प्रेरित 11:13 - पुर्वीय मगर

¹³ अनी होचे कानकी डेया, काट स्‍वर्गदूत होच्‍यौ इमाङ राहार इट डेच होचे डाङा, ‘योप्‍पा सहराङ लेच पत्रुस डेच सीमोनकी आर्‌घाम कानी।

प्रेरित 11:13 ပူးပေါင်းရင်းမြစ်များ

प्रेरित 10:22

होखुरीकै डेया, “काट जना कप्‍तान कर्नेलियसै कानकी बीर्‌न्‍हकाच हो। आसको इमान्‍डारी र परमेश्‍वर खाटा बीर्‍हीछ भर्मी ले। आसकोकी पट्‍ट यहूदी जातिकै र आदर जाट्‍ले। नाकोकी आसकुङ इमाङ आर्‌घार नाकोलकीङ सन्‍देश सेकी डेम काट पवित्र स्‍वर्गदूतै आसकोकी आज्ञा याम्‍हने।”

प्रेरित 11:12

होटै पवित्र आत्‍मै ङाकी होखुरीक खाटा अप्‍ठ्‍यारो मामन्‍डीम नुङ्‍की डेया। होखुरीक छ जना विश्‍वासी डाजे-भाइको र ङाखाटा नुङा र कान कर्नेलियसौ इम भीत्री पर्‌या।

प्रेरित 11:14

होचे नाङ्‍की बचन सेटाक्‍ले, र होसे बचन लकीङ न नुओ पट्‍ट न परीवारै मुक्‍ति डुप्‍ले।’

प्रेरित 12:11

होटै पत्रुस झस्‍याङ्‌ग छानार लहाकी ही छान्‍च हो डेम थाहा डुपा र होचे डेया, “अब ङाकी साँच्‍ची न थाहा छाना, प्रभुये लहो स्‍वर्गदूत बीर्‌न्‍हकार हेरोद राजौ मीहुटीङ र यहूदीकै ङाकी ही जाट्‍की पामन्‍या होसे पट्‍ट लकीङ जोगडीया।”

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

प्रेरित 9:38

लुड्‍डा योप्‍पा लकीङ खेरेप लेया। पत्रुस लुड्‍डाङ ले डेच कुरा विश्‍वासीकै थाहा डीन्‍हा। होटै होखुरीकै नीस जना भर्मीकी पत्रुस लेठाङ इट डेम बिन्‍ती जाट्‍की बीर्‌न्‍हका, “ढीलो माजाट्‍न कान लेठाङ राम्‍ह यान्‍ही!”

प्रेरित 9:42

इसे कुरा पट्‍ट न योप्‍पा सहर भरी फैलडीसा र वास्‍टै भर्मीकै प्रभुवाङ विश्‍वास जाटा।

प्रेरित 9:43

होस न्‍हुइङ पत्रुस वास्‍टै डीन सम्‍म छालौ काम जाट्‍च काट जना सीमोन डेच भर्मीखाटा योप्‍पाङ ङुवा।