प्रेरित 14:18 - पुर्वीय मगर

¹⁸ इसे कुरा डेयार होखुरीकै बल्‍ल-बल्‍ल होखुरीककी बली याखी लकीङ होसे भर्मीकोलाक रोकडीया।

प्रेरित 14:18 ပူးပေါင်းရင်းမြစ်များ

मत्ती 13:15

हीजैडेनाङ होसे भर्मीकुङ रीदय कठोर छान्‍नने, होखुरीकुङ मेनेकेप मासेच छान्‍नने, र होखुरीकै मीमीक चीम जाट्‍नने। नभा च होखुरीकै लहो मीमीकै डाङ्‍च लेया, मेनेकेपै सेच लेया र मीमनै बुझडीस्‍च लेया, अनी होखुरीक ङा पट्‍टी ल्‍हेस्‍च लेया र ङा होखुरीककी गेपाक्‍च लेया।’

युहन्‍ना 6:15

भर्मीकै राहार लाहाकी जबरजस्‍टी आल्‍हार राजा खास्‍की पामन ले डेच कुरा थाहा डीन्‍हार येशू फेरी लाहा काट न डाँडाङ नुङा।

प्रेरित 14:17

टर पनी होसकै सेन्‍र भलाइ जाट्‍च कामको जाट्‍की माडासा। होसकै सर्‌घालकीङ नामास राहाकार ठीक समयाङ उब्‍जनी जाटाक्‍ले। होसकै नाकोकी परसस्‍ट ज्‍याच ठोक जुटडीम याहार नाकुङ मीमनकी आनन्‍द ये न्‍हेपाक्‍ङ याल्‍हे। इटजाट्‍न परमेश्‍वरौ कामकै न होसकुङ साक्षी याल्‍हे।”

प्रेरित 14:19

होटै न्‍हुइङ एन्‍टीओखीया र आइकोनीयन सहरीङ कुडीक जना यहूदीको होला राहा। होखुरीकै भर्मीकुङ हुलकी सोटार पावलकी ल्‍हुङ ङापार हीर्‌कडीकी लैडीयार होसे सीया डेयार होखुरीकै आर्‌ढुस्‍चै सहरलकीङ बाहीर आल्‍हार लोम्‍हका।