प्रेरित 11:24 - पुर्वीय मगर

²⁴ बारनाबास पवित्र आत्‍मा र विश्‍वासै न्‍हेप्‍च असल भर्मी लेया। होचे जाट्‍न वास्‍टै भर्मीकै प्रभुकी विश्‍वास जाटा।

प्रेरित 11:24 ပူးပေါင်းရင်းမြစ်များ

मत्ती 12:35

सेछ भर्मीये मेल्‍हा भीत्री जम्‍मा छानार ङुच सेछ कुराको बाहीर छ्‍युक्‍ले, टर दुष्‍ट भर्मीये लहा भीत्री जम्‍मा छानार ङुच दुष्‍ट कुराको न बाहीर छ्‍युक्‍ले।

मत्ती 19:17

येशूये होसकी डेया, “सेछ ही हो होसे विषयाङ नाको ङाकी हीजै गीन्‍ले? असल च काट जना मट्‍टै ले। टर नाको सेन्‍र मासीच जीवन डुप्‍च मीमन जाट्‍ले डेनाङ, आज्ञाको पालना जाट्‍नी।”

लुका 23:50

योसेफ म्‍यार्‌मीन लेच काट जना असल र धार्मिक भर्मी लेया। होसे माहासभौ सदस्‍य र लेया।

युहन्‍ना 7:12

भीडाङ वास्‍टै भर्मीकै येशूओ बारेयाङ कुरा जाट्‍की ठाला। कुडीकै डेमन्‍या, “होसे भर्मी सेछ ले।” टर अरुकै डेमन्‍या, “होइन, होचे च भर्मीकोलाक भरमाङ पार्‌न न ले।”

प्रेरित 11:21

होखुरीक खाटा प्रभुओ शक्‍ति लेचबाटै वास्‍टै भर्मीकै विश्‍वास जाटा र बाड्‍को सङ्‍ख्‍याङ प्रभुपट्‍टी ल्‍हेसा।

प्रेरित 2:4

होखुरीक पट्‍ट जना पवित्र आत्‍मै न्‍हेपा र पवित्र आत्‍मै याछ बोली अनुसार होखुरीक अन्‍य भासाकोवाङ ङाक्‍की ठाला।

प्रेरित 2:47

होखुरीकै सधैँ परमेश्‍वरौ प्रशंसा जाट्न्‍या र अरु भर्मीकै र होखुरीककी जाक्‍ङन्‍या। उड्‍डार डुप्‍चकोलाक प्रभुये डीन-डीनै होखुरीकुङ सङ्‍ख्‍याङ ठप्‍डीम याम्‍हनन्‍या।

प्रेरित 24:16

होटबाटै परमेश्‍वर र भर्मी पट्‍टी ङा सधैँ शुद्ध बीबेक डाच कोसीस जाट्‍ले।

प्रेरित 5:14

अनी प्रभुकी विश्‍वास जाट्‍चै लेन्‍जा मास्‍टोकुङ भीड होखुरीकुङ समुहाङ ठप्‍डीस्‍की ठाला।

प्रेरित 6:3

होटबाटै भाइको, नाखुरीक लकीङ पवित्र आत्‍मा र बुद्धिये न्‍हेप्‍च र पट्‍ट लकीङ आदर डुप्‍च साट जना लेन्‍जा भर्मी भाक्‍नी अनी होखुरीककी न कानै इसे कामौ जीम्‍मा येहीङ।

प्रेरित 6:5

होटै प्रेरितकुङ इसे कुरा समुहुङ पट्‍ट कोलाक जाक्‍ङ सेया। होखुरीकै पवित्र आत्‍मै र विश्‍वासै न्‍हेप्‍च स्‍तिफनसकी भाका। होटै होखुरीकै फीलीप, प्रखरस, नीकनोर, तीमोन, पर्मिनास र एन्‍टीओखीयुङ पहीला अन्‍यजाति लेच चाहाँ यहूदी धर्म मन्‍डीच नीकोलाउसकी र भाका।

प्रेरित 6:8

स्‍तिफनसै परमेश्‍वरौ अनुग्रह र शक्‍तिये न्‍हेपार भर्मीकुङ मीघ्‍याङ चीन्‍हको र बा-बाड्‍सो अचम्‍मौ कामको जाटा।

प्रेरित 9:31

यहूदिया, गालील र सामरीयुङ पट्‍ट न मण्‍डलीकोवाङ शान्‍ति छानार मण्‍डलीको बलीयो छाना। होखुरीक प्रभुखाटा बीर्‍हीमन्‍या र होखुरीककी पवित्र आत्‍मै उत्‍साह याहा होटबाटै मण्‍डलीयाङ भर्मीको ठप्‍डीस्‍चै नुङा।