25

अनी पट्‍टन भर्मीकै च्‍याक्‍चै डेया, “छान्‍ने-छान्‍ने, होच्‍यौ य्‍हुओ दोष कान र कानुङ मीजाको मीटाक न पर्‌ख्‍यो।”

मत्ती 8:11

ङा नाखुरीककी डेले, वास्‍टै अन्‍यजातिको पूर्व र पस्‍चीमलकीङ राल्‍हे, र अब्राहाम, इसहाक र याकुबखाटा स्‍वर्गौ राज्‍यौ भोजाङ ज्‍याकी ङुले।

लुका 22:65

होखुरीकै होसकुङ बेइजट जाट्‍चै येशूओ बारेयाङ मासेछ कुराको ङाका।

लुका 9:5

कुसे सहराङ नाखुरीककी स्‍वागट माजाट्‌ले होसे सहरीङ ख्‍योन्‍हाङ चेटावनी याछै लहो मीहीलुङ झाबुल खार्‍हाम यान्‍ही।”

प्रेरित 13:51

पावल र बारनाबासै चहीँ परमेश्‍वरै न न्‍याय जाट्‌ले डेम लोहो मीहीलुङ झाबुल होखुरीकुङ विरोधाङ खार्‍हाम डार आइकोनीयन सहराङ नुङा।

प्रेरित 26:11

वास्‍टै खेप सभा ङुच इमकोवाङ होखुरीककी बारम्‍बार सजाय याम्‍ह होखुरीककी विश्‍वास जाट्‍की डासाक्च कोसीस जाटा। होखुरीकुङ विरोधाङ ख्‍योछ झोकै जाट्‍न अरु सहराङ र ङै नुङार होखुरीककी सटडीया।

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।

प्रेरित 28:28

अनी पावलै डेया, “होटबाटै नाखुरीककी थाहा छान्‍ख्‍यो की परमेश्‍वरौ मुक्‍तियो सेछ समाचार अन्‍यजातिकुङ लागी र बीर्‌न्‍हकाच हो र होखुरीकै सेले।”

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

२ टीमोठी 2:25

होचे लहो विरोधीकोलाक नम्र छानार सम्‍झडीकी य्‍होक्‍च छान्‍की पर्‌ले। होटजाट्‍न सायद परमेश्‍वरै होखुरीककी पश्‍चात्ताप जाट्‍च र सत्‍यताकी चीन्‍डीकी य्‍होक्‍च मीमन याल्‍हे।

१ पट्‍रुस 4:14

इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।

१ पट्‍रुस 4:4

अब नाखुरीकै होङ्‍च दुष्‍ट कुराको माजाट्‍ले र परमेश्‍वरकी माचीन्‍डीचकै होङ्‍च डाङार छक्‍क पर्‌नने। होटबाटै होखुरीकै नाखुरीककी बेइज्‍जट जाट्‍ले।