प्रेरित 15:32 - पुर्वीय मगर

³² यहूदा र सीलास मेखुरीक र अगमवक्‍ता लेचबाटै डाजे-भाइकोलाक वास्‍टै कुरा बचन लकीङ पाहाक्‍चै होखुरीककी विश्‍वासाङ बलीयो खासा।

प्रेरित 15:32 ပူးပေါင်းရင်းမြစ်များ

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

लुका 11:49

होटजाट्‍न पट्‍ट कुरा वार्‌छ परमेश्‍वरै खायाक लकीङ न डेमने, ‘ङा होखुरीक लेठाङ अगमवक्‍ता र प्रेरितकोलाक बीर्‌न्‍हकाले। टर होखुरीकै कुडीककी साट्‍ले र कुडीककी डुख याल्‍हे।’

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

प्रेरित 11:27

होडीक बेला कुडीक जना अगमवक्‍ताको यरूशलेमलकीङ एन्‍टीओखीयाङ राहा।

प्रेरित 13:1

एन्‍टीओखीया सहरुङ मण्‍डलीयाङ अगमवक्‍ताको र शिक्षा याछ भर्मीको लेया। होखुरीक बारनाबास, काला डेच सीमीयोन, कुरेनीयुङ लुकीयस, राजा हेरोद खाटा होर्‌च मनेन र साउल लेया।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 15:1

अनी कुडीक भर्मीकै यहूदिया लकीङ एन्‍टीओखीयाङ राहार विश्‍वासीकोलाक याङ्‍च शिक्षा पाहाक्‍की ठाला, “नाखुरीक मोशौ रीटीअनुसार खतना माजाटा डेनाङ च नाखुरीकुङ उद्धार छान्‍की माय्‍होक्‍ले।”

प्रेरित 15:22

प्रेरितको, अगुवाको र मण्‍डलीयुङ पट्‍ट न खाटार होखुरीक मढ्‍य लकीङ भर्मीको भाकार पावल र बारनाबासखाटा एन्‍टीओखीयाङ बीर्‌न्‍हकाकी मीमन जाटा। होखुरीक मढ्‍याङ नीस जना मुख्‍य भर्मीको, यहूदा डेच बारसाबास र सीलासकी चुन्‍डीया।

प्रेरित 15:27

होटबाटै कानै यहूदा र सीलासकी बीर्‌न्‍हकामने। होखुरीकै र नाखुरीककी होसे न कुराको डेम याल्‍हे।

प्रेरित 15:3

अनी मण्‍डलीयुङ सदस्‍यकै होखुरीककी होटै बिदा याहा। होखुरीक फोनीके र सामरीया छान्‍चै नुङ्‍नाङ अन्‍यजातिकै प्रभुकी ग्रहण जाट्‍च पट्‍ट न कुरा होखुरीककी सेटाका। इसे खबर सेरखीङ होलुङ पट्‍ट विश्‍वासीको एकदम आनन्‍दित छाना।

प्रेरित 15:31

अनी होसे हौसला याछै रीक्‍च अर्तीयो चीठी परेसार होखुरीक मार्‍हाङा।

प्रेरित 15:41

कुटजाट्‍न होखुरीक सीरीया र कीलीकीया छान्‍चै नुङा होखुरीकै होला लेच मण्‍डलीयुङ विश्‍वासीकोलाक प्रभुवाङ बलीयो खासा।

प्रेरित 18:23

होसे होला कालाप डीन ङुवा र होटै ख्‍योव्‍हार गलाटीया र फीरीगीयुङ इलाकाको छान्‍चै नुङार पट्‍ट न विश्‍वासीकोलाक विश्‍वासाङ बलीयो खासा।

प्रेरित 2:40

अनी पत्रुसै होखुरीककी अरु धेरै कुराको लकीङ साक्षी याहा अनी इट डेयार अर्ती याहा, “इसे दुष्‍ट पुस्‍ता मीटाक राछ दण्‍डलकीङ नाखुरीकै लाहाकी जोगडीनी।”

प्रेरित 20:2

होसे इलाकौ ठाउँ-ठावाङ नुङार विश्‍वासीकोलाक उत्‍साह खाटा बचनलकीङ वास्‍टै शिक्षा याहा, होटै पावल ग्रीसाङ नुङा।

१ ठेसलोनीकी 2:11

हीजैडेनाङ नाखुरीककी ठाहा ले, बोये लहो मीजाकोलाक जाट्‍नाङ लेखा न नाखुरीक खाटा कानै ब्‍यबहार जाटा।

१ ठेसलोनीकी 3:2

अनी ख्रीष्‍टौ सेछ समाचार कान खाटा न प्रचार जाट्‍च कानुङ भाइ तिमोथी परमेश्‍वरौ सेवक हो। नाखुरीककी हौसला याहार विश्‍वासाङ बलीयो खास्‍की डेम होसकी नाखुरीक लेठाङ बीर्‌न्‍हकामने।

१ ठेसलोनीकी 4:1

अन्‍टीमाङ ङौ डाजेभाइको र डै बहीनीको, नाखुरीकै परमेश्‍वरकी जाक्‍ङ सेच जीवन कुटजाट्‍न जीवाकी पर्‌ले डेच कुरा कान लकीङ पाम्‍ह य्‍होक्‍ने। होटबाटै होट न जाट्‍न न र ले। अब कान नाखुरीककी प्रभु येशूओ म्‍यार्‌मीनाङ बिन्‍ती जाट्‍ले की नाखुरीकुङ बानी ब्‍यहोराको झन सेछ छान्‍चै नुङ्‍ख्‍यो।

१ ठेसलोनीकी 5:14

डाजेभाइको र डै बहीनीको, कान नाखुरीककी बिन्‍ती जाट्‍ले अल्‍छीकोलाक काम जाट्‍की डेयार चेटावनी यान्‍ही। बीर्‍हीचकोलाक उत्‍साह यान्‍ही। कमजोरकोलाक सहायता जाट्‍नी र पट्‍टको खाटा सहनसील छानार ङुनी।

१ ठेसलोनीकी 5:20

परमेश्‍वर लकीङ राछ बचनकी हेला माजाट्‍नी।

२ ठेसलोनीकी 3:12

अब याङ्‍च भर्मीकोलाक प्रभु येशू ख्रीष्‍टौ म्‍यार्‌मीनाङ कान आज्ञा र अर्ती याल्‍हे, की होखुरीकै माच्‍याक्‍ङ लहौ काम जाट्‍ख्‍यौ र लहौ जीबीका क्‍योट्‍ख्‍यौ।

१ टीमोठी 2:1

अब पट्‍ट डेनाङ पहीला ङा नाकोकी निवेदन जाट्‍ले, पट्‍ट न भर्मीकुङ लागी प्रार्थना, अन्‍टरबीन्‍टी र धन्‍यवाद याछ जाट्‍नी।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।

१ पट्‍रुस 5:1

होटबाटै ङा नाखुरीकखाटा लेच मण्‍डलीयुङ अगुवाकोलाक डेले, ङा मण्‍डीलीयुङ काट अगुवा हो, ख्रीष्‍टै भोक्‍डीच कष्‍टको ङाल्‍है न डाङ्‍ङने र पीहीन डाङ्‍च महीमाङ र सहभागी छान्‍ले। ङा बिन्‍ती जाट्‍ले,

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।