प्रेरित 11:23 - पुर्वीय मगर

²³ होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

प्रेरित 11:23 ပူးပေါင်းရင်းမြစ်များ

मत्ती 16:24

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यौ र लोहो क्रूस सोटार ङाकी डुट्‍ख्‍यौ।

मर्कूस 2:5

अनी येशूये होखुरीकुङ विश्‍वास डाङार होसे पक्षाघातीकी डेया, “ए मीजा, नाकुङ पापको क्षमा छाना।”

युहन्‍ना 15:4

ङाखाटा ङुनी, र ङा नाखुरीकखाटा ङुले। कुटजाट्‍न हाँगाकै म्‍यार्‌टुङ खाटा माङुवा डेनाङ होखुरीक लहे न मीस्‍या स्‍याटाक्‍की माय्‍होक्‍ले, होटजाट्‍न न ङाखाटा माङुवा डेनाङ नाखुरीकै र मीस्‍या स्‍याटाक्‍की माय्‍होक्‍ले।

प्रेरित 13:43

सभा भ्‍यारखीङ यहूदीको र यहूदी धर्म मन्‍डीच अन्‍यजाति भक्‍टको पावल र बारनाबासकी डुटा। अनी पावल र बारनाबास होखुरीक खाटा ङाक्‍चै परमेश्‍वरौ अनुग्रहाङ सधैँ ङुम-ङुकी डेयार होखुरीक खाटा बिन्‍ती जाटा।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 14:26

होटै होखुरीक जहाजाङ काल्‍हार एन्‍टीओखीयुङ सीरीयाङ नुङा, होला होखुरीकै चाहाँ पुरा जाट्‍च कामौ लागी परमेश्‍वरौ अनुग्रहाङ होखुरीककी अर्‌पन जाट्‍नन्‍या।

प्रेरित 15:40

होटै पावलै सीलासकी रोजडीया र विश्‍वासी डाजे-भाइकै आसीस ङेम्‍ह यारखीङ होखुरीक बिदा छानार नुङा।

प्रेरित 20:24

टर ङा ङाल्‍हौ जीवनकी हीर मोलौ र लहो लागी प्रिय माठान्‍डीले। इडीक मट्‍टै ङा मीमन जाट्‍ले, की प्रभु येशूलकीङ डुप्‍च सेवकाइ ङा पुरा जाट्‍की य्‍होकीङ। होसे चहीँ परमेश्‍वरौ अनुग्रहौ सेछ समचार टाहाक्‍की हो।

प्रेरित 20:32

“अब ङा नाखुरीककी परमेश्‍वराङ र होसकुङ अनुग्रहौ बचनाङ जीम्‍मा याल्‍हे, होचे नाखुरीककी विश्‍वासाङ बलीयो खास्‍की य्‍होक्‍ले र पवित्र जाट्‍च पट्‍टकुङ मीघ्‍याङ हकडार खास्‍ले।

प्रेरित 4:36

साइप्रस देशुङ लेवी कुलुङ योसेफ डेच भर्मी लेया। होसकी प्रेरितकै बारनाबास डेयार म्‍यार्‌मीन डामन्‍या (होच्‍यो अर्थ चहीँ उत्‍साह याछ भर्मी हो)।

२ टीमोठी 3:10

टर नाकै चहीँ ङौ शिक्षा, ङौ चालचलन, ङौ जीवनौ लक्ष्‍य, ङौ विश्‍वास, ङौ धैर्यता, ङौ प्रेम, ङौ सहनसीलटा डाङ्‍ने।

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।

१ युहन्‍ना 2:28

अब मार्‌जा बालखको, होसको खाटा ङुनी टा की होसकोकी डाङ्‍नाङ कानै हीम्‍मट डुप्‍ले, अनी होसको रान्‍हाङ होसकुङ म्‍याहासाङ कानै काराम सेकी मापार्‌ले।

३ युहन्‍ना 1:4

लहो मीजाको सत्‍यताङ व्‍हामने डेच कुरा सेकी डीन्‍खी डेनाङ अरु बाड्‍को आनन्‍द ङौ लागी ही छान्‍की य्‍होक्‍ले र?

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।