प्रेरित 14:5 - पुर्वीय मगर

⁵ होटै अन्‍यजाति र यहूदीको मेखुरीकुङ शासककोखाटा खाटार पावल र बारनाबासकी मासेछ ब्‍यावहार जाट्‍की र ल्‍हुङै ङापार साट्‍की डेम सल्‍ल्‍हा जाटा।

प्रेरित 14:5 ပူးပေါင်းရင်းမြစ်များ

मत्ती 5:44

टर ङा नाखुरीककी डेले, लहो शत्रुकोलाक माया जाट्‍नी, र नाखुरीककी खेडो जाट्‍चकुङ लागी प्रार्थना जाट्‍नी।

लुका 6:28

नाखुरीककी सराप याछ कोलाक आसीस यान्‍ही। मासेम्‍ह जाट्‍चकोलाक प्रार्थना जाट्‍न यान्‍ही।

प्रेरित 13:45

होटै यहूदीकै भीडकोलाक डाङार होखुरीकुङ मीमन डाहै न्‍हेपा र पावलै ङाक्‍च कुरौ विरोधाङ होसकी च्‍याका।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 14:19

होटै न्‍हुइङ एन्‍टीओखीया र आइकोनीयन सहरीङ कुडीक जना यहूदीको होला राहा। होखुरीकै भर्मीकुङ हुलकी सोटार पावलकी ल्‍हुङ ङापार हीर्‌कडीकी लैडीयार होसे सीया डेयार होखुरीकै आर्‌ढुस्‍चै सहरलकीङ बाहीर आल्‍हार लोम्‍हका।

प्रेरित 14:2

टर विश्‍वास माजाट्‍च यहूदीकै चहीँ अन्‍यजातिकोलाक भड्‍कडीयार विश्‍वास जाट्‍च डाजे-भाइकुङ विरुद्धाङ होखुरीकुङ मीमन बीर्‌छ खास्‍न याहा।

प्रेरित 14:4

टर होसे सहरुङ भर्मीकोवाङ फाटो छानार कुडीक जना यहूदीको पट्‍टी र कुडीक जना चहीँ प्रेरितको पट्‍टी छाना।

प्रेरित 17:5

टर अरु यहूदीकै चहीँ होखुरीककी मीरीस जाटार बजारुङ बडमासीकोलाक सोटार सहराङ खैला-बैला मचडीकी लैडीया। अनी यासोनौ इमाङ हमला जाटार पावल र सीलासकी भर्मीकुङ भीडौ म्‍याहासाङ राक्‍की पा।

१ ठेसलोनीकी 2:14

ङौ डाजेभाइको र डै बहीनीको, नाखुरीक र ख्रीष्‍ट येशूकी विश्‍वास जाट्‍च यहूदियाङ लेच परमेश्‍वरौ मण्‍डलीको लेखा न छान्‍नने। हीजैडेनाङ यहूदीयुङ मण्‍डलीकै यहूदीको लकीङ न डुख भोग्‍डीया र होटजाट्‍न न नाखुरीकै र लहो न जाटीको लकीङ डुख भोग्‍डीया।

१ ठेसलोनीकी 2:16

होखुरीकै कानकी मुक्‍तियो सेछ समाचार अन्‍यजातिकोलाक सेटाक्‍की माय्‍हा। इटजाट्‍न होखुरीकै पापौ ठुप्‍रो खास्‍चै नुङा। अन्‍टीमाङ परमेश्‍वरौ मीरीस होखुरीक मीटाक पर्‌या।

१ ठेसलोनीकी 2:2

होला राखी डेनाङ अगाडी लकीङ न फीलीप्‍पी सहरुङ भर्मीकै कानकी डुख याहा र बेइजट जाटा डेच कुरा र नाखुरीककी ठाहा न ले। टर वास्‍टै विरोधीको लेनाङ र परमेश्‍वरै कानकी साहस याछ बाटै नाखुरीककी कानै परमेश्‍वरौ सेछ समाचार सेटाक्‍की य्‍होका।

२ टीमोठी 3:11

एन्‍टीओखीया, आइकोनीयन र लुस्‍त्राङ ङै भोग्‍डीच डुःख नाकै सेम्‍हजा बुझडीस्‍नने। टर प्रभुये न ङाकी होसे पट्‍ट न आपटको लकीङ जीवाटाका।