प्रेरित 17:30 - पुर्वीय मगर

³⁰ पहीला माव्‍हार्‌न न जाट्‍च कामकी परमेश्‍वरै माङोस्‍ले। टर अब पट्‍ट न ठावाङ पट्‍ट भर्मीकोलाक पश्‍चात्ताप जाट्‍की आज्ञा याम्‍हने।

प्रेरित 17:30 ပူးပေါင်းရင်းမြစ်များ

मत्ती 20:7

होखुरीकै जवाफ याहा, ‘कानकी सुयेर कामाङ मालैडीया।’ अनी होचे होखुरीककी डेया, ‘नाखुरीक र नुङार ङौ अङ्‍गुर बारीयाङ काम जाट्‍नी।’

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 4:17

होसबेला लकीङ न प्रचार जाट्‍चै येशूये डेकी ठाला, “लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप टार्‍हामने।”

मर्कूस 1:15

अनी होसकै डेया, “अब समय पुरा छान्‍न ने र परमेश्‍वरौ राज्‍य खेरेप टार्‍हामने। पापको डासार परमेश्‍वर पट्‌टी ल्‍हेस्‍नी र सेछ समचाराङ विश्‍वास जाट्‍नी।”

मर्कूस 6:12

होटै न्‍हुइङ चेलाको ख्‍योव्‍हार नुङा र भर्मीकै पापको डासार परमेश्‍वर पट्‍टी ल्‍हेस्‍ख्‍यो डेम प्रचार जाटा।

लुका 13:5

टर ङा नाखुरीककी डेले, होट होइन! नाखुरीकै पापको डासार परमेश्‍वर पट्‌टी माल्‍हेसा डेनाङ नाखुरीक र होटजाट्‍न न सीले।”

लुका 15:10

ङा नाखुरीककी डेले, इटजाट्‍न लहो पापको डासार परमेश्‍वर पट्‌टी ल्‍हेस्‍च काट पापी भर्मीयो लागी परमेश्‍वरौ स्‍वर्गदूतौ म्‍याहासाङ आनन्‍द छान्‍ले।”

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

प्रेरित 11:18

पत्रुसौ इसे कुरा सेरखीङ यहूदी विश्‍वासीको होसकी दोष याखी डासार “अहो! परमेश्‍वरै अन्‍यजातिकोलाक र सेन्‍र मासीच जीवन डुप्‍कीयो लागी पश्‍चात्ताप जाट्‍च मौका याल्‍हेसा” डेयार परमेश्‍वरौ प्रशंसा जाटा।

प्रेरित 14:16

र होसकै अगाडीयुङ पुस्‍ताङ पट्‍ट न जातिकोलाक लाहा-लहो न लामाङ व्‍हाकी याहा।

प्रेरित 17:23

हीजैडेनाङ सहराङ छेर्‍हाछै नुङ्‍नाङ ङै नाखुरीकुङ पुजा जाट्‍च ठाउँको डाङा। अनी ङै काट याङ्‍च बेडी र डुपा होला, ‘माव्‍हार्‌छ डेबटौ लागी’ डेयार खोप्‍डीमेसा। होटबाटै माचीन्‍डीम न नाखुरीकै पुजा जाट्‍च होसे न डेबटौ बारेयाङ ङा छीनी नाखुरीकुङ मीघ्‍याङ घोसना जाट्‍ले।

प्रेरित 20:21

यहूदीकोलाक र ग्रीककोलाक पाप डासार परमेश्‍वर पट्‍टी ल्‍हेस्‍की र काल्‍हौ प्रभु येशू ख्रीष्‍ट मीटाक विश्‍वास जाट्‍की डेच कुरौ गबाही ङै याम्‍हने।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

१ पट्‍रुस 4:3

हीजैडेनाङ अगाडीयुङ समयाङ नाखुरीक परमेश्‍वरकी माचीन्‍डीच भर्मीकै जाट्‍च ल्‍याक्‍च न चालचलनाङ व्‍हामन्‍या। नाखुरीक मास्‍च इच्‍छा जाट्‍च, शरीरौ अभीलासा जाट्‍च, हान रक्‍सी गाच, भोजाङ वास्‍टै हान रक्‍सी गार म्‍होर्‌च र झीर्‌न सेच मूर्तिको पुजा जाट्‍नन्‍या।