प्रेरित 13:14 - पुर्वीय मगर

¹⁴ टर पावल र बारनाबास चहीँ पर्‌गा लकीङ ख्‍योव्‍हार पीसीडीयुङ एन्‍टीओखीयाङ नुङा र होखुरीक म्‍हुङ बाट्‍च डीननीक सभा ङुच-इम भीत्री नुङार ङुवा।

प्रेरित 13:14 ပူးပေါင်းရင်းမြစ်များ

लुका 4:16

येशू मेखोल्‍हा होर्‌च सहर नासरताङ टाराहा, सढैँ लेखा न होसको म्‍हुङ बाट्‍च नीक शिक्षा याछ इमाङ नुङा र धर्मशास्‍त्र परेस्‍की डेम सोवा।

प्रेरित 13:42

पावल र बारनाबास सभाङुच इमीङ ख्‍योव्‍हार नुङ्‍च बेलाङ भर्मीकै “अर्‌को म्‍हुङ बाट्‍चनीक र इसे न कुरौ बारेयाङ सेटाक्‍ङ याख्‍यौ, डेयार होखुरीककी बिन्‍ती जाटा।”

प्रेरित 13:44

अर्‌को म्‍हुङ बाट्‍च डीनाङ वास्‍टै जसो न सहरुङ भर्मीको प्रभुओ बचन सेकी डेम उल्‍टडीसार राहा।

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 13:5

सलामीसाङ टार्‍हारखीङ होखुरीकै यहूदीकुङ सभा ङुच इमकोवाङ नुङार परमेश्‍वरौ बचन सेटाका। होखुरीककी सहायटा जाट्‍की युहन्‍ना डेच मर्कूस र होखुरीक खाटा न लेया।

प्रेरित 14:19

होटै न्‍हुइङ एन्‍टीओखीया र आइकोनीयन सहरीङ कुडीक जना यहूदीको होला राहा। होखुरीकै भर्मीकुङ हुलकी सोटार पावलकी ल्‍हुङ ङापार हीर्‌कडीकी लैडीयार होसे सीया डेयार होखुरीकै आर्‌ढुस्‍चै सहरलकीङ बाहीर आल्‍हार लोम्‍हका।

प्रेरित 16:13

म्‍हुङ बाट्‍च डीनाङ कान सहरौ गालाम बाहीर नदियो छेवाङ नुङा, हीजैडेनाङ होला यहूदीकुङ प्रार्थना जाट्‍च ठाउँ ले औँला डेम कानै अनुमान जाट्‍नन्‍या। अनी कान होला ङुवा र होला जम्‍मा छान्‍च मास्‍टोकोखाटा कान ङाक्‍की ठाला।

प्रेरित 17:2

अनी पावल सधैँ लेखा न होसे सभा ङुच इम भीत्री नुङा। सोम हप्‍तासम्‍म धर्मशास्‍त्रओ कुरा लकीङ होखुरीक खाटा बहस जाट्‍की ङुवा।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 19:8

पावल सभा ङुच इमाङ नुङार सोम महीनासम्‍म परमेश्‍वरौ राज्‍यौ बारेयाङ होखुरीक खाटा साहास जाटार बहस जाट्‍चै भर्मीकोलाक बुझडीम याखी पा।

प्रेरित 9:20

तुरुन्‍तै होचे सभा ङुच इमकोवाङ नुङार “येशू न परमेश्‍वरौ मीजा हो” डेम प्रचार जाट्‌की ठाला।

२ टीमोठी 3:11

एन्‍टीओखीया, आइकोनीयन र लुस्‍त्राङ ङै भोग्‍डीच डुःख नाकै सेम्‍हजा बुझडीस्‍नने। टर प्रभुये न ङाकी होसे पट्‍ट न आपटको लकीङ जीवाटाका।