प्रेरित 16:14 - पुर्वीय मगर

¹⁴ कानुङ कुरा सेचको मढ्‍याङ ठीआटीरा सहरुङ काट जना महङ्‍गो बैजनी रङुङ बढीनको ब्‍यापार जाट्‍च अन्‍यजाति लीडीया डेच यहूदीकुङ परमेश्‍वरकी मन्‍डीच मास्‍टो लेया। होसकी पावलै ङाक्‍च बचन ढ्‍यान याहार सेख्‍यौ डेम प्रभुये होच्‍यौ मीमन खोलीम याहा।

प्रेरित 16:14 ပူးပေါင်းရင်းမြစ်များ

लुका 24:45

होटै होसकै होखुरीककी धर्मशास्‍त्राङ रीक्‍च कुराको वार्‌खी य्‍होक्‍च शक्‍ति याहा।

युहन्‍ना 12:20

होडीक बेला ग्रीकको र कुडीक जना छुटकारौ चाडाङ आराधना जाट्‍की डेम यरूशलेमाङ राम्‍हन्‍या।

प्रेरित 10:2

होसे परमेश्‍वराङ भक्‍टी जाट्‍च भर्मी लेया अनी होसे र होच्‍यौ पट्‍ट न जाहानको परमेश्‍वर खाटा बीर्‍हीमन्‍या। होचे गरीबकोलाक भीत्री मीमनीङ सहायटा जाट्‍चै र सधैँ परमेश्‍वर खाटा प्रार्थना जाट्‍नन्‍या।

प्रेरित 11:21

होखुरीक खाटा प्रभुओ शक्‍ति लेचबाटै वास्‍टै भर्मीकै विश्‍वास जाटा र बाड्‍को सङ्‍ख्‍याङ प्रभुपट्‍टी ल्‍हेसा।

प्रेरित 13:43

सभा भ्‍यारखीङ यहूदीको र यहूदी धर्म मन्‍डीच अन्‍यजाति भक्‍टको पावल र बारनाबासकी डुटा। अनी पावल र बारनाबास होखुरीक खाटा ङाक्‍चै परमेश्‍वरौ अनुग्रहाङ सधैँ ङुम-ङुकी डेयार होखुरीक खाटा बिन्‍ती जाटा।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 16:40

होटै पावल र सीलास झ्‍यालखाना लकीङ ख्योव्‍हार होखुरीक लीडीयो इमाङ नुङा। होखुरीकै होला प्रभुकी विश्‍वास जाट्‍च डाजे-भाइकोखाटा भेटघाट जाटा र होखुरीककी उत्‍साह याहार होटै बिदा छानार व्‍हा।

प्रेरित 18:7

होटै पावलै यहूदीकुङ सभा ङुच इम डासार परमेश्‍वरौ भक्‍टी जाट्‍च काट अन्‍यजाति टीटस युस्‍टस डेच भर्मीयो इमाङ नुङा। होच्‍यौ इम होसे सभा ङुच इमौ खेरेप लेया।

प्रेरित 8:27

फीलीप सोवार नुङा अनी होडीक न बेला काट जना इथियोपियाली नपुङ्‍सककी डुपा, होसे इथियोपिया देशुङ माहारानी कन्‍डाकीयो पट्‍ट न ढन-सम्‍मटी ङोस्‍च बाड्‍को पडुङ अधिकारी लेया। होसे यरूशलेमाङ आराधना जाट्‍की राम्‍हन्‍या।