प्रेरित 12:5 - पुर्वीय मगर

⁵ इटजाट्‍न पत्रुसकी झ्‍यालखानाङ का टर होच्‍यौ लागी मण्‍डलीये परमेश्‍वर खाटा लगाटार प्रार्थना जाट्‍न ङुमन्‍या।

प्रेरित 12:5 ပူးပေါင်းရင်းမြစ်များ

मत्ती 18:19

फेरी ङा नाखुरीककी डेले, पृथ्‍वीयाङ नाखुरीक मध्‍याङ नीस जनै कुसेर कुराङ खाटार हीर कुरा ङेहा डेनाङ, स्‍वर्गाङ लेच ङौ परमेश्‍वर बोये नाखुरीकुङ लागी होसे याल्‍हे।

लुका 18:1

होटै न्‍हुइङ येशूये चेलाकोलाक “सढैँ न प्रार्थना जाट्‍की पर्‌ले र नीरास छान्‍की माछान्‍ने” डेयार बुझडीकी होसकै होखुरीककी काट उखान डेया,

प्रेरित 12:12

पत्रुसकी इसे कुरा थाहा छान्‍च पछी, होसे मर्कूस डेच युहन्‍नौ मोइ मरीयमौ इमाङ नुङा। होला वास्‍टै विश्‍वासीको जम्‍मा छानार प्रार्थना जाट्‍न न लेया।

प्रेरित 12:4

होटै हेरोदै पत्रुसकी घोरखीङ झ्‍यालखानाङ का र छुट्कारौ चाड न्‍हुइङ मट्‍टै होसकी न्‍यायौ लागी भर्मीकुङ अगाडी राक्‍च बीचार जाटार होसकी रुङ्‍की डेम बुली टोलीयुङ बुली सीपाहीकोलाक जीम्‍मा याहा।

प्रेरित 12:6

हेरोदै पत्रुसकी न्‍यायौ लागी भर्मीकुङ म्‍याहासाङ बाहीर राक्‍की पर्च डीनौ अगाडीयुङ नाबीक पत्रुस नीस जना सीपाहीकुङ मीघ्‍याङ मीस्‍न ङुमन्‍या। होसकी नीस साङ्‍लै छ्‍याक्‍नन्‍या र सीपाहीको र झ्‍यालखानौ गालाम अगाडी टोङ्‍हार रुङ्‍ङङुमन्‍या।

१ ठेसलोनीकी 5:17

सधैँभरी प्रार्थना जाट्‍न ङुनी।

याकुब 5:16

होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।