प्रेरित 17:2 - पुर्वीय मगर

² अनी पावल सधैँ लेखा न होसे सभा ङुच इम भीत्री नुङा। सोम हप्‍तासम्‍म धर्मशास्‍त्रओ कुरा लकीङ होखुरीक खाटा बहस जाट्‍की ङुवा।

प्रेरित 17:2 ပူးပေါင်းရင်းမြစ်များ

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

लुका 4:16

येशू मेखोल्‍हा होर्‌च सहर नासरताङ टाराहा, सढैँ लेखा न होसको म्‍हुङ बाट्‍च नीक शिक्षा याछ इमाङ नुङा र धर्मशास्‍त्र परेस्‍की डेम सोवा।

युहन्‍ना 18:20

येशूये होसकी डेया, “ङै पट्‍टकुङ म्‍याहासाङ पट्‍टये सेच जाट्‍न खुल्‍ला ठावाङ ङाक्‍ङने। ङै ङौ शिक्षा पट्‍ट न यहूदीको भेला छान्‍च सभाङुच इमकोवाङ र परमेश्‍वरौ मन्‍दिराङ याम्‍हने। ङै सुयेर थाहा माडीन्‍ह हीर माङाक्‍ने।

प्रेरित 13:14

टर पावल र बारनाबास चहीँ पर्‌गा लकीङ ख्‍योव्‍हार पीसीडीयुङ एन्‍टीओखीयाङ नुङा र होखुरीक म्‍हुङ बाट्‍च डीननीक सभा ङुच-इम भीत्री नुङार ङुवा।

प्रेरित 13:5

सलामीसाङ टार्‍हारखीङ होखुरीकै यहूदीकुङ सभा ङुच इमकोवाङ नुङार परमेश्‍वरौ बचन सेटाका। होखुरीककी सहायटा जाट्‍की युहन्‍ना डेच मर्कूस र होखुरीक खाटा न लेया।

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:17

होटबाटै पावल यहूदीको र परमेश्‍वर खाटा बीर्‍हीछ अन्‍यजातिको खाटा सभा ङुच इमाङ येशूओ बारेयाङ छलफल जाट्‍नन्‍या। होटजाट्‍न न बजाराङ डुप्‍चकोखाटा र डीनडीनै छलफल जाट्‍नन्‍या।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 19:8

पावल सभा ङुच इमाङ नुङार सोम महीनासम्‍म परमेश्‍वरौ राज्‍यौ बारेयाङ होखुरीक खाटा साहास जाटार बहस जाट्‍चै भर्मीकोलाक बुझडीम याखी पा।

प्रेरित 24:25

जब पावलै सेछ कामको जाट्‍की, लहो मीमनकी बसाङ डाकी र होसे राछ न्‍यायौ बारेयाङ कुरा जाटा, टब फेलीक्‍स बीर्‍हीयार इट डेया, “चहुँङ लागी नाको नुङ्‍नी, मौका डुप्‍च बेलाङ ङा नाकोकी आर्‌घाले।”

प्रेरित 28:23

होखुरीकै पावलौ कुरा सेकी डीन टोक्‍डीया। टोक्‍डीच डीनाङ पहीला डेनाङ वास्‍टै यहूदीको भेला छानार पावल लेठाङ राहा। होसनीक पावलै गोराक लकीङ नाबीलाङसम्‍म परमेश्‍वरौ राज्‍यौ बारेयाङ शिक्षा याहा। मोशौ व्‍यवस्‍थाङ र अगमवक्‍ताकै रीक्‍च कुरा लार होचे येशूओ बारेयाङ पाहाक्‍चै होखुरीककी विश्‍वासाङ राक्‍की पा।

प्रेरित 8:35

टब फीलीपै ङाक्‍की सुरु जाटा धर्मशास्‍त्रओ होसे न खन्‍डलकीङ येशूओ सेछ समचार होसकी सेटाक्‍की ठाला।

प्रेरित 9:20

तुरुन्‍तै होचे सभा ङुच इमकोवाङ नुङार “येशू न परमेश्‍वरौ मीजा हो” डेम प्रचार जाट्‌की ठाला।