प्रेरित 13:29 - पुर्वीय मगर

²⁹ होसकुङ बारेयाङ धर्मशास्‍त्राङ रीक्‍च पट्‍ट न कुरा होखुरीकै पुरा जाट्‍रखीङ येशूकी होखुरीकै क्रूसीङ झालाकार चीहानाङ ठाका।

प्रेरित 13:29 ပူးပေါင်းရင်းမြစ်များ

मर्कूस 15:42

होसनीक चहीँ तयारीयो डीन डेच म्‍हुङ बाट्‍च डीनौ अगाडीयुङ डीन लेया। अरीमाठीया सहरुङ योसेफै होसनीक न नाबीलाङ पिलातस खाटा माबीर्‍हीम येशूओ लास ङेहा। योसेफ चहीँ माहासभौ मन्‍डीकी पर्च काट जना सडस्‍य लेया। होचे परमेश्‍वरौ राज्‍यकी लेन्‍न ङुमन्‍या।

लुका 23:50

योसेफ म्‍यार्‌मीन लेच काट जना असल र धार्मिक भर्मी लेया। होसे माहासभौ सदस्‍य र लेया।

लुका 23:53

होचे क्रूसीङ होसकुङ लासकी झाङ झालाका र मलमलौ नरम बढीनाङ बेर्‍हीया। होटै बाड्‍को ल्‍हुङ्‍की खोप्‍डीयार खास्‍च चीहानाङ आल्‍हार डा। होसे चीहानाङ पहीला सुओर लास माडामन्‍या।

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

युहन्‍ना 19:28

अब होसकुङ पट्‍ट न काम भ्‍या डेच कुरा येशूये वार्‍हा अनी धर्मशास्‍त्राङ रीक्‍च काट-काट कुरा पुरा अटछानै डेयार होसकै डेया, “ङाकी डी सोन्‍हा!”

युहन्‍ना 19:30

चेक्‍जा सीर्‌का गार येशूये डेया, “अब ङौ काम भ्‍या!” होटै होसकै मीटालु गुहाकार लहो प्राण डासा।

प्रेरित 13:27

हीजैडेनाङ यरूशलेमुङ बासीन्‍डाको र होखुरीकुङ शासककै येशू न मसीह हो डेयार माचीन्‍डीया। हरेक म्‍हुङ बाट्‍च डीनाङ परेस्‍च अगमवक्‍ताकुङ बचनको र माबुझडीसा। होटबाटै होसकोकी मृत्‍युदण्‍डओ आज्ञा याहा र होसकुङ बारेयाङ रीक्‍च बचन पुरा छाना।

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 26:22

टर छीनीयुङ डीन सम्‍म ङै परमेश्‍वर लकीङ न सहायटा डुप्‍म ङुमने। होटबाटै ङा इला लेच बाड्‍को र मार्‌जा पट्‌ट कोलाक गबाही याछै टोङ्‍हने। ङै अगमवक्‍ताकै र मोशै डेच न्‍हुइङ छान्‍च कुराको मट्‍टै ङाक्‍ने।

प्रेरित 4:28

होखुरीक पट्‍टये नाकुङ शक्‍ति र योजना अनुसार अघीलकीङ न निश्‍चित जाट्‍च अनुसार पट्‍ट न काम जाटा।

प्रेरित 5:30

कानुङ बोइ-बाज्‍युकुङ परमेश्‍वरै येशूकी सीच लकीङ जीवाका, होसकोकी नाखुरीकै क्रूसाङ टङ्‍गडीयार साट्‍नन्‍या।