प्रेरित 17:6 - पुर्वीय मगर

⁶ टर पावल र सीलासकी होला माडुपा, होटै होखुरीकै यासोन र कुडीक जना विश्‍वास जाट्‍च डाजे-भाइकोलाक सहरुङ शासकको लेठाङ आर्‌ढुस्‍चै राका र च्‍याक्‍चै डेया, “संसार भरी उलट-पुलट जाट्‍च इसे भर्मीको इला र टार्‍हामने!

प्रेरित 17:6 ပူးပေါင်းရင်းမြစ်များ

मत्ती 24:14

अनी इसे राज्‍यौ सेछ समाचार चहीँ पट्‍ट जाटीकुङ लागी गबाहीयो रुपाङ संसार भरी प्रचार जाट्‍ले, टब संसारौ अन्‍त्‍य राल्‍हे।

लुका 23:5

टर होखुरीकै साफ्‍फी च्‍याकार डेया, “इचे पट्‍ट यहूदिया र गालील लकीङ इसे ठाँउसम्‍म शिक्षा याहार भर्मीकोलाक भड्‍कडीम न ले।”

प्रेरित 1:15

होसबेला विश्‍वास जाट्‍चकुङ मीघ्‍याङ पत्रुस टोङ्‍हा (होला भर्मीकुङ सङ्‍ख्‍या ओल माओल काट सय बीस जना लेया) र डेया,

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:14

तुरुन्‍तै डाजे-भाइकै पावलकी समुद्र पट्‍टी बीर्‌न्‍हका। टर सीलास र तिमोथी चहीँ होला बेरीयाङ न ङुवा।

प्रेरित 17:31

हीजैडेनाङ होसकै कायाक टोक्‍डीम याम्‍हने, होसनीक होसकै लहे भाक्‍च काट जना भर्मीलकीङ धार्मिकताङ संसारौ न्‍याय जाट्‍ले। होसे न भाक्‍च भर्मीकी सीच लकीङ जीवाटाकार होसकै पट्‍ट न भर्मीकोलाक इच्यौ प्रमाण याम्‍हने।”

प्रेरित 17:5

टर अरु यहूदीकै चहीँ होखुरीककी मीरीस जाटार बजारुङ बडमासीकोलाक सोटार सहराङ खैला-बैला मचडीकी लैडीया। अनी यासोनौ इमाङ हमला जाटार पावल र सीलासकी भर्मीकुङ भीडौ म्‍याहासाङ राक्‍की पा।

प्रेरित 24:5

कानै इसे भर्मीकी पट्‍ट पट्‍टी डुख याम्‍ह व्‍हाच र संसार भरीयुङ यहूदीकुङ मीघ्‍याङ हुलडुङ्‍गा मच्‍चडीच, र नासरीकुङ डलौ मुख्‍य अगुवा छानार व्‍हाच डुप्‍मन ने।

प्रेरित 28:22

टर नाकुङ बीचार ही हो, होसे नाकोलकीङ सेकी मीमन ले। हीजैडेनाङ इसे डलौ बारेयाङ कानकी इडीक मट्‍टै थाहा ले की जटा-टटै भर्मीको नाकुङ समुहौ विरोधाङ ङाक्‍ङने।”