प्रेरित 10:34 - पुर्वीय मगर

³⁴ होटै पत्रुस ङाक्‍की ठाला, “साँच्‍ची न चाहाँ ङै डाङ्‍ने, परमेश्‍वरै सुकीर पक्‍छ्‍यपाट माजाट्‍ले।

प्रेरित 10:34 ပူးပေါင်းရင်းမြစ်များ

मत्ती 22:16

होखुरीकै लहो चेलाकोलाक हेरोद राजौ भर्मीको खाटा येशूलेठाङ बीर्‌न्‍हका। होखुरीकै नुङार होसकोकी डेया, “ए गुरुज्‍यु, कान वार्‌ल्‍हे, नाको सत्‍य ङाक्‍ले, र परमेश्‍वरौ लाम सत्‍य खाटा पाहाक्‍ले। अनी भर्मीकै ही डेले औँला डेयार वास्‍टा र माजाट्‍ले, हीजैडेनाङ नाकै भर्मीकुङ मेङेर ङोसार काम माजाट्‍ले।

मत्ती 5:2

होटै होसकै होखुरीककी शिक्षा याखी ठाला:

लुका 20:21

होटै होसे भर्मीकै नुङार येशूकी गीना, “ए गुरुज्‍यु, कानकी थाहा ले, नाकै डेच कुरा र पाहाक्‍च शिक्षा ठीक ले। नाकै सुओर पक्षपात माजाट्‍ले र परमेश्‍वरौ सत्‍यौ लाम टान्‍हाक्‍ले।

प्रेरित 10:33

होस न्‍हुइङ ङै तुरुन्‍तै नाकोलेठाङ भर्मी बीर्‌न्‍हका अनी नाको दया जाटार राम्‍ह याहा। अब प्रभुये नाकोकी आज्ञा याछ पट्‍ट न कुराको सेकी कान पट्‍टको परमेश्‍वरौ अगाडी भेला छान्‍नने।”

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

प्रेरित 8:35

टब फीलीपै ङाक्‍की सुरु जाटा धर्मशास्‍त्रओ होसे न खन्‍डलकीङ येशूओ सेछ समचार होसकी सेटाक्‍की ठाला।

याकुब 2:1

ङौ विश्‍वासी डाजेभाइको र डै बहीनीको, नाखुरीक काल्‍हौ महीमीत प्रभु येशू ख्रीष्‍ट मीटाक विश्‍वास जाट्‍चको लेचबाटै सुओर पक्षपात माजाट्‍नी।

याकुब 2:4

होटजाटा डेनाङ ही नाखुरीककी लहौ न भर्मीकुङ मीघ्‍याङ भेदभाव जाट्‍च र मासेछ बीचार लेच न्‍यायकर्ता माछाना र?

याकुब 2:9

टर नाखुरीकै भर्मीकोखाटा व्‍यवहार जाट्‍नाङ पक्षपात जाटा डेनाङ च पाप जाट्‍ले र नाखुरीककी व्‍यवस्‍था उलङ्‍घन जाट्‍च डोस लक्‍डीस्‍ले।

१ पट्‍रुस 1:17

प्रार्थना जाट्‍नाङ नाखुरीकै परमेश्‍वरकी बोइ डेयार पुकारीले। होसकै पट्‍ट न भर्मीकुङ लहा-लहे जाट्‍च काम अनुसार पक्षपात माजाट्‍न न्‍याय जाट्‍ले। होटबाटै जब सम्‍म नाखुरीक संसाराङ ङुले टब सम्‍म होसकुङ आदर जाट्‍च नाखुरीकुङ जीवन छान्‍ख्‍यौ।