प्रेरित 11:27 - पुर्वीय मगर

²⁷ होडीक बेला कुडीक जना अगमवक्‍ताको यरूशलेमलकीङ एन्‍टीओखीयाङ राहा।

प्रेरित 11:27 ပူးပေါင်းရင်းမြစ်များ

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

लुका 11:49

होटजाट्‍न पट्‍ट कुरा वार्‌छ परमेश्‍वरै खायाक लकीङ न डेमने, ‘ङा होखुरीक लेठाङ अगमवक्‍ता र प्रेरितकोलाक बीर्‌न्‍हकाले। टर होखुरीकै कुडीककी साट्‍ले र कुडीककी डुख याल्‍हे।’

प्रेरित 11:20

टर होखुरीक कुडीक जना चहीँ साइप्रस र कुरेनीयुङ विश्‍वासीको लेया र होखुरीक एन्‍टीओखीयाङ नुङार अन्‍यजातिकोलाक र प्रभु येशूओ बारेयाङ सेटाका।

प्रेरित 11:22

इसे खबर यरूशलेमाङ लेच मण्‍डलीयुङ भर्मीकै सेया। होटै होखुरीकै बारनाबासकी एन्‍टीओखीयाङ बीर्‌न्‍हका।

प्रेरित 13:1

एन्‍टीओखीया सहरुङ मण्‍डलीयाङ अगमवक्‍ताको र शिक्षा याछ भर्मीको लेया। होखुरीक बारनाबास, काला डेच सीमीयोन, कुरेनीयुङ लुकीयस, राजा हेरोद खाटा होर्‌च मनेन र साउल लेया।

प्रेरित 14:26

होटै होखुरीक जहाजाङ काल्‍हार एन्‍टीओखीयुङ सीरीयाङ नुङा, होला होखुरीकै चाहाँ पुरा जाट्‍च कामौ लागी परमेश्‍वरौ अनुग्रहाङ होखुरीककी अर्‌पन जाट्‍नन्‍या।

प्रेरित 15:22

प्रेरितको, अगुवाको र मण्‍डलीयुङ पट्‍ट न खाटार होखुरीक मढ्‍य लकीङ भर्मीको भाकार पावल र बारनाबासखाटा एन्‍टीओखीयाङ बीर्‌न्‍हकाकी मीमन जाटा। होखुरीक मढ्‍याङ नीस जना मुख्‍य भर्मीको, यहूदा डेच बारसाबास र सीलासकी चुन्‍डीया।

प्रेरित 15:30

बिदा यार्‍हखीङ होखुरीक एन्‍टीओखीयाङ टाराहा र मण्‍डलीयुङ पट्‍ट न भर्मीकोलाक भेला जाटार चीठी याहा।

प्रेरित 15:32

यहूदा र सीलास मेखुरीक र अगमवक्‍ता लेचबाटै डाजे-भाइकोलाक वास्‍टै कुरा बचन लकीङ पाहाक्‍चै होखुरीककी विश्‍वासाङ बलीयो खासा।

प्रेरित 18:22

जब पावल कैसरीयाङ टाहा टब यरूशलेमुङ मण्‍डलीयुङ विश्‍वासीकोखाटा डुप्‍की डेम ढेम्‍लाक काल्‍हा र डुपार होसे एन्‍टीओखीया पट्‍टी झाला।

प्रेरित 2:17

परमेश्‍वर डेले, ‘अन्‍टीम डीनकोवाङ याङ्‍च छान्‍ले, ङा पट्‍ट भर्मीको मीटाक ङौ आत्‍मा व्‍हाक्‍ङ याल्‍हे अनी नाखुरीकुङ लेन्‍जा मीजाको र मास्‍टो मीजाकै अगमवाणी ङाक्‍ले रेन्‍जा मीजाकै दर्शन डाङ्‍ले र बुढा पाकाकै चहीँ माङ्‍नामाङ दर्शन डाङ्‍ले।

प्रेरित 21:4

होटै कान होला ङुच विश्‍वासीकोलाक डुप्‍की नुङा र होखुरीक खाटा होला काट हप्‍ता सम्‍म ङुवा। अनी पवित्र आत्‍मा लकीङ अगुवाइ छानार होखुरीकै पावलकी यरूशलेमाङ मानुङ्‍की डेया।

प्रेरित 21:9

होच्‍यौ बुली जना अगमवाणी ङाक्‍च मास्‍टो मीजाको लेया र होखुरीक बीहा माजाट्‍न न ङुमन्‍या।

प्रेरित 6:5

होटै प्रेरितकुङ इसे कुरा समुहुङ पट्‍ट कोलाक जाक्‍ङ सेया। होखुरीकै पवित्र आत्‍मै र विश्‍वासै न्‍हेप्‍च स्‍तिफनसकी भाका। होटै होखुरीकै फीलीप, प्रखरस, नीकनोर, तीमोन, पर्मिनास र एन्‍टीओखीयुङ पहीला अन्‍यजाति लेच चाहाँ यहूदी धर्म मन्‍डीच नीकोलाउसकी र भाका।