30 टर परमेश्वरै होसकोकी सीच लकीङ जीवाटाका।
होसको इला माले, होसकै डेनाङ लेखा न होसको सीच लकीङ जीवाम सोमने। रान्ही होसकोकी डाच ठाउँ ङोस्नी।
“ङौ बोये ङाकी माया जाट्ले, हीजैडेनाङ ङा ङाल्हौ प्राण याल्हे होटबाटै फेरी ङा इसे फीर्टा लाले।
येशूये होखुरीककी डेया, “इसे परमेश्वरौ मन्दिरकी भट्कडीनी, अनी ङा इसकी फेरी सोम याकाङ खास्न याल्हे।”
टर सोम याकाङ होसकोकी परमेश्वरै सीच लकीङ जीवाटाका र होसकोकी डाङ्की डीन्हा।
कुटजाट्न परमेश्वरै येशूकी सीच लकीङ जीवाकार सोटा। होसे कुरा काल्हा, होखुरीकुङ सन्टानौ लागी पुरा जाट्न याहा, भजनसंग्रह नीसाङ रीक्ङने, ‘नाङ ङौ लेन्जा मीजा हो, छीनी ङै नाङ्की डीनन्हने।’
“अनी परमेश्वरै मुक्ति याछ ख्रीष्टकी अब सेन्र मासीच जाट्न सीच लकीङ जीवाक्ले डेच बारेयाङ चहीँ इट डेमने, ‘ङा नाखुरीककी दाउदखाटा प्रतिज्ञा जाट्च पवित्र र अटल आसीसको याल्हे।’
टर सुकी परमेश्वरै सीच लकीङ जीवाटाका होसकुङ शरीर चहीँ माघेरेला।
हीजैडेनाङ होसकै कायाक टोक्डीम याम्हने, होसनीक होसकै लहे भाक्च काट जना भर्मीलकीङ धार्मिकताङ संसारौ न्याय जाट्ले। होसे न भाक्च भर्मीकी सीच लकीङ जीवाटाकार होसकै पट्ट न भर्मीकोलाक इच्यौ प्रमाण याम्हने।”
“टर होसकोकी परमेश्वरै मृत्युओ कष्ट लकीङ छुटकारा याहार जीबीट खासा। हीजैडेनाङ मृत्युओ अधिनाङ होसको ङुम ङुकी असम्भव लेया।
“अब इसे न येशूकी परमेश्वरै सीच लकीङ जीवाका र इसे कुरौ कान पट्ट जना साक्षी ले।
अब्राहाम, इसहाक र याकुबौ परमेश्वर, कानुङ पुर्खाकुङ परमेश्वरै लहो सेवक येशूकी महीमीत पार्या। नाखुरीकै चहीँ होसे न येशूकी घोवाका र पिलातसै होसकोकी डास्न याछ बीचार जाट्नाङ र नाखुरीक होसकुङ न म्याहासाङ मामन्डीया।
र जीवन याछकी चहीँ नाखुरीकै साटा। टर होसकोकी परमेश्वरै सीच लकीङ जीवाक्ङ ने र इसे कुरौ कान साक्षी ले।
नाखुरीक पट्ट कोलाक लहो दुष्ट कामको लकीङ ल्हेटाकार नाखुरीककी आसीस याखी डेम परमेश्वरै लहो सेवक येशूकी चुन्डीयार नाखुरीक इस्राएलुङ भर्मीको लेठाङ पहीला बीर्न्हकाच हो।”
नाखुरीक पट्टकी र इस्राएलुङ पट्ट न भर्मीकोलाक थाहा छान्ख्यौ की नाखुरीकै क्रूसाङ टङ्गडीच टर परमेश्वरै सीच लकीङ जीवाटाक्च, होसे न नासरतुङ येशू खीरीस्टौ म्यार्मीनाङ इसे भर्मी गेपार नाखुरीकुङ म्याहासाङ टोङ्हने।
