प्रेरित 18:12 - पुर्वीय मगर

¹² जब गलीयोन डेच अखैयुङ शासक छाना, टब यहूदीको काट छानार पावलकी घोवार अदालताङ आल्‍हार

प्रेरित 18:12 ပူးပေါင်းရင်းမြစ်များ

मत्ती 27:19

होटै पिलातस न्‍याय जाट्‍च ठावाङ ङुच बेलाङ होच्‍यो मास्‍टोये इट डेयार खबर याम्‍हका, “होसे निर्दोष भर्मीकी हीर माजाट्‍नी, हीजैडेनाङ छीनी नाबीक माङ्‍नामाङ होच्‍यौ कारनै ङै वास्‍टै डुख भोग्‍डीमने।”

युहन्‍ना 19:13

पिलातसै इसे कुरा सेयार येशूकी दरबार बाहीर राका र ल्‍हुङै छाप्‍डीच आर्‌भाङ आल्‍हा (होसकी हिब्रु भासाङ गब्‍बथा डेले)। पिलातस होला न्‍याय जाट्‍च आसनाङ ङुवा।

प्रेरित 13:12

होसे बडा-हाकीमै इसे घटना छान्‍च डाङार विश्‍वास जाटा हीजैडेनाङ प्रभुओ शिक्षाओ बारेयाङ होचे अचम्‍म मन्‍डीया।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 13:7

होसे जादूगर साइप्रस टापुवाङ बडा-हाकीम सर्‌गीयस पौलुसौ खेरेपुङ भर्मी हो। सर्‌गीयस पौलुस चहीँ बुद्धि लेच भर्मी लेया। हीजैडेनाङ होचे परमेश्‍वरौ बचन सेकी मीमन जाट्‍न्‍या होटबाटै होचे साउल र बारनाबासकी आर्‌घा।

प्रेरित 13:8

टर बार-येशू होच्‍यौ अर्‌को म्‍यार्‌मीन एलुमासै (ग्रीक भासाङ होसे एलुमास म्‍यार्‌मीनौ अर्थ जादूगर हो) सर्‌गीयस पौलसकी विश्‍वासलकीङ ल्‍हेटाक्‍की पा र होखुरीककी बाढा जाटा।

प्रेरित 14:19

होटै न्‍हुइङ एन्‍टीओखीया र आइकोनीयन सहरीङ कुडीक जना यहूदीको होला राहा। होखुरीकै भर्मीकुङ हुलकी सोटार पावलकी ल्‍हुङ ङापार हीर्‌कडीकी लैडीयार होसे सीया डेयार होखुरीकै आर्‌ढुस्‍चै सहरलकीङ बाहीर आल्‍हार लोम्‍हका।

प्रेरित 14:2

टर विश्‍वास माजाट्‍च यहूदीकै चहीँ अन्‍यजातिकोलाक भड्‍कडीयार विश्‍वास जाट्‍च डाजे-भाइकुङ विरुद्धाङ होखुरीकुङ मीमन बीर्‌छ खास्‍न याहा।

प्रेरित 17:13

बेरीयाङ र परमेश्‍वरौ बचन पावलै प्रचार जाट्‍न न ले डेच कुरा ठेसलोनीकेयुङ यहूदीकै थाहा डीन्‍हा। अनी होखुरीक होला र भर्मीकोलाक गाराङ्‍की र सुरडीकी टाराहा।

प्रेरित 17:5

टर अरु यहूदीकै चहीँ होखुरीककी मीरीस जाटार बजारुङ बडमासीकोलाक सोटार सहराङ खैला-बैला मचडीकी लैडीया। अनी यासोनौ इमाङ हमला जाटार पावल र सीलासकी भर्मीकुङ भीडौ म्‍याहासाङ राक्‍की पा।

प्रेरित 18:11

होटै पावल परमेश्‍वरौ शिक्षा पाहाक्‍चै काट वर्ष छ महीनासम्‍म होखुरीकखाटा न ङुवा।

प्रेरित 18:27

अपोल्‍लसै अखैया इलाकाङ नुङ्‍की मीमन जाटा र डाजे-भाइकै होसकी नुङ्‍की उत्‍साह याहा। अपोल्‍लोसकी सेम्‍ह स्‍वागट जाट्‍की डेम होलुङ विश्‍वासीकोलाक उत्‍साह याहार चीठी रीका। अनी होचे अखैयाङ टार्‍हखीङ परमेश्‍वरौ अनुग्रह लकीङ विश्‍वास जाट्‍च विश्‍वासीकोलाक साप्‍फी सहायटा जाटा।

प्रेरित 19:21

इसे घटनाको न्‍हुइङ, पावल माकेडोनीया र अखैयुङ लाम छान्‍चै यरूशलेम नुङ्‍च नीढो जाटा। होचे डेया, “होला टार्‍हखीङ च ङा रोम सहराङ र नुङ्‍की न पर्‌ले।”

प्रेरित 25:10

पावलै डेया, “ङा कैसरौ न्‍याय जाट्‍च ठाओ म्‍याहासाङ खडा ले, इला न ङौ न्‍याय छान्‍की पर्‌ले। ङै यहूदीकुङ विरोधाङ हीर मासेछ काम माजाट्‍नने, इसे बारेयाङ नाकोकी सेम्‍हजा थाहा ले।

१ ठेसलोनीकी 2:14

ङौ डाजेभाइको र डै बहीनीको, नाखुरीक र ख्रीष्‍ट येशूकी विश्‍वास जाट्‍च यहूदियाङ लेच परमेश्‍वरौ मण्‍डलीको लेखा न छान्‍नने। हीजैडेनाङ यहूदीयुङ मण्‍डलीकै यहूदीको लकीङ न डुख भोग्‍डीया र होटजाट्‍न न नाखुरीकै र लहो न जाटीको लकीङ डुख भोग्‍डीया।

१ ठेसलोनीकी 2:16

होखुरीकै कानकी मुक्‍तियो सेछ समाचार अन्‍यजातिकोलाक सेटाक्‍की माय्‍हा। इटजाट्‍न होखुरीकै पापौ ठुप्‍रो खास्‍चै नुङा। अन्‍टीमाङ परमेश्‍वरौ मीरीस होखुरीक मीटाक पर्‌या।

याकुब 2:6

टर नाखुरीकै च गरीब भर्मीकोलाक अपमान जाट्‍ले। ही नाखुरीक मीटाक अत्‍याचार जाटार न्‍यायधिसकुङ अघी आल्‍छ होसे धनी भर्मीको न होइन र?