प्रेरित 17:1 - पुर्वीय मगर

¹ पावल र सीलास अम्‍फीपोलीस र अपोल्‍लोनीयो सहरौ लाम छान्‍चै ठेसलोनीके सहराङ टाहा। होला यहूदीकुङ काट सभाङुच इम लेया।

प्रेरित 17:1 ပူးပေါင်းရင်းမြစ်များ

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 15:21

हीजैडेनाङ पहीलुङ पुस्‍ता लकीङ न सहरै पीच्‍छी मोशौ व्‍यवस्‍था पाहाक्‍ने, यहूदी सभाइमाङ इसे हरेक म्‍हुङ बाट्‍च डीनाङ परेस्‍न न ले।”

प्रेरित 16:13

म्‍हुङ बाट्‍च डीनाङ कान सहरौ गालाम बाहीर नदियो छेवाङ नुङा, हीजैडेनाङ होला यहूदीकुङ प्रार्थना जाट्‍च ठाउँ ले औँला डेम कानै अनुमान जाट्‍नन्‍या। अनी कान होला ङुवा र होला जम्‍मा छान्‍च मास्‍टोकोखाटा कान ङाक्‍की ठाला।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:11

होलुङ यहूदीको ठेसलोनीकेयुङ भर्मीकुङ डेनाङ होखुरीकुङ मीमन खुल्‍ला लेया। हीजैडेनाङ होखुरीकै साप्‍फी चासो जाटार बचन सेया र पावलै डेच कुराको खाट्‍ले की माखाट्‍ले डेयार डीन-डीनै धर्मशास्‍त्र परेसार जाच्‍डीमन्‍या।

प्रेरित 17:13

बेरीयाङ र परमेश्‍वरौ बचन पावलै प्रचार जाट्‍न न ले डेच कुरा ठेसलोनीकेयुङ यहूदीकै थाहा डीन्‍हा। अनी होखुरीक होला र भर्मीकोलाक गाराङ्‍की र सुरडीकी टाराहा।

प्रेरित 20:4

टब बेरीयाङ ङुच पुरसौ लेन्‍जा मीजा सोपाटोरोस, ठेसलोनीके लकीङ अरिस्‍तार्खस र सीकन्‍डस, डर्बीयुङ गायस अनी एसीयुङ टुखीकस र टोरोफीमस र तिमोथी पावल खाटा नुङा।

प्रेरित 27:2

एडारामीटेनोस लकीङ एसीयुङ वास्‍टै बन्‍दरगाहको छान्‍चै नुङ्‍च जहाजाङ काल्‍हार कान लाम लक्‍डीसा। माकेडोनीया इलाकाङ पर्च ठेसलोनीके लकीङ राछ अरिस्‍तार्खस डेच र कान खाटा न लेया।

१ ठेसलोनीकी 1:1

ङा पावल, सीलास र तिमोथीलकीङ इसे चीठी रीक्ङनले, परमेश्‍वर बोइ र प्रभु येशू ख्रीष्‍टै थेसलोनिकीयुङ मण्‍डलीकी अनुग्रह र शान्‍ति याख्‍यौ।

१ ठेसलोनीकी 2:2

होला राखी डेनाङ अगाडी लकीङ न फीलीप्‍पी सहरुङ भर्मीकै कानकी डुख याहा र बेइजट जाटा डेच कुरा र नाखुरीककी ठाहा न ले। टर वास्‍टै विरोधीको लेनाङ र परमेश्‍वरै कानकी साहस याछ बाटै नाखुरीककी कानै परमेश्‍वरौ सेछ समाचार सेटाक्‍की य्‍होका।

२ ठेसलोनीकी 1:1

कानुङ परमेश्‍वर बोइ र प्रभु येशू ख्रीष्‍टौ थेसलोनिकीयाङ लेच मण्‍डलीयुङ विश्‍वासी कोलाक कान पावल, सीलास र तिमोथी छानार इसे चीठी रीक्ङनले।

२ टीमोठी 4:10

डेमासै संसारकी प्रेम जाट्‍न ङाकी डासार होसे थेसोलोनीके पट्‍टी नुङा। परमेश्‍वरौ कामौ लागी केरेसेन्‍स गलातीयाङ नुङा र तीतस चहीँ दलमातियाङ नुङा।