प्रेरित 12:4 - पुर्वीय मगर

⁴ होटै हेरोदै पत्रुसकी घोरखीङ झ्‍यालखानाङ का र छुट्कारौ चाड न्‍हुइङ मट्‍टै होसकी न्‍यायौ लागी भर्मीकुङ अगाडी राक्‍च बीचार जाटार होसकी रुङ्‍की डेम बुली टोलीयुङ बुली सीपाहीकोलाक जीम्‍मा याहा।

प्रेरित 12:4 ပူးပေါင်းရင်းမြစ်များ

मत्ती 24:9

“टब होडीक बेला भर्मीकै नाखुरीककी कष्‍टौ लागी घोवार आल्‍हे र साट्‍ले। अनी ङाकी विश्‍वास जाट्‍च बाटै पट्‍ट न जाटीयुङ भर्मीकै नाखुरीककी झीर्‌ले।

मत्ती 26:5

टर होखुरीकै डेया, “चाडौ बेलाङ चहीँ इट माजाटीङ। नभा च भर्मीकुङ मीघ्‍याङ बाड्‍को खैलाबैला छान्‍ले।”

मर्कूस 14:1

अब नीसयाक न्‍हुइङ छुट्कारौ चाड र अखमीरी रोटोओ चाड लेया। मुख्‍य पुजाहारीको र धर्मगुरुकै कुट जाट्‍न येशूकी सुटुक्‍कै घोवार साटीङ डेम डाउ ङोस्‍न न लेया।

लुका 21:12

“टर इसे पट्‍ट कुराको छान्‍की डेनाङ अगाडी भर्मीकै नाखुरीककी ङाकी विश्‍वास जाट्‍च बाटै घोले, सटडीयार होटै यहूदीकुङ सभा ङुच इमाङ जीम्‍मा याल्‍हे। झ्‍यालखानाङ आल्‍हार ठुन्‍ले। नाखुरीककी होखुरीकै राजा र शासककुङ अगाडी आल्‍हे।

लुका 22:33

होटै पत्रुसै होसकोकी डेया, “प्रभु, ङा नाकोखाटा झ्‍यालखानाङ नुङ्‍की अनी सीकी समेट टयार ले।”

युहन्‍ना 19:23

सीपाहीकै येशूकी क्रूसाङ टङ्‍गडीम भ्‍याच न्‍हुइङ होखुरीकै होसकुङ बढीन लार बुली भाग खासार मेखुरीक-मेखुरीक पुङा। होसकुङ भीत्री बील्‍छ चहीँ सीउनी मालेच ढेनाम लकीङ म्‍हाका सम्‍म न जाछ काट न लेया।

युहन्‍ना 21:18

साँच्‍ची न ङा नाङ्‍की डेले, नाङ रेन्‍जा लेनाङ लहो पटुका लहे न छ्‍याक्न्‍या र कुला नुङ्‍की मीमन सेया, होला नुङ्‍न्‍या। टर बुढा छान्‍च पछी नीये लहो मीहुट पसारीले अनी अरुये नुओ पटुका छ्‍याक्‍ङ याल्‍हे र नाङ्‍की कुला नुङ्‍की मीमन माले होला न आल्‍ल्‍हे।”

प्रेरित 12:3

याकुबकी साट्‍रखीङ यहूदीको मार्‍हाङ्‍छ डाङार हेरोदै पत्रुसकी र घोवा। इसे घटना अखमीरी रोटोओ चाडौ बेलाङ छानन्‍या।

प्रेरित 12:5

इटजाट्‍न पत्रुसकी झ्‍यालखानाङ का टर होच्‍यौ लागी मण्‍डलीये परमेश्‍वर खाटा लगाटार प्रार्थना जाट्‍न ङुमन्‍या।

प्रेरित 4:28

होखुरीक पट्‍टये नाकुङ शक्‍ति र योजना अनुसार अघीलकीङ न निश्‍चित जाट्‍च अनुसार पट्‍ट न काम जाटा।

प्रेरित 4:3

होखुरीकै पत्रुस र युहन्‍नाकी घोवा। होटै पीउर्‍हाक गोराक सम्‍म ठुनार डा, हीजैडेनाङ होडीक बेला छुम्‍ह भ्‍यामन्‍या।

प्रेरित 5:18

अनी होखुरीकै प्रेरितकोलाक घोवार झ्‍यालानाङ का।

प्रेरित 8:3

टर साउलै चहीँ मण्‍डलीकी नास जाट्‍की डेम इम-इमाङ पर्‌यार विश्‍वासी पट्‍ट न लेन्‍जा भर्मी र मास्‍टो भर्मीकोलाक आर्‌ढुस्‍चै आल्‍हार झ्‍यालखानाङ कामयाम्‍ह्‍न्‍या।