प्रेरित 16:17 - पुर्वीय मगर

¹⁷ अनी होचे पावल र कान न्‍हुङ-न्‍हुङ राछै इट डेचै च्‍याका, “इसे भर्मीको महान परमेश्‍वरौ सेवकको हो। इखुरीकै नाखुरीककी मुक्‍तियो लामौ बारेयाङ सेटाक्‍ले।”

प्रेरित 16:17 ပူးပေါင်းရင်းမြစ်များ

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

१ पट्‍रुस 2:16

स्‍वतन्‍त्र भर्मीकै लेखा न जीवन बीटडीनी, टर नाको स्‍वतन्‍त्र ले डेयार कुसेर दुष्‍ट काम चहीँ माजाट्‍नी। बरु नाको परमेश्‍वरौ डासकै लेखा न जीवानी।

मर्कूस 5:7

होटै होसे भर्मी बाड्‍को सोरै चीघारीसार डेया, “ए कर्‍हाङ्‍छ परमेश्‍वरौ मीजा येशू, नाकै ङाखाटा ही पाच? ङा परमेश्‍वरौ म्‍यार्‌मीनाङ नाकोकी बिन्‍ती जाट्‍ले, ङाकी डुख माय्‍हानी!”

लुका 4:41

होला लेच वास्‍टै भर्मीको लकीङ दुष्‍ट आत्‍माको च्‍याक्‍चै, इट डेचै खेव्‍हा, “नाको परमेश्‍वरौ मीजा हो।” टर येशूये होसे दुष्‍ट आत्‍मा कोलाक हक्‍कारीयार ङाक्‍की माय्‍हा। हीजैडेनाङ होखुरीकै होसको मुक्‍ति याछ ख्रीष्‍ट हो डेम चीन्‍डीमन्‍या।

लुका 4:34

“ए नासरतुङ येशू, नाकुङ कानखाटा ही काम? ही नाको कानकी नास जाट्‍की डेम राछ? ङाकी थाहा ले नाको परमेश्‍वरै बीर्‌न्‍हकाच पवित्र भर्मी हो।”

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

प्रेरित 19:13

दुष्‍टआत्‍मा छ्‍युक्‍की डेम ठाउँ-ठावाङ छेर्‍हाम व्‍हाच कुडीक जना झारफुक जाट्‍च यहूदीकै र दुष्‍टआत्‍मा लग्‍ठीस्‍चकोलाक प्रभु येशूओ म्‍यार्‌मीन लाचै इट डेया, “पावलै प्रचार जाट्‍च येशूओ म्‍यार्‌मीनाङ ङा नाङ्‍की ख्‍योखी आज्ञा जाट्‍ले!”

प्रेरित 18:26

होटै होचे सभा ङुच इमाङ साहास खाटा ङाक्‍की ठाला। टर होचे ङाक्‍च कुरा सेयार प्रिस्‍किला र अकीलासै होसकी लहो इमाङ आल्‍हार परमेश्‍वरौ लामौ अर्थ होसकी अझै सेम्‍ह बुझडीम याहा।

लुका 20:21

होटै होसे भर्मीकै नुङार येशूकी गीना, “ए गुरुज्‍यु, कानकी थाहा ले, नाकै डेच कुरा र पाहाक्‍च शिक्षा ठीक ले। नाकै सुओर पक्षपात माजाट्‍ले र परमेश्‍वरौ सत्‍यौ लाम टान्‍हाक्‍ले।

लुका 1:77

होसकुङ भर्मीकोलाक पाप लकीङ कुटजाट्‍न क्षमा छानार मुक्‍ति डुप्‍ले डेम नाकै पाहाक्‍ले।

मर्कूस 12:14

होखुरीक राहार येशूकी डेया, “गुरुज्‍यु, नाकै साँचो कुरा ङाक्‍ले डेम कानकी ठाहा ले। भर्मीकै ही डेले डेयार नाकै वास्‍टा माजाट्‍ले हीजैडेनाङ नाकै सुओर मेङेर ङोसार काम माजाट्‍ले। टर परमेश्‍वरौ लाम साँचो खाटा पाहाक्‍ले। कानकी डेनी, कैसरकी कर टेरीकी सेम्‍ह ले की माले?

मर्कूस 1:24

“ए नासरतुङ येशू, कानुङ नाको खाटा ही काम ले र? ही नाको कानकी नास जाट्‍की डेम राछ हो? ङा नाकोकी चीन्‍डीले, नाको परमेश्‍वरौ काट पवित्र जन हो।”

मत्ती 22:16

होखुरीकै लहो चेलाकोलाक हेरोद राजौ भर्मीको खाटा येशूलेठाङ बीर्‌न्‍हका। होखुरीकै नुङार होसकोकी डेया, “ए गुरुज्‍यु, कान वार्‌ल्‍हे, नाको सत्‍य ङाक्‍ले, र परमेश्‍वरौ लाम सत्‍य खाटा पाहाक्‍ले। अनी भर्मीकै ही डेले औँला डेयार वास्‍टा र माजाट्‍ले, हीजैडेनाङ नाकै भर्मीकुङ मेङेर ङोसार काम माजाट्‍ले।

मत्ती 8:29

होखुरीकै च्‍याक्‍चै इट डेया, “ए परमेश्‍वरौ मीजा, नाकुङ कानखाटा ही काम ले? ही नाको टोक्‍डीच समय डेनाङ अगाडी न कानकी डुख याखी राछ हो?”

लुका 8:28

होचे येशूकी डाङ्‌च बीट्‍टीकै साफ्‍फी चीघारीसार होसको अगाडी खुखुप छानार डेया, “ए कराङ्‍छ परमेश्‍वरौ मीजा येशू, नाकुङ ङाखाटा ही काम? ङा बिन्‍ती जाट्‍ले ङाकी डुख माय्‍हानी।”

२ पट्‍रुस 2:2

अनी धेरै जना भर्मीकै होखुरीकुङ झीर्‌न सेच लामकी डुट्‍ले र होखुरीकुङ कामै जाट्‍नाङ अरु भर्मीकै सत्‍यौ लामकी बडनाम जाट्‍ले।