प्रेरित 17:4 - पुर्वीय मगर

⁴ अनी होला लेचको मढ्‍याङ कुडीक जना यहूदी विश्‍वास जाट्‌चको पावल र सीलास खाटा लक्‍डीसा। इटजाट्‍न बाड्‍को सङ्‍ख्‍याङ परमेश्‍वरौ भक्‍टी जाट्‍च ग्रीकको र कुडीक जना म्‍यार्‌मीन क्‍योस्‍च मास्‍टोको र विश्‍वास जाटार होखुरीक पट्‍टी लग्‍डीसा।

प्रेरित 17:4 ပူးပေါင်းရင်းမြစ်များ

युहन्‍ना 7:35

इसे सेयार यहूदी अगुवाकै मेखुरीक-मेखुरीक डेकी ठाला, “इसे भर्मी कुला नुङ्‍की पामने र, ‘नाखुरीकै ङाकी माडुप्‍ले’ डेले? ही इसको गीरीककुङ मीघ्‍याङ इलाक आलाक छरपस्‍ट छान्‍न ङुच यहूदीको लेठाङ नुङार ग्रीककोलाक पाहाक्‍की मीमन जाट्‍नने की य्‍हाले?

प्रेरित 13:43

सभा भ्‍यारखीङ यहूदीको र यहूदी धर्म मन्‍डीच अन्‍यजाति भक्‍टको पावल र बारनाबासकी डुटा। अनी पावल र बारनाबास होखुरीक खाटा ङाक्‍चै परमेश्‍वरौ अनुग्रहाङ सधैँ ङुम-ङुकी डेयार होखुरीक खाटा बिन्‍ती जाटा।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 14:4

टर होसे सहरुङ भर्मीकोवाङ फाटो छानार कुडीक जना यहूदीको पट्‍टी र कुडीक जना चहीँ प्रेरितको पट्‍टी छाना।

प्रेरित 15:22

प्रेरितको, अगुवाको र मण्‍डलीयुङ पट्‍ट न खाटार होखुरीक मढ्‍य लकीङ भर्मीको भाकार पावल र बारनाबासखाटा एन्‍टीओखीयाङ बीर्‌न्‍हकाकी मीमन जाटा। होखुरीक मढ्‍याङ नीस जना मुख्‍य भर्मीको, यहूदा डेच बारसाबास र सीलासकी चुन्‍डीया।

प्रेरित 15:27

होटबाटै कानै यहूदा र सीलासकी बीर्‌न्‍हकामने। होखुरीकै र नाखुरीककी होसे न कुराको डेम याल्‍हे।

प्रेरित 15:32

यहूदा र सीलास मेखुरीक र अगमवक्‍ता लेचबाटै डाजे-भाइकोलाक वास्‍टै कुरा बचन लकीङ पाहाक्‍चै होखुरीककी विश्‍वासाङ बलीयो खासा।

प्रेरित 15:40

होटै पावलै सीलासकी रोजडीया र विश्‍वासी डाजे-भाइकै आसीस ङेम्‍ह यारखीङ होखुरीक बिदा छानार नुङा।

प्रेरित 16:3

अनी पावलै होसकी लाहा खाटा आल्‍खी मीमन जाटा। र होसे ठाउँकोवाङ लेच यहूदीकुङ मीमन डाम याखीयो लागी डेम पावलै तिमोथीकी आल्‍हार खतना जाट्‍न याहा, हीजैडेनाङ होच्‍यौ बोइ ग्रीक हो डेम होलुङ पट्‍ट न यहूदीकोलाक थाहा लेया।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:12

होटबाटै होखुरीक मढ्‍याङ वास्‍टै जनै विश्‍वास जाटा र म्‍यार्‌मीन क्‍योस्‍च कुडीक जना ग्रीक मास्‍टोको र लेन्‍जा भर्मीकै समेट विश्‍वास जाटा।

प्रेरित 17:14

तुरुन्‍तै डाजे-भाइकै पावलकी समुद्र पट्‍टी बीर्‌न्‍हका। टर सीलास र तिमोथी चहीँ होला बेरीयाङ न ङुवा।

प्रेरित 17:17

होटबाटै पावल यहूदीको र परमेश्‍वर खाटा बीर्‍हीछ अन्‍यजातिको खाटा सभा ङुच इमाङ येशूओ बारेयाङ छलफल जाट्‍नन्‍या। होटजाट्‍न न बजाराङ डुप्‍चकोखाटा र डीनडीनै छलफल जाट्‍नन्‍या।

प्रेरित 17:34

टर कुडीक जना भर्मीको होसे खाटा लग्‍डीसार विश्‍वास जाटा। होखुरीक मढ्‍याङ अरीयोपागस सभुङ डीयनुसीयस डेच भर्मी, डामारीस डेच काट जना मास्‍टो र अरुकै र विश्‍वास जाटा।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 19:10

इसे काम नीस वर्ष सम्‍म छान्‍न न ङुवा होटबाटै एसीयाङ ङुच पट्‍ट न भर्मीकै यहूदी र ग्रीक नीसै न प्रभुओ बचन सेया।

प्रेरित 2:44

अनी विश्‍वास जाट्‍च जटी पट्‍ट जनाको सेन खाल काठोवाङ न भेला छान्‍नन्‍या र होखुरीकुङ पट्‍ट न ठोकको साझ्‍या लेया।

प्रेरित 21:28

होटै होखुरीकै इट डेचै च्‍याक्‍की ठाला, “ए इस्राएलुङ भर्मीको, सहायटा जाट्‍नी! भर्मीकोलाक पट्‍ट लाक कानुङ जाति, मोशौ व्‍यवस्‍था र इसे परमेश्‍वरौ मन्‍दिरौ विरुद्धाङ शिक्षा याम्‍ह व्‍हाच भर्मी इसे न हो। इडीक मट्‍टै होइन, ग्रीककोलाक र मन्‍दिर भीत्री राकार इसे पवित्र ठाउँकी र अशुद्ध पार्‌नने।”

प्रेरित 28:24

पावलै डेच कुरा कुडीकै विश्‍वास जाटा कुडीकै माजाटा।

प्रेरित 4:23

होटै डास्‍न याछ बीट्‍टीकै पत्रुस र युहन्‍ना लाफाको लेठाङ राहा। अनी मुख्‍य पुजाहारीकै र अगुवाकै डेच पट्‍ट न कुराको होखुरीककी सेटाका।