प्रेरित 13:47 - पुर्वीय मगर

⁴⁷ हीजैडेनाङ प्रभुये कानकी याङ्‍च आज्ञा याम्‍हने, ‘पृथ्‍वीयो अन्‍ट सम्‍म मुक्‍ति टाहाक्‍की डेम ङै नाखुरीककी अन्‍यजातिकुङ लागी काट ज्‍योति छान्‍की चुन्‍डीमने।’”

प्रेरित 13:47 ပူးပေါင်းရင်းမြစ်များ

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मर्कूस 16:15

होटै येशूये होखुरीककी डेया, “पट्‍ट संसाराङ नुङार पट्‍ट भर्मीयो जाट-जाटीकोलाक सेछ समाचार सेटाक्‍नी।

लुका 2:32

अन्‍यजाति भर्मीकोलाक प्रकाशौ लागी ज्‍योति र नाकुङ जाति इस्राएलीकोलाक महीमौ ज्‍योति।”

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

प्रेरित 1:8

टर पवित्र आत्‍मा नाखुरीक लेठाङ रार्‍हखीङ नाखुरीकै शक्‍ति डुप्‍ले। होटै नाखुरीक यरूशलेमाङ, पट्‍ट यहूदियाङ, सामरीयाङ र पृथ्‍वीयुङ अन्‍टीम छेउसम्‍म ङौ साक्षी छान्‍ले।”

प्रेरित 22:21

अनी प्रभुये ङाकी डेया, ‘नुङ्‍ना, हीजैडेनाङ ङा नाङ्‍की अन्‍यजातिको लेठाङ लोस-लोससम्‍म बीर्‌न्‍हकाले।’”

प्रेरित 26:23

होखुरीकै इट डेले, मुक्‍ति याछ ख्रीष्‍टै डुख भोग्‍डीयार सीकी पर्‌ले, होसको सीच लकीङ जीवाच मढ्‍याङ पट्‍ट डेनाङ पहीलो छान्‍चबाटै होसकै लहो जाति र अन्‍यजाति कोलाक ज्‍योतियो घोसना जाट्‍ले।”

प्रेरित 9:15

टर हननीयाकी प्रभुये डेया, “नुङ्‍ना, हीजैडेनाङ अन्‍यजातिको, राजाको र इस्राएलीकुङ मीघ्‍याङ ङौ म्‍यार्‌मीन प्रचार जाट्‍की ङै होसकी न चुन्‍डीमने।