प्रेरित 13:12 - पुर्वीय मगर

¹² होसे बडा-हाकीमै इसे घटना छान्‍च डाङार विश्‍वास जाटा हीजैडेनाङ प्रभुओ शिक्षाओ बारेयाङ होचे अचम्‍म मन्‍डीया।

प्रेरित 13:12 ပူးပေါင်းရင်းမြစ်များ

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

लुका 4:22

पट्‍ट न भर्मीकै येशूओ प्रशंसा जाटा। होसकै डेच कुरा सेयार होखुरीक छक्‍क पर्‌चै मेखुरीक-मेखुरीक न कुरा जाट्‍चै इट डेया, “होसको च योसेफौ मीजा होइन र?”

लुका 7:16

होला पट्‍ट भर्मीको बीर्‍हीया र परमेश्‍वरौ महीमा जाटा र डेया, “काट जना कर्‍हाङ्‍छ अगमवक्‍ता कानुङ मीघ्‍याङ डाङ्‌नने र परमेश्‍वरै लहो भर्मीकोलाक जीवाक्‍की डेम राछ हो।”

युहन्‍ना 7:46

सीपाहीकै जवाफ याहा, “होसे भर्मीये ङाक्‍च लेखा च कानै चाहाँसम्‍म सुयेर ङाक्‍च मासेमने।”

प्रेरित 13:48

इसे कुरा सेयार अन्‍यजातिको मार्‍हाङ्‍छै प्रभुओ बचनौ प्रशंसा जाटा र सेन्‍र मासीच जीवनौ लागी चुन्‍डीचको जटीये बचनकी विश्‍वास जाटा।

प्रेरित 13:49

प्रभुओ बचन पट्‍ट क्षेत्रलाक फैलडीसा।

प्रेरित 13:7

होसे जादूगर साइप्रस टापुवाङ बडा-हाकीम सर्‌गीयस पौलुसौ खेरेपुङ भर्मी हो। सर्‌गीयस पौलुस चहीँ बुद्धि लेच भर्मी लेया। हीजैडेनाङ होचे परमेश्‍वरौ बचन सेकी मीमन जाट्‍न्‍या होटबाटै होचे साउल र बारनाबासकी आर्‌घा।

प्रेरित 13:8

टर बार-येशू होच्‍यौ अर्‌को म्‍यार्‌मीन एलुमासै (ग्रीक भासाङ होसे एलुमास म्‍यार्‌मीनौ अर्थ जादूगर हो) सर्‌गीयस पौलसकी विश्‍वासलकीङ ल्‍हेटाक्‍की पा र होखुरीककी बाढा जाटा।

प्रेरित 15:35

पावल र बारनाबास एन्‍टीओखीयाङ न ङुवा। होखुरीक र अरुकै होला ङुठर प्रभुओ शिक्षा पाहाका र सेछ समाचार प्रचार जाटा।

प्रेरित 15:36

हीर समय न्‍हुइङ पावलै बारनाबासकी डेया, “अब कान नुइङ, कुसे-कुसे सहराङ कानै प्रभुओ बचन प्रचार जाट्‍न्‍या। होसे सहरकोवाङ ल्‍हेस्‍न नुङ्‌ङ विश्‍वासी डाजे-भाइकोलाक डुपीङ र होखुरीक कोङ्‌च ले ङोसीङ।”

प्रेरित 18:12

जब गलीयोन डेच अखैयुङ शासक छाना, टब यहूदीको काट छानार पावलकी घोवार अदालताङ आल्‍हार

प्रेरित 19:10

इसे काम नीस वर्ष सम्‍म छान्‍न न ङुवा होटबाटै एसीयाङ ङुच पट्‍ट न भर्मीकै यहूदी र ग्रीक नीसै न प्रभुओ बचन सेया।

प्रेरित 19:20

होटै इटजाट्‍न न प्रभुओ बचन शक्‍ति साली रुपाङ फैलडीस्‍चै नुङा।

प्रेरित 19:38

इडीक डेमेटीरीयस र होच्‍यौ कारीगरको खाटा होखुरीकुङ विरुद्धाङ हीर कुराको ले डेनाङ अदालताङ नुङार उजुर जाट्‍की य्‍होक्‍ले।

प्रेरित 19:7

होखुरीक जम्‍मा बार्‍ह जना लेया।

प्रेरित 28:7

होसे ठाँउलकीङ होसे टापुङ मुखीया पब्‍लीयसौ इम बारीको खेरेप न लेया। पब्‍लीयसै कानकी लहो इमाङ आल्‍हार स्‍वागट जाटा। कान सोम डीन सम्‍म आसकुङ न इमाङ पाहुना छानार ङुवा।

प्रेरित 6:10

टर पवित्र आत्‍मै स्‍तिफनसकी बुद्धियो आत्‍मा याहा, होसे ङाक्‍नाङ सुयेर होसकी जुकी माय्‍होका।

प्रेरित 8:25

पत्रुस र युहन्‍नै लहो गबाही याहा र प्रभुओ बचन सेटाक्‍ङ भ्‍याच न्‍हुइङ होखुरीक सामारीकुङ वास्‍टै लाङ्‍घाङ नुङार सेछ समचार प्रचार जाट्‍चै होखुरीक यरूशलेमाङ ल्‍हेसा।