प्रेरित 16:13 - पुर्वीय मगर

¹³ म्‍हुङ बाट्‍च डीनाङ कान सहरौ गालाम बाहीर नदियो छेवाङ नुङा, हीजैडेनाङ होला यहूदीकुङ प्रार्थना जाट्‍च ठाउँ ले औँला डेम कानै अनुमान जाट्‍नन्‍या। अनी कान होला ङुवा र होला जम्‍मा छान्‍च मास्‍टोकोखाटा कान ङाक्‍की ठाला।

प्रेरित 16:13 ပူးပေါင်းရင်းမြစ်များ

मत्ती 13:2

होसकुङ वरीपरी बाड्‍को भर्मीकुङ भीड जम्‍मा छाना, होटबाटै होसको काट डुङ्‍गाङ काल्‍हार ङुवा। भर्मीकुङ भीड चहीँ टालौ छेवाङ न टोङ्‍ह ङुवा।

मर्कूस 16:15

होटै येशूये होखुरीककी डेया, “पट्‍ट संसाराङ नुङार पट्‍ट भर्मीयो जाट-जाटीकोलाक सेछ समाचार सेटाक्‍नी।

लुका 13:10

होटै कायाक म्‍हुङ बाट्‍चनीक येशूये यहूदिकुङ सभा ङुच इमाङ पाहाक्‍ङ न लेया।

युहन्‍ना 8:2

पीउर्‍हाक लेखो गोराक येशू फेरी परमेश्‍वरौ मन्‍दिराङ ल्‍हेस्‍न राहा। अनी पट्‍ट न भर्मीको होसकुङ वरीपरी भेला छानार येशूये ङुवार भर्मीकोलाक शिक्षा याहा।

प्रेरित 13:14

टर पावल र बारनाबास चहीँ पर्‌गा लकीङ ख्‍योव्‍हार पीसीडीयुङ एन्‍टीओखीयाङ नुङा र होखुरीक म्‍हुङ बाट्‍च डीननीक सभा ङुच-इम भीत्री नुङार ङुवा।

प्रेरित 13:42

पावल र बारनाबास सभाङुच इमीङ ख्‍योव्‍हार नुङ्‍च बेलाङ भर्मीकै “अर्‌को म्‍हुङ बाट्‍चनीक र इसे न कुरौ बारेयाङ सेटाक्‍ङ याख्‍यौ, डेयार होखुरीककी बिन्‍ती जाटा।”

प्रेरित 16:16

कायाक कान प्रार्थना जाट्‍च ठावाङ नुङ्‌ङ लेया, टब काट जना कमारी मास्‍टो जजाकी डुपा। होसकी दुष्‍ट आत्‍मा लग्‍डीस्‍नन्‍या र होसे दुष्‍ट आत्‍मौ शक्‍तिये होचे भर्मीकुङ भाग्‍य डेम याहार लहो मालीककोलाक वास्‍टै पैसा कमडीयार याम्‍हन्‍या।

प्रेरित 16:6

होसबेला पवित्र आत्‍मै एसीयाङ बचन प्रचार जाट्‍की रोकडीचबाटै पावल र मेन लाफाको फ्रिगिया र गलाटीयुङ क्षेत्र लकीङ छानार नुङा।

प्रेरित 17:2

अनी पावल सधैँ लेखा न होसे सभा ङुच इम भीत्री नुङा। सोम हप्‍तासम्‍म धर्मशास्‍त्रओ कुरा लकीङ होखुरीक खाटा बहस जाट्‍की ङुवा।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 20:7

हप्‍टौ पहीलो डीन जब कान र अरु विश्‍वासीको प्रभुभोज ज्‍याकी भेला छाना, टब पावलै चहीँ पीउर्‍हाक लेखो नुङ्‍च मीमन जाट्‍च बाटै, होखुरीक खाटा आढाराट सम्‍म गफ जाट्‍न ङुवा।

प्रेरित 21:5

होटै कानुङ नुङ्‍च बेला छान्‍रखीङ होखुरीक खाटा बिदा छानार कान खेव्‍हा। होलुङ विश्‍वासीको लहो पट्‍ट न जाको समेट जहान-जहान न होखुरीक कानकी सहर बाहीर सम्‍म साखी राहा, र कानै समुन्‍द्रओ छेवाङ घुँडा टुसार प्रार्थना जाटा।

प्रेरित 9:20

तुरुन्‍तै होचे सभा ङुच इमकोवाङ नुङार “येशू न परमेश्‍वरौ मीजा हो” डेम प्रचार जाट्‌की ठाला।