प्रेरित 17:18 - पुर्वीय मगर

¹⁸ होटै इपीक्‍युरी र स्‍टोइकी डेच गुरुको मढ्‍याङ र कुडीक जनै पावल खाटा वाद-विवाद जाटा। होखुरीक कुडीकै डेया, “इसे बकबकेइ ही डेले?” अरुकै र डेया, “इचे च अरु न विदेशी देवताकुङ प्रचार जाट्‍नने।” होखुरीकै याङ्‍च डेया हीजैडेनाङ पावलै येशू र होसको सीच लकीङ जीवाम सोचओ बारेयाङ प्रचार जाट्‍नन्‍या।

प्रेरित 17:18 ပူးပေါင်းရင်းမြစ်များ

मर्कूस 9:14

येशू र सोम जना चेलाको अरु चेलाको लेठाङ ल्‍हेस्‍न राहा। होला वास्‍टै भर्मीको भेला छान्‍न ङुमन्‍या र चेलाको खाटा धर्मगुरुकै बहस जाट्‍न न लेया।

लुका 11:53

होटै येशू नुङ्‍रखीङ धर्मगुरु र फरीसी भर्मीकै होसकोकी माजाक्‍चै ही-ही कुराको गीन्‍की ठाला।

प्रेरित 26:23

होखुरीकै इट डेले, मुक्‍ति याछ ख्रीष्‍टै डुख भोग्‍डीयार सीकी पर्‌ले, होसको सीच लकीङ जीवाच मढ्‍याङ पट्‍ट डेनाङ पहीलो छान्‍चबाटै होसकै लहो जाति र अन्‍यजाति कोलाक ज्‍योतियो घोसना जाट्‍ले।”

प्रेरित 4:2

होखुरीक पत्रुस र युहन्‍ना खाटा मीरीस ख्‍योम्‍हन्‍या, हीजैडेनाङ येशू जीवाम सोमने र अरु भर्मीको र जीवाम सोले डेम होखुरीकै शिक्षा याहा।

प्रेरित 5:42

होटै होखुरीकै डीन-डीनै परमेश्‍वरौ मन्‍दिराङ र इम-इमाङ नुङार येशू मुक्‍ति याछ ख्रीष्‍ट हो डेयार पाहाक्‍की र सेछ समाचार सेटाक्‍की माडासा।

प्रेरित 6:9

टर कुडीक जना भर्मीकै चहीँ होच्‍यौ विरोध जाट्‍की ठाला। होखुरीक “सभाङुच इमुङ स्‍वतन्‍त्र” डेच डलुङ यहूदी भर्मीको लेया। र होखुरीक अलेक्‍जेन्‍ड्रिया सहर र कुरेनी, कीलीकीया र एसीया इलाकालकीङ राम्‍हन्‍या। होखुरीक पट्‍ट न खाटार स्‍तिफनसखाटा वाद-विवाद जाट्‍की ठाला।