प्रेरित 1:4 - पुर्वीय मगर

⁴ येशू होखुरीक खाटा ज्‍याकी ङुनाङ होसकै होखुरीककी याङ्‍च आज्ञा याहा, “नाखुरीक यरूशलेमीङ कुलाक र मानुङ्‍नी टर बोये पवित्र आत्‍मा बीर्‌न्‍हकाले डेयार जाट्‌च प्रतिज्ञाकी लेन्‍नी। इसे बारेयाङ ङै पहीला न डेम भ्‍यामने।

प्रेरित 1:4 ပူးပေါင်းရင်းမြစ်များ

मत्ती 10:20

हीजैडेनाङ होडीक बेला ङाक्‍च नाखुरीक लाहा न होइन, टर नाखुरीकुङ परमेश्‍वर बोयो आत्‍मा नाखुरीक लकीङ ङाक्‍ले।

लुका 11:13

नाखुरीक दुष्‍ट छानार च लहो मीजा कोलाक मजुङ ठोकको याखी वार्‌ल्‍हे डेनाङ झन स्‍वर्गाङ लेच नाखुरीकुङ बोये कुडीक वास्‍टै पवित्र आत्‍मा याल्‍हे।”

लुका 12:12

हीजैडेनाङ नाखुरीकै ही डेकी पर्च हो, होडीक न बेला पवित्र आत्‍मै पाहाक्‍ले।”

लुका 24:49

सेनी, “ङौ बोये जाट्‍च प्रतिज्ञा ङा नाखुरीक लेठाङ बीर्‌न्‍हकाले। टर स्‍वर्ग लकीङ राछ शक्‍तिये मान्‍हेप्‍ठर सम्‍म नाखुरीक इसे सहराङ न ङुनी।”

युहन्‍ना 14:16

अनी ङा बोइखाटा बिन्‍ती जाट्‍ले, र होसकै नाखुरीकुङ लागी अर्‌को काट जना सल्‍हाकार बीर्‌न्‍हकाले, र होसको चहीँ नाखुरीक खाटा सढैँ भरी ङुले।

युहन्‍ना 15:26

“अब ङा बोइलकीङ सत्‍यौ आत्‍मा नाखुरीककी सल्‍लाह याखी बीर्‌न्‍हकाले। होसकै न ङौ बारेयाङ साक्षी याल्‍हे।

युहन्‍ना 20:22

होटै होसकै होखुरीक मीटाक सास म्‍हुटार डेया, “पवित्र आत्‍मा लानी।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

प्रेरित 10:41

पट्‍ट न भर्मीकोलाक चहीँ होइन, टर कानकी परमेश्‍वरै साक्षी खास्‍कीयो लागी अगाडी लकीङ न चुन्‍डीमन्‍या। अनी होसको सीच लकीङ जीवाच न्‍हुइङ कानखाटा डुपा र कान होखुरीक न हो सुये होसकोखाटा ज्‍याम-गाम जाटा।

प्रेरित 2:33

परमेश्‍वर बोये येशूकी मान जाटार लहो डोर मीहुट पट्‍टी डा र लहे प्रतिज्ञा जाट्‍च अनुसार होसकोकी पवित्र आत्‍मा याहा। अनी होसे पवित्र आत्‍मा येशूये काल्‍हा मीटाक व्‍हाक्‍ङ याछ हो, होसे न कुराको नाखुरीकै चाहाँ डाङ्‍ङने र सेमने।