प्रेरित 17:31 - पुर्वीय मगर

³¹ हीजैडेनाङ होसकै कायाक टोक्‍डीम याम्‍हने, होसनीक होसकै लहे भाक्‍च काट जना भर्मीलकीङ धार्मिकताङ संसारौ न्‍याय जाट्‍ले। होसे न भाक्‍च भर्मीकी सीच लकीङ जीवाटाकार होसकै पट्‍ट न भर्मीकोलाक इच्यौ प्रमाण याम्‍हने।”

प्रेरित 17:31 ပူးပေါင်းရင်းမြစ်များ

मत्ती 10:15

साँच्‍ची न, ङा नाखुरीककी डेले, न्‍यायौ डीनाङ होसे सहरौ डसा डेनाङ बरु सदोम र गमोरौ डसा सहडीकी य्‍होक्‍च छान्‍ले।

मत्ती 24:14

अनी इसे राज्‍यौ सेछ समाचार चहीँ पट्‍ट जाटीकुङ लागी गबाहीयो रुपाङ संसार भरी प्रचार जाट्‍ले, टब संसारौ अन्‍त्‍य राल्‍हे।

लुका 22:22

हीजैडेनाङ भर्मीयो मीजा च नीस्‍चीट जाट्‍च अनुसार नुङ्‍की न पर्‌ले। टर ढीक्‍कार ले होसे भर्मीकी, सुये भर्मीयो मीजाकी घोवाक्‍ङ याल्‍हे।”

युहन्‍ना 12:48

सुये ङाकी र ङौ बचनकी इन्‍कार जाट्‍ले होच्‍यो न्‍याय छान्‍ले। अन्‍टीम डीनाङ ङै ङाक्‍च इसे न बचनै होसकी न्‍याय जाट्‍ले।

युहन्‍ना 16:10

अनी होसकै परमेश्‍वरौ अगाडी ही ठीक ले, होसे कुरा टान्‍हाक्‍ङ याल्‍हे, हीजैडेनाङ ङा बोइलेठाङ नुङ्‍ले, र फेरी नाखुरीकै ङाकी माडाङ्‍ले।

युहन्‍ना 5:27

अनी होसकै मीजाकी न्‍याय जाट्‍च अधिकार याम्‍हने, हीजैडेनाङ होसको भर्मीयो मीजा हो।

प्रेरित 17:18

होटै इपीक्‍युरी र स्‍टोइकी डेच गुरुको मढ्‍याङ र कुडीक जनै पावल खाटा वाद-विवाद जाटा। होखुरीक कुडीकै डेया, “इसे बकबकेइ ही डेले?” अरुकै र डेया, “इचे च अरु न विदेशी देवताकुङ प्रचार जाट्‍नने।” होखुरीकै याङ्‍च डेया हीजैडेनाङ पावलै येशू र होसको सीच लकीङ जीवाम सोचओ बारेयाङ प्रचार जाट्‍नन्‍या।

प्रेरित 17:32

जब होखुरीकै पावलै सीच लकीङ जीवाले डेच बारेयाङ सेया, टब कुडीक जनै होसकी गील्‍ला जाटा। टर अरु कुडीकै चहीँ डेया, “कान फेरी इसे बारेयाङ नाकुङ कुरा सेले।”

प्रेरित 17:6

टर पावल र सीलासकी होला माडुपा, होटै होखुरीकै यासोन र कुडीक जना विश्‍वास जाट्‍च डाजे-भाइकोलाक सहरुङ शासकको लेठाङ आर्‌ढुस्‍चै राका र च्‍याक्‍चै डेया, “संसार भरी उलट-पुलट जाट्‍च इसे भर्मीको इला र टार्‍हामने!

प्रेरित 2:32

“अब इसे न येशूकी परमेश्‍वरै सीच लकीङ जीवाका र इसे कुरौ कान पट्‍ट जना साक्षी ले।

प्रेरित 4:10

नाखुरीक पट्‍टकी र इस्राएलुङ पट्‍ट न भर्मीकोलाक थाहा छान्‍ख्‍यौ की नाखुरीकै क्रूसाङ टङ्‍गडीच टर परमेश्‍वरै सीच लकीङ जीवाटाक्‍च, होसे न नासरतुङ येशू खीरीस्टौ म्‍यार्‌मीनाङ इसे भर्मी गेपार नाखुरीकुङ म्याहासाङ टोङ्‍हने।

२ टीमोठी 4:1

परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,

२ पट्‍रुस 3:7

टर चाहाँ लेच सर्‌घा र पृथ्‍वी र म्‍हेये भस्‍म जाट्‍कीयो लागी परमेश्‍वरौ बचनै न जोगडीम डामने। अनी परमेश्‍वरौ आज्ञा मामन्‍डीच भर्मीकुङ इन्‍साफ र नास माछान्‍ठर सम्‍मौ लागी सर्‌घा र पृथ्‍वी ङुम न ङुले।