प्रेरित 16:5 - पुर्वीय मगर

⁵ अनी इटजाट्‍न मण्‍डलीयुङ भर्मीको विश्‍वासाङ बलीयो छान्‍चै र सङ्‍ख्‍याङ डीन-डीनै बड्‍डीस्‍चै नुङा।

प्रेरित 16:5 ပူးပေါင်းရင်းမြစ်များ

प्रेरित 11:21

होखुरीक खाटा प्रभुओ शक्‍ति लेचबाटै वास्‍टै भर्मीकै विश्‍वास जाटा र बाड्‍को सङ्‍ख्‍याङ प्रभुपट्‍टी ल्‍हेसा।

प्रेरित 12:24

टर परमेश्‍वरौ बचन चहीँ नीरन्‍टर फैलडीस्‍चै र विश्‍वासीको बड्‌डीस्‍चै नुङा।

प्रेरित 15:41

कुटजाट्‍न होखुरीक सीरीया र कीलीकीया छान्‍चै नुङा होखुरीकै होला लेच मण्‍डलीयुङ विश्‍वासीकोलाक प्रभुवाङ बलीयो खासा।

प्रेरित 2:47

होखुरीकै सधैँ परमेश्‍वरौ प्रशंसा जाट्न्‍या र अरु भर्मीकै र होखुरीककी जाक्‍ङन्‍या। उड्‍डार डुप्‍चकोलाक प्रभुये डीन-डीनै होखुरीकुङ सङ्‍ख्‍याङ ठप्‍डीम याम्‍हनन्‍या।

प्रेरित 4:4

टर बचन सेचको मढ्‍याङ वास्‍टै जनै विश्‍वास जाटा र विश्‍वास जाट्‍च लेन्‍जा भर्मीकुङ सङ्‍ख्‍या बाङा हजार टडीक लेया।

प्रेरित 5:14

अनी प्रभुकी विश्‍वास जाट्‍चै लेन्‍जा मास्‍टोकुङ भीड होखुरीकुङ समुहाङ ठप्‍डीस्‍की ठाला।

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

प्रेरित 9:31

यहूदिया, गालील र सामरीयुङ पट्‍ट न मण्‍डलीकोवाङ शान्‍ति छानार मण्‍डलीको बलीयो छाना। होखुरीक प्रभुखाटा बीर्‍हीमन्‍या र होखुरीककी पवित्र आत्‍मै उत्‍साह याहा होटबाटै मण्‍डलीयाङ भर्मीको ठप्‍डीस्‍चै नुङा।

१ ठेसलोनीकी 3:13

कानुङ प्रभु येशू लहो पवित्र भर्मीको खाटा रान्‍हाङ कानुङ परमेश्‍वर बोयो म्‍याहासाङ नाखुरीकुङ रीदयकी पवित्र र निर्दोष खासार बलीयो खास्‍न याख्‍यौ।

१ ठेसलोनीकी 3:2

अनी ख्रीष्‍टौ सेछ समाचार कान खाटा न प्रचार जाट्‍च कानुङ भाइ तिमोथी परमेश्‍वरौ सेवक हो। नाखुरीककी हौसला याहार विश्‍वासाङ बलीयो खास्‍की डेम होसकी नाखुरीक लेठाङ बीर्‌न्‍हकामने।

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।