प्रेरित 10:14 - पुर्वीय मगर

¹⁴ टर पत्रुसै डेया, “होइन प्रभु, ङै सेन्‍र हीर अशुद्ध ठोक र व्‍यवस्‍थै ज्‍याकी माछान्‍ले डेच ठोक माज्‍यामे।”

प्रेरित 10:14 ပူးပေါင်းရင်းမြစ်များ

मत्ती 15:11

मेङेरीङ भीत्री ही पर्‌ले, होचे भर्मीकी अशुद्ध माखास्‍ले। टर मेङेरीङ बाहीर ख्‍योछ मासेछ कुरै चहीँ भर्मीकी अशुद्ध खास्‍ले।”

मत्ती 16:22

याङ्‍च कुरा सेयार पत्रुसै येशूकी काट पट्‍टी आल्‍हार च्‍याक्‍चै डेया, “ए प्रभु! परमेश्‍वरै होट माजाट्‍ख्‍यो, नाको मीटाक याङ्‍च सेन्‍र माछान्‍ले।”

मत्ती 25:9

टर बुद्धि लेच कन्‍याकै जवाफ याहा, ‘नाखुरीककी याखी ओल्‍छ सीडी कानखाटा माले, डोकानाङ नुङ्‍नी र लोवार राक्‍नी।’

मत्ती 8:2

होडीक न बेला काट जना कुष्‍ठरोग लक्‍डीस्‍च भर्मी राहा र होसकुङ अगाडी घुँडा टुसार डेया, “ए प्रभु, नाकै मीमन जाटा डेनाङ ङाकी गेपाक्‍की य्‍होक्‍ले।”

मर्कूस 7:2

अनी येशूओ चेलाकै मीहुट माहुर्‌न न ज्‍याच होखुरीकै डाङा। इस्राएलीकुङ चलन अनुसार मीहुट माहुर्‌न ज्याचकोलाक अशुद्ध मन्‍डीमन्‍या।

लुका 1:60

टर मेनो मोये डेया, “होइन, इच्यो म्‍यार्‌मीन च युहन्‍ना डाकी पर्‌ले।”

युहन्‍ना 4:11

होसे मास्‍टो भर्मीये येशूकी डेया, “हजुर, नाकोखाटा गाप्‍च भाडा र माले, अनी इनार र लुप्‍च ले। टब नाकै होसे जीउँडो डी कुटै राक्‍ले?

प्रेरित 10:13

होचे याङ्‍च काट सोर सेया, “ए पत्रुस सोना, होखुरीककी साटार ज्‍यौ।”

प्रेरित 10:28

पत्रुसै होखुरीककी डेया, “अरु जातिकोखाटा सङ्‍गट जाट्‍की र होखुरीक खाटा डुप्‍की चहीँ काट यहूदीयो लागी व्‍यवस्‍थौ विरुद्ध हो डेच कुरा नाखुरीककी थाहा न ले। टर परमेश्‍वरै ङाकी सुकीर अशुद्ध माठहरीडीकी डेयार टान्‍हाक्‍ने।

प्रेरित 22:8

अनी ङै गीना, ‘ए प्रभु, नाको सु हो?’ होसकै ङाकी डेया, ‘नासरतुङ येशू ङा न हो, होसकी न नीये सटडीमन ले।’

प्रेरित 9:5

साउलै डेया, “प्रभु, नाको सु आले?” होसकै डेया, “सुकी नीये सटडीम न ले होसे येशू ङा न हो।