प्रेरित 17:23 - पुर्वीय मगर

²³ हीजैडेनाङ सहराङ छेर्‍हाछै नुङ्‍नाङ ङै नाखुरीकुङ पुजा जाट्‍च ठाउँको डाङा। अनी ङै काट याङ्‍च बेडी र डुपा होला, ‘माव्‍हार्‌छ डेबटौ लागी’ डेयार खोप्‍डीमेसा। होटबाटै माचीन्‍डीम न नाखुरीकै पुजा जाट्‍च होसे न डेबटौ बारेयाङ ङा छीनी नाखुरीकुङ मीघ्‍याङ घोसना जाट्‍ले।

प्रेरित 17:23 ပူးပေါင်းရင်းမြစ်များ

मत्ती 15:9

होखुरीकै व्‍यर्थाङ ङौ आराधना जाट्‍ले, हीजैडेनाङ होखुरीकुङ शिक्षा चहीँ भर्मीकै पाहाक्‍च नीयम मट्‍टै हो।’”

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 4:22

नाखुरीक सामरीकै हीकी आराधना जाट्‍नने होसे माव्‍हार्‌ले। कान हीकी आराधना जाट्‍ले होसे वार्‌ल्‍हे, हीजैडेनाङ मुक्‍ति चहीँ यहूदीकोलकीङ न राल्‍हे।

युहन्‍ना 8:54

येशूये डेया, “इडीक ङै ङाल्‍हौ न आदर जाटा डेनाङ ङौ आदर ब्‍यार्‌ठ छान्‍ने। ङाकी आदर जाट्‍की पाच ङौ बोइ ले, होसकोकी नाखुरीकै ‘होसको कानुङ परमेश्‍वर हो’ डेले।

प्रेरित 17:30

पहीला माव्‍हार्‌न न जाट्‍च कामकी परमेश्‍वरै माङोस्‍ले। टर अब पट्‍ट न ठावाङ पट्‍ट भर्मीकोलाक पश्‍चात्ताप जाट्‍की आज्ञा याम्‍हने।

२ ठेसलोनीकी 2:4

होचे लाहाकी न बाड्‍को खासार भर्मीकै परमेश्‍वर डेम आरमीट्‍च पट्‍ट न कुराकोलाक र पुजा जाट्‍च पट्‍ट न ठोकौ विरोध जाट्‍ले। होचे याङ्‍च सम्‍म जाट्‍ले की परमेश्‍वरौ मन्‍दिराङ पर्‍यार लहे लाहाकी न परमेश्‍वर डेले।

१ टीमोठी 1:17

अब सधैँभरीयुङ राजा, सधैँभरी जीवाम ङुच अनी जुन की कानै डाङ्‍की माय्‍होक्‍ले होसकोकी न आदर र महीमा सधैँभरी छान्‍ख्‍यो। होसको काट मट्‍टै परमेश्‍वर हो! आमेन।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।