प्रेरित 13:43 - पुर्वीय मगर

⁴³ सभा भ्‍यारखीङ यहूदीको र यहूदी धर्म मन्‍डीच अन्‍यजाति भक्‍टको पावल र बारनाबासकी डुटा। अनी पावल र बारनाबास होखुरीक खाटा ङाक्‍चै परमेश्‍वरौ अनुग्रहाङ सधैँ ङुम-ङुकी डेयार होखुरीक खाटा बिन्‍ती जाटा।

प्रेरित 13:43 ပူးပေါင်းရင်းမြစ်များ

मत्ती 23:15

“धिक्‍कार नाखुरीककी, ए धर्मगुरुको र फरीसीको, नाखुरीक कपटीको! नाखुरीक काट जनाकी लहो धर्माङ राक्‍की संसार भरी पाम व्‍हाले, अनी होसे नाखुरीकुङ धर्माङ राछ पछी होसकी लहाकी डेनाङ डोबर नरकौ भागीडार खास्‍ले।

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 14:3

टर पनी प्रभुओ भरोसाङ साहास जाटार ङाक्‍चै वास्‍टै याक सम्‍म पावल र बारनाबास होला ङुवा। अनी प्रभुये होखुरीकुङ मीहुटीङ चीन्‍हको र अचम्‍मौ कामको जाटाकार लहो अनुग्रहौ बचनौ गबाही याहा।

प्रेरित 16:14

कानुङ कुरा सेचको मढ्‍याङ ठीआटीरा सहरुङ काट जना महङ्‍गो बैजनी रङुङ बढीनको ब्‍यापार जाट्‍च अन्‍यजाति लीडीया डेच यहूदीकुङ परमेश्‍वरकी मन्‍डीच मास्‍टो लेया। होसकी पावलै ङाक्‍च बचन ढ्‍यान याहार सेख्‍यौ डेम प्रभुये होच्‍यौ मीमन खोलीम याहा।

प्रेरित 17:17

होटबाटै पावल यहूदीको र परमेश्‍वर खाटा बीर्‍हीछ अन्‍यजातिको खाटा सभा ङुच इमाङ येशूओ बारेयाङ छलफल जाट्‍नन्‍या। होटजाट्‍न न बजाराङ डुप्‍चकोखाटा र डीनडीनै छलफल जाट्‍नन्‍या।

प्रेरित 17:34

टर कुडीक जना भर्मीको होसे खाटा लग्‍डीसार विश्‍वास जाटा। होखुरीक मढ्‍याङ अरीयोपागस सभुङ डीयनुसीयस डेच भर्मी, डामारीस डेच काट जना मास्‍टो र अरुकै र विश्‍वास जाटा।

प्रेरित 17:4

अनी होला लेचको मढ्‍याङ कुडीक जना यहूदी विश्‍वास जाट्‌चको पावल र सीलास खाटा लक्‍डीसा। इटजाट्‍न बाड्‍को सङ्‍ख्‍याङ परमेश्‍वरौ भक्‍टी जाट्‍च ग्रीकको र कुडीक जना म्‍यार्‌मीन क्‍योस्‍च मास्‍टोको र विश्‍वास जाटार होखुरीक पट्‍टी लग्‍डीसा।

प्रेरित 18:7

होटै पावलै यहूदीकुङ सभा ङुच इम डासार परमेश्‍वरौ भक्‍टी जाट्‍च काट अन्‍यजाति टीटस युस्‍टस डेच भर्मीयो इमाङ नुङा। होच्‍यौ इम होसे सभा ङुच इमौ खेरेप लेया।

प्रेरित 2:10

अनी फ्रिगिया, पामफीलीया, मिश्र र कुरेनीयाङ पर्च लीबीयुङ कुडीक क्षेत्रको र रोमलकीङ राछ,

प्रेरित 28:23

होखुरीकै पावलौ कुरा सेकी डीन टोक्‍डीया। टोक्‍डीच डीनाङ पहीला डेनाङ वास्‍टै यहूदीको भेला छानार पावल लेठाङ राहा। होसनीक पावलै गोराक लकीङ नाबीलाङसम्‍म परमेश्‍वरौ राज्‍यौ बारेयाङ शिक्षा याहा। मोशौ व्‍यवस्‍थाङ र अगमवक्‍ताकै रीक्‍च कुरा लार होचे येशूओ बारेयाङ पाहाक्‍चै होखुरीककी विश्‍वासाङ राक्‍की पा।

प्रेरित 6:5

होटै प्रेरितकुङ इसे कुरा समुहुङ पट्‍ट कोलाक जाक्‍ङ सेया। होखुरीकै पवित्र आत्‍मै र विश्‍वासै न्‍हेप्‍च स्‍तिफनसकी भाका। होटै होखुरीकै फीलीप, प्रखरस, नीकनोर, तीमोन, पर्मिनास र एन्‍टीओखीयुङ पहीला अन्‍यजाति लेच चाहाँ यहूदी धर्म मन्‍डीच नीकोलाउसकी र भाका।

टीटस 2:11

हीजैडेनाङ पट्‍ट न भर्मीकै मुक्‍ति डुप्‍ख्‍यौ डेयार परमेश्‍वरौ अनुग्रह टान्‍हाक्‍ङने।

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।

१ युहन्‍ना 2:28

अब मार्‌जा बालखको, होसको खाटा ङुनी टा की होसकोकी डाङ्‍नाङ कानै हीम्‍मट डुप्‍ले, अनी होसको रान्‍हाङ होसकुङ म्‍याहासाङ कानै काराम सेकी मापार्‌ले।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।