प्रेरित 13:32 - पुर्वीय मगर

³² परमेश्‍वरै कानुङ बोइ-बाज्‍युकोखाटा प्रतिज्ञा जाटा। होटबाटै सेछ-समाचार कान नाखुरीककी सेटाक्‍ले,

प्रेरित 13:32 ပူးပေါင်းရင်းမြစ်များ

लुका 1:19

होटै स्‍वर्गदूतै होसकी डेया, “ङा परमेश्‍वर खाटा ङुच गब्रिएल हो। होसकै न ङाकी नाकोखाटा कुरा जाट्‍की र इसे सेछ समाचार सेटाक्‍की डेम बीर्‌न्‍हकाच हो।

लुका 2:10

होटै स्‍वर्गदूतै होखुरीककी डेया, “माबीर्‍हीनी, हीजैडेनाङ ङा नाखुरीककी बडो आनन्‍दौ सेछ समाचार सेटाक्ले। होसे चहीँ पट्‌ट न भर्मीकुङ लागी छान्‍ले।

प्रेरित 10:36

परमेश्‍वरै येशू ख्रीष्‍ट लकीङ इस्राएलीकोलाक बीर्‌न्‍हकाच शान्‍तियो सेछ समाचार नाखुरीककी थाहा न ले। होसको न पट्‍टकुङ प्रभु हो।

प्रेरित 13:23

इसे भर्मीयो सन्‍टान लकीङ न लहे जाट्‍च प्रतिज्ञा अनुसार परमेश्‍वरै इस्राएलीकुङ लागी काट मुक्‍तिदाता येशूकी बीर्‌न्‍हका।

प्रेरित 13:38

होटबाटै डाजे-भाइको, नाखुरीककी थाहा छान्‍ख्‍यौ, इसे न भर्मी येशूलकीङ पाप-क्षमा छान्‍ले डेच घोसना नाखुरीककी जाट्‍नने।

प्रेरित 14:15

“ए डाजे-भाइको, नाखुरीकै हीजै याङ्‍च काम जाट्‍च? कान र नाखुरीक लेखा न भर्मी मट्‍टै हो। कान नाखुरीककी याङ्‍च व्‍यर्थौ कुराकोलकीङ जीवीत परमेश्‍वर पट्‍टी ल्‍हेसाक्‍की डेम सेछ-समाचार सेटाक्‍ले, कुसे परमेश्‍वरै स्‍वर्ग, पृथ्‍वी, समुद्र र होला लेच पट्‍ट ठोक खासा।

प्रेरित 26:6

परमेश्‍वरै कानुङ बोइ-बाज्‍युकोलाक जाट्‍च प्रतिज्ञाङ भरोसा डाचबाटै ङै छीनी इटजाट्‍न नाखुरीकुङ म्‍याहासाङ ङा टोङ्‍हने।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

प्रेरित 5:42

होटै होखुरीकै डीन-डीनै परमेश्‍वरौ मन्‍दिराङ र इम-इमाङ नुङार येशू मुक्‍ति याछ ख्रीष्‍ट हो डेयार पाहाक्‍की र सेछ समाचार सेटाक्‍की माडासा।