प्रेरित 10:36 - पुर्वीय मगर

³⁶ परमेश्‍वरै येशू ख्रीष्‍ट लकीङ इस्राएलीकोलाक बीर्‌न्‍हकाच शान्‍तियो सेछ समाचार नाखुरीककी थाहा न ले। होसको न पट्‍टकुङ प्रभु हो।

प्रेरित 10:36 ပူးပေါင်းရင်းမြစ်များ

मत्ती 10:6

टर म्‍हाट्‍च भेडाको ल्‍याक्‍च इस्राएली जातिको लेठाङ मट्‍टै नुङ्‍नी।

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

प्रेरित 10:37

युहन्‍नै बप्‍तिस्‍मौ प्रचार जाट्‍च न्‍हुइङ, गालील लकीङ सुरु जाटार पट्‍ट यहूदियाभरी प्रचार जाट्‍च बचन इसे न हो।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 13:32

परमेश्‍वरै कानुङ बोइ-बाज्‍युकोखाटा प्रतिज्ञा जाटा। होटबाटै सेछ-समाचार कान नाखुरीककी सेटाक्‍ले,

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 2:36

“होटबाटै इस्राएलुङ पट्‍ट न भर्मीकै इसे कुरा पक्‍का जाट्‍न वार्‌खी पर्‌ले। नाखुरीकै क्रूसाङ टङ्‍गडीच येशूकी न परमेश्‍वरै प्रभु र मुक्‍ति याछ ख्रीष्‍ट खासा।”

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

१ पट्‍रुस 3:22

होसको सीच लकीङ जीवाचपछी स्‍वर्गाङ नुङा र चाहाँ परमेश्‍वरौ डोरपट्‍टी ङुमने अनी पट्‍ट न स्‍वर्गदूत र स्‍वर्गाङ लेच अधिकार र शक्‍तिको होसकुङ अधिनाङ ले।