प्रेरित 15:22 - पुर्वीय मगर

²² प्रेरितको, अगुवाको र मण्‍डलीयुङ पट्‍ट न खाटार होखुरीक मढ्‍य लकीङ भर्मीको भाकार पावल र बारनाबासखाटा एन्‍टीओखीयाङ बीर्‌न्‍हकाकी मीमन जाटा। होखुरीक मढ्‍याङ नीस जना मुख्‍य भर्मीको, यहूदा डेच बारसाबास र सीलासकी चुन्‍डीया।

प्रेरित 15:22 ပူးပေါင်းရင်းမြစ်များ

प्रेरित 1:23

होटबाटै होखुरीकै नीस जनाकी भर्मीकुङ म्‍याहासाङ राका। काट जना चहीँ बारसाबास डेच योसेफ लेया, होसकी युस्‍टस डेमन्‍या र अर्‌को चहीँ मटीयास लेया।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 11:20

टर होखुरीक कुडीक जना चहीँ साइप्रस र कुरेनीयुङ विश्‍वासीको लेया र होखुरीक एन्‍टीओखीयाङ नुङार अन्‍यजातिकोलाक र प्रभु येशूओ बारेयाङ सेटाका।

प्रेरित 11:22

इसे खबर यरूशलेमाङ लेच मण्‍डलीयुङ भर्मीकै सेया। होटै होखुरीकै बारनाबासकी एन्‍टीओखीयाङ बीर्‌न्‍हका।

प्रेरित 11:27

होडीक बेला कुडीक जना अगमवक्‍ताको यरूशलेमलकीङ एन्‍टीओखीयाङ राहा।

प्रेरित 15:23

अनी होसे बुली जनौ मीहुटाङ होखुरीकै इट डेच चीठी याम्‍हका एन्‍टीओखीया, सीरीया र कीलीकीयाङ लेच अन्‍यजाति विश्‍वासी डाजे-भाइकोलाक, प्रेरितको र अगुवाकुङ अभिवादान।

प्रेरित 15:25

होटबाटै कान पट्‍टकै सहमटी जाट्‍च अनुसार कुडीक जना डाजे-भाइकोलाक चुन्‍डीयार होखुरीककी प्‍यारो बारनाबास र पावल खाटा नाखुरीक लेठाङ बीर्‌न्‍हकाकी कानकी सेम्‍ह सेया।

प्रेरित 15:27

होटबाटै कानै यहूदा र सीलासकी बीर्‌न्‍हकामने। होखुरीकै र नाखुरीककी होसे न कुराको डेम याल्‍हे।

प्रेरित 15:3

अनी मण्‍डलीयुङ सदस्‍यकै होखुरीककी होटै बिदा याहा। होखुरीक फोनीके र सामरीया छान्‍चै नुङ्‍नाङ अन्‍यजातिकै प्रभुकी ग्रहण जाट्‍च पट्‍ट न कुरा होखुरीककी सेटाका। इसे खबर सेरखीङ होलुङ पट्‍ट विश्‍वासीको एकदम आनन्‍दित छाना।

प्रेरित 15:30

बिदा यार्‍हखीङ होखुरीक एन्‍टीओखीयाङ टाराहा र मण्‍डलीयुङ पट्‍ट न भर्मीकोलाक भेला जाटार चीठी याहा।

प्रेरित 15:32

यहूदा र सीलास मेखुरीक र अगमवक्‍ता लेचबाटै डाजे-भाइकोलाक वास्‍टै कुरा बचन लकीङ पाहाक्‍चै होखुरीककी विश्‍वासाङ बलीयो खासा।

प्रेरित 15:40

होटै पावलै सीलासकी रोजडीया र विश्‍वासी डाजे-भाइकै आसीस ङेम्‍ह यारखीङ होखुरीक बिदा छानार नुङा।

प्रेरित 16:19

टर होच्‍यौ मालीकै होखुरीकुङ पैसा कमडीच लाम बन्‍ड छान्‍च डाङार पावल र सीलासकी घोवार बजारौ चोकाङ शासकको लेठाङ टान्‍डीचै आल्‍हा।

प्रेरित 16:25

टर आढा राटाङ पावल र सीलास प्रार्थना जाट्‍चै परमेश्‍वरौ भजन ल्‍हीङ्‍ङ न लेया र अरु कैदीकै चहीँ सेम ङुमन्‍या।

प्रेरित 16:29

टब होसे हाकीम बट्‍टी ढाक्‍ङ ङेहार खेर्‌न राहा र बीर्‍हीयार बुरुक्‍चै पावल र सीलासौ अगाडी खुखुप छाना।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:14

तुरुन्‍तै डाजे-भाइकै पावलकी समुद्र पट्‍टी बीर्‌न्‍हका। टर सीलास र तिमोथी चहीँ होला बेरीयाङ न ङुवा।

प्रेरित 17:4

अनी होला लेचको मढ्‍याङ कुडीक जना यहूदी विश्‍वास जाट्‌चको पावल र सीलास खाटा लक्‍डीसा। इटजाट्‍न बाड्‍को सङ्‍ख्‍याङ परमेश्‍वरौ भक्‍टी जाट्‍च ग्रीकको र कुडीक जना म्‍यार्‌मीन क्‍योस्‍च मास्‍टोको र विश्‍वास जाटार होखुरीक पट्‍टी लग्‍डीसा।

प्रेरित 18:5

जब सीलास र तिमोथी माकेडोनीया लकीङ राहा टब पावल बचन प्रचारौ कामाङ पुरा लग्‍डीसा। होचे यहूदीकोलाक येशू न मुक्‍ति याछ ख्रीष्‍ट हो डेम साक्षी याहा।

प्रेरित 8:14

होटै सामरीयुङ भर्मीकै परमेश्‍वरौ बचन ग्रहण जाटा डेच सेयार यरूशलेमाङ लेच प्रेरितकै पत्रुस र युहन्‍नाकी होखुरीक लेठाङ बीर्‌न्‍हका।

१ ठेसलोनीकी 1:1

ङा पावल, सीलास र तिमोथीलकीङ इसे चीठी रीक्ङनले, परमेश्‍वर बोइ र प्रभु येशू ख्रीष्‍टै थेसलोनिकीयुङ मण्‍डलीकी अनुग्रह र शान्‍ति याख्‍यौ।

२ ठेसलोनीकी 1:1

कानुङ परमेश्‍वर बोइ र प्रभु येशू ख्रीष्‍टौ थेसलोनिकीयाङ लेच मण्‍डलीयुङ विश्‍वासी कोलाक कान पावल, सीलास र तिमोथी छानार इसे चीठी रीक्ङनले।

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।