प्रेरित 16:20 - पुर्वीय मगर

²⁰ अनी होखुरीककी सहरुङ हाकीमको लेठाङ आल्‍हार डेया, “इसे भर्मीको यहूदीको हो, इखुरीकै कानुङ सहराङ गडबडी मचडीमने।

प्रेरित 16:20 ပူးပေါင်းရင်းမြစ်များ

मत्ती 2:3

इसे कुरा सेयार हेरोद राजा आटडीसा, र होसको खाटा यरूशलेमुङ पट्‍ट न भर्मीको र आटडीसा।

प्रेरित 16:19

टर होच्‍यौ मालीकै होखुरीकुङ पैसा कमडीच लाम बन्‍ड छान्‍च डाङार पावल र सीलासकी घोवार बजारौ चोकाङ शासकको लेठाङ टान्‍डीचै आल्‍हा।

प्रेरित 16:21

इखुरीकै याङ्‍च रीटीठीटी पाहाक्‍ङ न ले की कान रोमीकै मन्‍डीकी र पालना जाट्‍की माखाट्‍ले।”

प्रेरित 18:2

अनी होचे होला पोन्‍टसुङ अकीलास म्‍यार्‌मीनुङ काट जना यहूदीकी डुपा। होसे मेन मास्‍टो प्रिस्‍किला खाटा इटालीया लकीङ चाम-चाम राम्‍हन्‍या, हीजैडेनाङ सम्राट्‌ क्‍लौडीयसै पट्‍ट न यहूदीकोलाक रोमलकीङ ख्‍योव्‍हार नुङ्‍की डेम आज्ञा जाट्‍नन्‍या। अनी पावल होखुरीककी डुप्‍की डेम नुङा।

प्रेरित 19:34

टर होखुरीकै होसकी यहूदी लेसा डेम थाहा छान्‍रखीङ होखुरीक पट्‍टको काट सोरै ओलमाओल नीस घन्‍ट टडीक “एफीसीकुङ आरटेमीस डेबी महान हो!” डेचै च्‍याका।

प्रेरित 28:22

टर नाकुङ बीचार ही हो, होसे नाकोलकीङ सेकी मीमन ले। हीजैडेनाङ इसे डलौ बारेयाङ कानकी इडीक मट्‍टै थाहा ले की जटा-टटै भर्मीको नाकुङ समुहौ विरोधाङ ङाक्‍ङने।”

याकुब 4:4

ए व्‍यभिचारी भर्मीको! संसारकी लाफा खास्‍चको परमेश्‍वरौ शत्रु छान्‍ले डेच कुरा नाखुरीककी ठाहा माले? संसारकी लाफा खास्‍की पाचये लाहाकी न परमेश्‍वरौ शत्रु खास्‍ले।