प्रेरित 11:16 - पुर्वीय मगर

¹⁶ टब प्रभुये डेच होसे बचन ङै आर्‌मीटा, ‘युहन्‍नै च डीये बप्‍तिस्‍मा याहा टर नाखुरीकुङ चहीँ पवित्र आत्‍माङ बप्‍तिस्‍मा छान्‍ले।’

प्रेरित 11:16 ပူးပေါင်းရင်းမြစ်များ

मत्ती 3:11

“नाखुरीकै लहो पापको डासार परमेश्‍वर पट्‌टी ल्‍हेसा डेच कुरा टान्‍हाकीयो लागी ङा चहीँ नाखुरीककी डीयो बप्‍तिस्‍मा याल्‍हे, टर ङा डेनाङ न्‍हुइङ राछ काट जना ले, होसको ङा डेनाङ शक्‍तिशाली ले, होसकुङ जुत्ता बुच योग्‍यौ र ङा माले। होसकै नाखुरीककी पवित्र आत्‍मा र म्‍हेये बप्‍तिस्‍मा याल्‍हे।

मत्ती 3:6

होटै लाहा-लहो पापको स्‍वीकार जाट्‍चै यर्दन नदियाङ युहन्‍ना लकीङ बप्‍तिस्‍मा ला।

मर्कूस 1:8

ङै च नाखुरीककी डीये बप्‍तिस्‍मा याम्‍हन ले, टर होसकै चहीँ नाखुरीककी पवित्र आत्‍मै बप्‍तिस्‍मा याल्‍हे।”

लुका 24:8

होडीक बेला मट्‍टै होखुरीकै येशूये डेच बचन आर्‌मीटा।

लुका 3:16

होखुरीककी युहन्‍नै डेया, “ङा नाखुरीककी डीये बप्‍तिस्‍मा याल्‍हे। टर ङा डेनाङ कर्‍हाङ्‍छ काट जना राम्‍हन ले। ङा च होसकुङ मीहीलुङ चप्‍पलौ फीट्‍टा फोसाक्‍की ज्‍योस्‍च र माले। होसकै नाखुरीककी पवित्र आत्‍मा र म्‍हेये बप्‍तिस्‍मा याल्‍हे।

युहन्‍ना 1:26

युहन्‍नै जवाफ याहा, “ङा च डीये मट्‍टै बप्‍तिस्‍मा याल्‍हे। टर नाखुरीकुङ मीघ्‍याङ नाखुरीकै माचीन्‍डीच काट जना ले।

युहन्‍ना 1:33

इसे डेनाङ पहीला ङै च होसकोकी माचीन्‍डीमन्‍या, टर डीये बप्‍तिस्‍मा याखी डेयार ङाकी बीर्‌न्‍हकाच परमेश्‍वरै इट डेमन्‍या, ‘कुसे भर्मीमीटाक नीये पवित्र आत्‍मा राहार ङुच डाङ्‍ले, पवित्र आत्‍मै बप्‍तिस्‍मा याछ होसको न हो।’

युहन्‍ना 14:26

टर बोये ङौ म्‍यार्‌मीनाङ बीर्‌न्‍हकाच सल्‍हाकार पवित्र आत्‍मै नाखुरीककी पट्‍ट न कुरा पाहाक्‍ले र ङै नाखुरीककी डेच पट्‍ट न कुराको आर्‌मीटाक्‍ङ याल्‍हे।

युहन्‍ना 16:4

टर इसे कुराको ङै नाखुरीककी डेमने, जब होसे समय राल्‍हे, टब नाखुरीककी ङै ही डेमन्‍या होसे नाखुरीकै आर्‌मीट्‍ले। पहीला ङै नाखुरीककी इसे कुराको माडेया, हीजैडेनाङ ङा नाखुरीक खाटा न लेया।

प्रेरित 1:5

युहन्‍नै च डीये बप्‍तिस्‍मा याहा टर अब कालाप डीनाङ पवित्र आत्‍माङ नाखुरीकुङ बप्‍तिस्‍मा छान्‍ले।”

प्रेरित 20:35

ङै पट्‍ट न कुराङ नाखुरीककी पाहाक्‍ङ ने, नाखुरीकै र इटजाट्‍न न मेहनट जाटार कमजोरी कोलाक सहायटा जाट्‍की पर्‌ले। प्रभु येशूओ बचन आर्मीट्‍नी, कुटजाट्‍न होसकै लहे न डेम ने, ‘लाकी डेनाङ याखी झन आसीस हो।’”

२ पट्‍रुस 3:1

ङौ विश्‍वासी डाजेभाइको र डै बहीनीको, नाखुरीककी रीक्‍च इसे ङौ डोस्‍रो चीठी हो। इसे नीस चीठीयाङ न इसे कुराकुङ बारेयाङ आर्‌मीटाकार नाखुरीकुङ मीमनाङ शुद्ध बीचार छान्‍ख्‍यौ डेयार उट्‍साह याखीयो लागी हो।