प्रेरित 13:23 - पुर्वीय मगर

²³ इसे भर्मीयो सन्‍टान लकीङ न लहे जाट्‍च प्रतिज्ञा अनुसार परमेश्‍वरै इस्राएलीकुङ लागी काट मुक्‍तिदाता येशूकी बीर्‌न्‍हका।

प्रेरित 13:23 ပူးပေါင်းရင်းမြစ်များ

मत्ती 1:1

अब्राहाम र दाउदौ मीजा, येशू ख्रीष्‍टौ वंशावली:

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 21:9

येशूओ अगाडी र पछाडी व्‍हाच पट्‍ट न भर्मीकै इट डेचै जय जयकार जाट्‍की ठाला, “दाउदौ मीजाकी होसन्‍ना! परमप्रभुओ म्‍यार्‌मीनाङ राछ कुडीक आसीसीट ले! पट्‍ट डेनाङ ढेनाम स्‍वर्गाङ होसन्‍ना!”

मत्ती 22:42

“मुक्‍ति याछ ख्रीष्‍टौ बारेयाङ नाखुरीकै ही विचार जाट्‍नने? होसको सुओ मीजा हो?” होखुरीकै डेया, “होसको च दाउदौ मीजा हो।”

लुका 1:69

होसकै कानुङ लागी लहो सेवक दाउदौ बङ्‌साङ काट शक्‍तिशाली मुक्‍तिदाता खडा जाट्‍नने।

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 7:42

मुक्‍ति याछ ख्रीष्‍ट च राजा दाउदौ सन्‍टान लकीङ र दाउदौ न लाङ्‍घा बेथलेहेमलकीङ राल्‍हे डेयार ही धर्मशास्‍त्राङ मारीक्‍ने र?”

प्रेरित 13:32

परमेश्‍वरै कानुङ बोइ-बाज्‍युकोखाटा प्रतिज्ञा जाटा। होटबाटै सेछ-समाचार कान नाखुरीककी सेटाक्‍ले,

प्रेरित 2:30

टर दाउद काट अगमवक्‍ता लेचबाटै र होचे वार्‌न्‍हन्‍या की परमेश्‍वरै प्रतिज्ञा जाट्च र होच्‍यौ न सन्‍टान लकीङ होसकी लेखान सिंहासनाङ काट जनाकी परमेश्‍वरै डाले।

प्रेरित 3:26

नाखुरीक पट्‌ट कोलाक लहो दुष्‍ट कामको लकीङ ल्‍हेटाकार नाखुरीककी आसीस याखी डेम परमेश्‍वरै लहो सेवक येशूकी चुन्‍डीयार नाखुरीक इस्राएलुङ भर्मीको लेठाङ पहीला बीर्‌न्‍हकाच हो।”

प्रेरित 4:12

“अरु सु लेठाङ र मुक्‍ति माले हीजैडेनाङ संसाराङ कुसेर म्‍यार्‌मीन माय्‍हामने होसे म्‍यार्‌मीनै चहीँ काल्‍हाकी जीवाक्‍की य्‍होक्‍ले।”

टीटस 1:4

काट न विश्‍वासाङ लेच ङाल्‍हौ न लेन्‍जा मीजा ल्‍याक्‍च तीतस नाकोकी इसे चीठी रीक्‍ङन ले। परमेश्‍वर बोइ र कानकी मुक्‍ति याछ ख्रीष्‍ट येशूलकीङ अनुग्रह र शान्‍ति।

२ पट्‍रुस 1:1

येशू ख्रीष्‍टौ सेबक र प्रेरित ङा सीमोन पत्रुस लकीङ काल्‍हौ परमेश्‍वर र येशू ख्रीष्‍टौ धार्मिकतालकीङ काल्‍हा खाटा लेच ल्‍याक्‍च न बहुमुल्‍य विश्‍वास डुप्‍चकोलाक:

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!

२ पट्‍रुस 3:2

वास्‍टै वर्ष अगाडी पवित्र अगमवक्‍ताकै ङाक्‍च कुरा र प्रेरितकै डेच कानुङ प्रभुओ आज्ञा र होसकै मुक्‍ति याछ कुराकी आर्‌मीट्‍न ङुनी डेच मीमन जाट्‍ले।

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।

यहुडा 1:25

काल्‍हौ प्रभु येशू ख्रीष्‍टाङ काल्‍हाकी मुक्‍ति याछ काट मट्‍टै परमेश्‍वरकी पट्‍ट न महीमा, सम्‍मान, शक्‍ति, अधिकार सुरुलकीङ याहा र अन्‍टीम सम्‍म न सधैँभरी छान्‍न ङुख्‍यौ! आमेन।