प्रेरित 14:23 - पुर्वीय मगर

²³ जब पावल र बारनाबासै होखुरीकुङ पट्‍ट न मण्‍डलीयाङ अगुवाको नीयुक्‍टी जाटा टब प्रार्थना र उपवास सहीट होखुरीकै लहे विश्‍वास जाट्‍च प्रभुओ चरनाङ होखुरीककी याहा।

प्रेरित 14:23 ပူးပေါင်းရင်းမြစ်များ

मत्ती 17:21

[टर होसे खालुङ भूत चहीँ प्रार्थना जाटार र उपवास ङुवार मट्‍टै डोन्‍की य्‍होक्‍ले।”]

मर्कूस 3:14

अनी लाहा खाटा व्‍हास्‍की र प्रचार जाट्‍की बीर्‌न्‍हकाकी डेम बार्‍ह जनाकी प्रेरित डेयार भाका।

लुका 2:37

आसको चौरासी वर्ष टाम्‍हन्‍या। होसकै सेन्‍र परमेश्‍वरौ मन्‍दिर माडास्‍नन्या र नाबीक नाम्‍सीन उपवास र प्रार्थना जाट्‍चै आराधना जाट्‍नन्‍या।

लुका 23:46

होटै बाड्‍को सोरै च्‍याकार येशूये डेया, “ए बोइ, ङा ङौ आत्‍मा नाकुङ मीहुटाङ याल्‍हे।” इडीक डेयार होसकै लहो प्राण डासा।

प्रेरित 1:24

अनी होखुरीकै इट डेयार प्रार्थना जाटा, “पट्‍ट भर्मीकुङ मीमनुङ कुरा वार्‌छ प्रभु, इसे नीस जना मढ्‍याङ प्रेरित छानार सेवा जाट्‍की नाकै सुकी चुन्‍डीमे होसे कुरा कानकी टान्‍हाक्‍ङ यान्‍ही,

प्रेरित 11:30

अनी होखुरीकै सोट्‍च भेटी बारनाबास र साउलौ मीहुटीङ यरूशलेम मण्‍डलीयुङ अगुवाकोलाक याम्‍हका।

प्रेरित 14:26

होटै होखुरीक जहाजाङ काल्‍हार एन्‍टीओखीयुङ सीरीयाङ नुङा, होला होखुरीकै चाहाँ पुरा जाट्‍च कामौ लागी परमेश्‍वरौ अनुग्रहाङ होखुरीककी अर्‌पन जाट्‍नन्‍या।

प्रेरित 15:23

अनी होसे बुली जनौ मीहुटाङ होखुरीकै इट डेच चीठी याम्‍हका एन्‍टीओखीया, सीरीया र कीलीकीयाङ लेच अन्‍यजाति विश्‍वासी डाजे-भाइकोलाक, प्रेरितको र अगुवाकुङ अभिवादान।

प्रेरित 15:4

जब होखुरीक यरूशलेमाङ टाराहा टब होखुरीककी मण्‍डलीयुङ विश्‍वासी, प्रेरित र अगुवाकै स्‍वागट जाटा। अनी परमेश्‍वरै होखुरीक लकीङ जाट्‍च पट्‍ट न कामकुङ बारेयाङ होखुरीकै होला सेटाक्‍ङ याहा।

प्रेरित 15:6

होटै इसे विषयो छलफल जाट्‍कीयो लागी प्रेरितको र अगुवाको भेला छाना।

प्रेरित 20:17

पावलै मीलेटसलकीङ एफीसस मण्‍डलीयुङ अगुवाकोलाक आर्‌घाकी डेम भर्मी बीर्‌न्‍हका।

प्रेरित 20:32

“अब ङा नाखुरीककी परमेश्‍वराङ र होसकुङ अनुग्रहौ बचनाङ जीम्‍मा याल्‍हे, होचे नाखुरीककी विश्‍वासाङ बलीयो खास्‍की य्‍होक्‍ले र पवित्र जाट्‍च पट्‍टकुङ मीघ्‍याङ हकडार खास्‍ले।

१ टीमोठी 5:1

लाहा डेनाङ बुढा भर्मीकोलाक माहक्‍कारीकी, टर आसकोकी लहो बोइकी लेखा न सम्‍झडीकी। अनी लाहा डेनाङ मार्‌जाकोखाटा लहो भाइकोलाक लेखा न जाटार व्‍यवहार जाट्‍की।

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 2:2

ङै वास्‍टै भर्मीकुङ म्‍याहासाङ नाकोकी पाहाक्‍च कुराको, अरु पाहाक्‍की य्‍होक्‍च विश्‍वासयोग्‍य भर्मीकोलाक र पाहाको।

टीटस 1:5

ङै नाकोकी केरेटाङ बाँकी लेच काम पुरा जाट्‌कीयो लागी डास्‍च हो। पट्‍ट न सहरुङ मन्‍डलीयाङ अगुवाको भाक्‍की र ङै अर्‍हडीच अनुसार काम जाट्‍की डेम नाकोकी होला डासा।

याकुब 5:14

ही नाखुरीक मढ्‍याङ सुर छामने? होचे मण्‍डलीयुङ अगुवाकोलाक आर्‌घाख्‍यौ, अनी होखुरीकै प्रभुओ म्‍यार्‌मीनाङ होसकी सीडी मोल्‍हार होच्‍यो लागी प्रार्थना जाट्‍न याख्‍यौ।

१ पट्‍रुस 5:1

होटबाटै ङा नाखुरीकखाटा लेच मण्‍डलीयुङ अगुवाकोलाक डेले, ङा मण्‍डीलीयुङ काट अगुवा हो, ख्रीष्‍टै भोक्‍डीच कष्‍टको ङाल्‍है न डाङ्‍ङने र पीहीन डाङ्‍च महीमाङ र सहभागी छान्‍ले। ङा बिन्‍ती जाट्‍ले,

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

२ युहन्‍ना 1:1

ङा मण्‍डलीयुङ अगुवै परमेश्‍वर लकीङ चुन्‍डीच मास्‍टो भर्मी र होच्‍यो मीजाकोलाक, इसे चीठी रीक्‍ङन ले। ङा नाखुरीककी साँचो रुपाङ प्रेम जाट्‍ले। ङै मट्‍टै होइन टर सत्‍यकी चीन्‍डीचको पट्‍टकै नाखुरीककी प्रेम जाट्‍ले।

३ युहन्‍ना 1:1

ङा मण्‍डलीयुङ अगुवै ङौ जाक्‍च लाफा गायसकी इसे चीठी रीक्‍ङन ले, होसकी ङा साँचो प्रेम जाट्‍ले।